Maꞈtehˬ 10:16 - Akha

¹⁶ “Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ “Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Maꞈtehˬ 10:16 Referans Kwoze

Luˇkaꞈ 10:3

Naw maꞈ doˆ-iˇ-awˬ. Kʼaˬ yehˇ yehˇ maꞈ laꞈ kʼoeˇ yawˇ zaˬ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ uˇ gʼeh-eu ma.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Gʼaˬkʼehˇ 20:29

Ngaˇ doˆ-iˇ dzeuˇ naˇ guˆ laˇ paˬ-ehˇ gʼeh-eu kʼaˬ yehˇ deuˬ oe-awˇ, yawˇ yawˇ maꞈ-ahˇ gʼawˬ shaˬ maˬ gaˬ ni laˆ cawˆ le tehꞈ-a lehˇ ngaˇ siˬ nya ma.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.

2 Gawˇliˬtu 11:14

Aˬ yawꞈ maꞈ kʼoeˇ loꞈ-ehˇ gʼeh gaˇ zahˬ leˇ duˬ maˬ jaˆ-a. Nehꞈ Saˬdaˬ kʼawꞈ yaw shehꞈ bya-eu mˬ taˆ gʼaˬ kʼehˇ jahˇ geuꞈ nya-eu meh.

Aˇ dahˬ 3:1

Aˇ lawˇ-aˬ, Sahˬpaˬ Miˬyehˇ pyeuꞈ-eu Miˬyehˇ neh beh taˬ-euˬ jeˬ zaˬ deuˬ laꞈ kʼoeˇ, aˬ cawˬ naˆ maˬ tseˇ nui ma laꞈ gʼoꞈ baw-eu jeˬ pyeuꞈ-eu meh. “Aˬ diˇ aˬ maˇ yaˇ kmˇ laꞈ kʼoeˇ siˬ-eu aˇ siˬ tiˬ siˬ-iˬ taˬ pyaˆ dzaˬ lehˇ naw nyaꞈ-ahˇ Miˬyehˇ ehˇ ta loˇ” lehˇ, zaˬ miˬ zaˬ kʼoeˇ gʼaˬ-ahˇ aˇ lawˇ kʼoeˇ mawˇ naˇ haˬ-euˬ meh.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 8:20

Nui ma keuˆ-awˇ damˬ taˬ-euˬ pyuˇ heu deuˬ-ahˇ nga maꞈ tuˆ tehˬ-awˇ gaˇ mˇ ngeh, aˬ cawˬ iˬ baˇ taˬ-eu jeˬ maˬ bi doˆ laˇ ni yahˇ luꞈ ma.

Aˇ dahˬ 3:13

“Aˬ jeˬ miˇ neh nawˇ kʼoeˇ loꞈ-ehˇ mˇ teˬ” lehˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ naˇ haˬ ngeh, “Aˇ siˬ kʼoeˇ pyaˆ dzaˬ-awˬ lehˇ aˇ lawˇ ngaˬ-ahˇ muˇ juˇ juˇ-eu miˇ neh pyaˆ dzaˬ-euˬ ma” lehˇ, zaˬ miˬ zaˬ gʼaˬ ehˇ kʼoꞈ nehˬ-euˬ meh.

Yeˬlaˬmiˇ 40:16

Ehˇ kʼawꞈ, Geˬdaˬliˇ ehˇ-eu, “Toˆ-ehˇ taˬ jahˇ. Iˇshaˬmeˬlaˇ gaˇ kawˆ nawˇ ehˇ -eu teu maˬ tsaˬ-a.”

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Maꞈtehˬ 24:25

Naˇ haˬ-awˬ. Aˇ yamˬ maˬ keuˆ laˇ mi naˇ-ehˇ, gaˇ kawˆ heu deuˬ naw maꞈ-ahˇ ngaˇ ehˇ nehˬ taˬ-eu ma.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 25:2

Aˬ buˇ zaˬ guˬ kʼoeˇ deuˬ-aˬ, yaw laiꞈ ngaˬ gʼaˬ hawˇ-eu noeˬ dahˇ doe-eu ngaˬ gʼaˬ meh.

Maꞈtehˬ 25:4

Noeˬ dahˇ doe-eu kʼoeˇ ngaˬ gʼaˬ-aˬ, tsiˇ kʼmˬ ciˬ gʼeh-awˇ, tsiˇ maˇ tsaꞈ kʼawꞈ ciˬ gʼeh-euˬ meh.

Maꞈtehˬ 25:9

Noeˬ dahˇ doe-eu kʼoeˇ ngaˬ gʼaˬ ehˇ-eu, ‘Nga maꞈ gʼaˇ duˬ maˬ ngeuˇ naˇ maˬ loꞈ leˇ-eu paˬ. Tsiˇ ahˬ gaˇ iˇ-awˇ zeuˇ laˬ-iˇ-awˬ.’

Neˬhaˬmiˇ 4:13

Kʼoeˇ miˇ neh, nga maꞈ-euˬ tsawˇ haˬ deuˬ-ahˇ, mi cehˇ, gahˬ hawˇ-eu kaˆ bi baꞈ-awˇ, yawˬ ha aˇ jeuˬ yawˬ ha, maˬ gawˬ goˇ keuˆ-euˬ meuˬ lahˇ aˇ deuˆ kʼaˇ jaˆ-eu naˇ kʼah bi loꞈ-euˬ ma.