Maꞈtehˬ 1:18 - Akha

¹⁸ Yeˬsuˇ Ka li dehꞈ le-euˬ gaˇ kawˆ-aˬ, heu loꞈ-ehˇ meh. Aˬ yawꞈ-euˬ aˬ ma Maˬliˇ-aˬ, Yoˇsehˆ-ahˇ dahˬ dzaˬ-iˇ-eu gʼaˇ duˬ ngehˬ cawˬ tsehˆ taˬ-euˬ meh. Ehˇ kʼawꞈ, Maˬliˇ-aˬ, aˬ yawꞈ nyaꞈ oeˇ mˇ maˬ baˇ mi naˆ-ehˇ, Muiˬ-eu shawˇ-eu Yaw sahˇ Miˬyehˇ baˬ da neh zaˬ tsehˆ leˇ-euˬ gaˇ kawˆ, yawˬ haˇ yawˬ ha ya siˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Yeqsur Kali daefle-euq garkawv-aq heulof-aer mae. Aqyawf-euq aqma Maqliv-aq, Yorsaev-anr danqdzaq-ir ma laer aertsaev taq-euq mae. Aqyawfnyaf maq sheuqdanq dzaq-euq minav-aer, Maqliv, Yawshawr Saflar-euq baqda’nae zaq tsaevler-euq mae.

Maꞈtehˬ 1:18 Referans Kwoze

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

HeˬByehˇ 10:5

Kʼoeˇ baˬ da neh, Ka li miˇ tsaˬ heu kʼoeˇ taˆ zaꞈ le-eu lehˇ gʼeh ngeh, aˬ yawꞈ Miˬyehˇ-ahˇ heu loꞈ-ehˇ ehˇ nehˬ-euˬ meh. “Lawˇ nehˬ-eu jeˬ, damˬ nehˬ-eu jeˬ, heu deuˬ-ahˇ nawˇ maˬ geuꞈ mawꞈ-a. Ehˇ kʼawꞈ ngaˬ-ahˇ gʼawˇ mawˇ tiˬ mawˇ, nawˬ neh laˆ saˆ nehˬ laꞈ-euˬ meh.

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

HeˬByehˇ 7:26

Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Yawˇbaˆ 15:14

Shawˇ jehˆ ni gʼeh-eu tsawˇ haˬ maˇ maˇ ni jawˇ meh loˇ. Miˬyehˇ mehˬ shi tsaˬ-eu dawˇ-eu tsawˇ haˬ jawˇ meh loˇ.

Luˇkaꞈ 1:25

Aˬ yawꞈ ehˇ-eu, “Nymˬ-mˇ poˆ jawˇ-aˬ, tsawˇ haˬ mehˬ shi ngaˇ daˬ maˬ paˇ ya ga ni, Sahˬpaˬ Miˬyehˇ ngaˬ-ahˇ caw ba nehˬ laꞈ-euˬ meh.”

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Dawˬmehˬ 22:23

“Tsawˇ haˬ tiˬ gʼaˬ aˬ cawˬ-ahˇ ngehˬ cawˬ tsehˆ taˬ-euˬ zaˬ miˬ aˬ buˇ tiˬ gʼaˬ nehˬ-ehˇ meuˬ laꞈ kʼoeˇ yuꞈ taꞈ luꞈ gaˇ bi nyehꞈ-euˬ ehˇ-awˬ.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 12:46

Yeˬsuˇ tsawˇ haˬ aˇ maꞈ-ahˇ mehˬ nehˬ tsoˆ nehˬ luꞈ ngeh, aˬ yawꞈ-euˬ aˬ ma hawˇ-eu mehˇ nmˇ deuˬ oe keuˆ-euˬ meh. Aˬ yawꞈ maꞈ laꞈ nyiˇ yawꞈ-awˇ, “Yeˬsuˇ-ahˇ dawˬ ngehˬ cawˬ mawꞈ nya” lehˇ ehˇ-eu meh.

Luˇkaꞈ 2:5

Aˬ yawꞈ-ahˇ dahˬ dzaˬ laˇ-eu lehˇ saˇ jaˇ dzaˬ taˬ-euˬ Maˬliˇ nehˬ-ehˇ tiˬ kawˆ loꞈ-ehˇ tsawˇ myahˇ dawˆ leˇ-eu lehˇ le-euˬ meh. Kʼoeˇ ngeh, Maˬliˇ aˬ nyiˇ pi luꞈ-eu meh.