Maꞈtehˬ 10:1 - Akha

¹ Kʼoeˇ naˇ, Yeˬsuˇ-aˬ, aˬ yawꞈ-euˬ zaˬ lahˇ tseˇ nyiꞈ gʼaˬ-ahˇ kuˇ uiˬ-awˇ, nehꞈ yaw jawꞈ deuˬ-ahˇ teh doˆ-eu baoˬ hawˇ-eu, naˇ gawˇ yawˬ jeˬ na luꞈ-ahˇ laˆ taˬ nya-eu baoˬ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, Yeqsur, aqyawf-euq zaqlanr 12 ghaq-anr kurlaf-awr, naef yawjawf deuq-anr taedov nya’ni, nar-awr gawr-eu kharngeur-eu jeq hawr-eu nargawr yawqjeq navluf lavtaq nya’ni, aqyawf maf-anr aryaq bif-euq mae.

Maꞈtehˬ 10:1 Referans Kwoze

Luˇkaꞈ 10:19

Naˇ haˬ sheˇ. Doꞈ kʼaˆ-eu aˇ lawˇ hawˇ-eu boeˬ kaˬ laˬ ma-ahˇ nawˬ tehˬ nya-eu uˬ taꞈ, muiˇ-eu deuˬ-euˬ baoˬ-ahˇ gʼaˬ leˇ nya ni, ngaˇ naw maꞈ-ahˇ baoˬ biꞈ-eu ma. Naw maꞈ-ahˇ laˆ coeˬ laˆ ciˆ nya-eu tiˬ jeˬ-iˬ maˬ jaˆ-a.

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Luˇkaꞈ 6:13

Uˬ bya bya laˇ ngeh, aˬ yawꞈ-euˬ zaˬ lahˇ deuˬ-ahˇ kuˇ-awˇ, tseˇ nyiꞈ gʼaˬ tseˇ doˆ-awˇ, gʼaˬ kʼehˇ lehˇ myahˇ nehˬ-euˬ meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Gʼaˬkʼehˇ 19:15

Nehꞈ yaw haiˬ kʼoeˇ mawˇ aˬ yawꞈ maꞈ-ahˇ ehˇ-eu, “Yeˬsuˇ-ahˇ ngaˇ siˬ nya ma. Pawˇluˆ-ahˇ kʼawꞈ siˬ nya ma. Ehˇ kʼawꞈ, naw maꞈ aˬ gaˇ-euˬ tsawˇ haˬ te.”

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Yoˇhaˬ 6:70

Yeˬsuˇ ehˇ-eu,“Naw maꞈ tseˇ nyiꞈ gʼaˬ-ahˇ ngaˬ neh tseˇ doˆ-euˬ maˬ ngeuˇ-a loˇ. Ehˇ kʼawꞈ, naw maꞈ laꞈ kʼoeˇ tiˬ gʼaˬ-aˬ, Nehꞈsahˬpaˬ meh.”

Yoˇhaˬ 3:35

Aˬda-aˬ, Zaˬmaˇ-ahˇ gaˬ-eu miˇ neh, yawˬ jeˬ na luꞈ aˬ yawꞈ-ahˇ a nehˬ jiˇ taˬ-euˬ meh.

Panmaeq 12:1

Kʼoeˇ naˇ, huiˬ dui dui-eu zahˬ leˇ paˬ-ehˇ gʼeh-eu jeˬ mˬ kʼoeˇ taˆ ya mawˇ-euˬ ma. Zaˬ miˬ zaˬ tiˬ gʼaˬ nahˇ ma-ahˇ dm-awˇ, ba la-ahˇ nawˬ tehˬ taˬ-awˇ, aˬ guiˇ tseˇ nyiꞈ siˬ tsoꞈ-eu shuiˇ uˬ kʼoˆ kʼoˆ luꞈ-eu meh.

Maꞈtehˬ 26:47

Yeˬsuˇ dawˬ ngehˬ gʼaˬ-eu maˬ dah ni, zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Yuˇdaˆ lehˇ myahˇ-euˬ gʼaˬ oe keuˆ-euˬ meh. Mi cehˇ hawˇ-eu daˇ kawˬ baꞈ luꞈ-eu tsawˇ haˬ aˇ maꞈ maꞈ ma tiˬ maꞈ, aˬ yawꞈ nehˬ-ehˇ oe-euˬ meh. Piˇ ma aˬ yuiꞈ deuˬ hawˇ-eu aˬ yuiꞈ aˬ tsu geuꞈ-eu deuˬ neh aˬ yawꞈ maꞈ-ahˇ kʼehˇ gʼeh leꞈ-euˬ meh.

Maꞈtehˬ 26:20

Uˬ ciꞈ uˬ taw taw le ngeh, Yeˬsuˇ hawˇ-eu zaˬ lahˇ tseˇ nyiꞈ gʼaˬ hawˬ jawˬ jawˬ leˇ-euˬ meh.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Maꞈtehˬ 9:35

Meuˬ doe ni, pu doe ni Yeˬsuˇ iˇ-awˇ, uˬ duˬ tahˬ nymˇ laꞈ kʼoeˇ dawˬ mehˬ dawˬ tsoˆ tsoˆ-euˬ meh. Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ-awˇ, naˇ gawˇ yawˬ jeˬ na luꞈ-ahˇ laˆ taˬ nehˬ-euˬ meh.

Maꞈtehˬ 9:38

Kʼoeˇ miˇ neh, aˬ yawꞈ-euˬ cehˇ yehˬ duˬ-ahˇ cehˇ yehˬ zaˬ deuˬ gʼawˬ mya ni bi oe-eu gʼaˇ duˬ, Yaw sahˇ gʼaˬ-ahˇ guiˬ lahˬ shaˇ-awˬ.”