Maˬlaˬkiˇ 3:15 - Akha

¹⁵ Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Maˬlaˬkiˇ 3:15 Referans Kwoze

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

HeˬByehˇ 3:9

Miˬyehˇ heu loꞈ-ehˇ ehˇ-eu meh. Oeˬ tseˇ kʼoꞈ oeˬ tseˇ myaˇ byah ni, ngaˬ neh mˇ mehˬ-euˬ gaˇ deuˬ-ahˇ, aˬ yawꞈ maˬ ya mawˇ duˬ-euˬ kʼawꞈ, ngaˬ-ahˇ kʼoeˇ gaˇ lawˬ haw-euˬ meh.

Gʼaˬkʼehˇ 12:21

Ngehˬ cawˬ taˬ-euˬ aˇ nah keuˆ laˇ ngeh, Heˬloˆ-aˬ, sahˬ paˬ-euˬ dm gʼaˬ dm lmˇ dm-awˇ, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ-awˇ, miˇ kʼahˬ zaˬ deuˬ-ahˇ dawˬ ngehˬ nehˬ-euˬ meh.

Gʼaˬkʼehˇ 5:9

Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

Daˬyeˬlaˇ 6:16

Kʼoeˇ ngeh jawˇ, Daˬyeˬlaˇ-ahˇ nyehꞈ-awˇ aˇ laˬ jaˬ shiˇ kuˆ-ahˇ biꞈ ahˇ-eu gʼaˇ duˬ sahˬ paˬ dawˬ biꞈ-euˬ meh. “Nawˇ saˇ jaˇ ziꞈ-awˇ gʼoe luꞈ-eu nawˬ-euˬ Miˬyehˇ nawˬ-ahˇ ka kʼoꞈ luꞈ-uˇ” lehˇ, Daˬyeˬlaˇ-ahˇ aˬ yawꞈ ehˇ nehˬ-euˬ meh.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Yeˬlaˬmiˇ 7:10

Ngaˇ maˬ haw nahˇ-eu gaˇ heu deuˬ-ahˇ naw maꞈ mˇ kʼawꞈ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ ngaˬ-euˬ mehˬ shi naw maꞈ yawꞈ laˇ-awˇ, ‘Nga maꞈ kʼahˬ lahˇ duˬ maˬ jaˆ’ lehˇ ehˇ-eu meh.

Dawqdaq 12:12

Haiˬ-eu tsawˇ haˬ deuˬ neh ziꞈ dah ni gawˬ taˬ-euˬ nymˇ byaˆ-iˇ-awˇ, yaw tsaˬ yaw dawˇ tsawˇ haˬ duˬ ciˇ ziꞈ dah ni jaˆ tehꞈ-a.

Jaceuq 106:14

Kʼaˇ shuiꞈ deh-ahˇ jawˇ ngeh aˬ yawꞈ maꞈ shaˬ jiˇ mehꞈ laˇ-awˇ, Miˬyehˇ-ahˇ lawˬ haw-euˬ meh.

Jaceuq 95:9

Aˬ yawꞈ maꞈ gʼaˇ duˬ ngaˬ neh mˇ nehˬ shaˇ nehˬ dzeuˇ-euˬ jeˬ-ahˇ aˬ yawꞈ maꞈ ya mawˇ gʼaˬ-euˬ kʼawꞈ, kʼoeˇ tsahˇ-ahˇ aˬ yawꞈ maꞈ ngaˬ-ahˇ lawˬ haw-euˬ meh.

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Jaceuq 78:41

Miˬyehˇ-ahˇ tiˬ poˆ saˇ-iˬ tiˬ poˆ aˬ yawꞈ maꞈ lawˬ haw-awˇ, Iˇsaˬleˬlaˆ-euˬ Muiˬ-eu shawˇ-eu Miˬyehˇ-ahˇ nui ma shaˬ zahˬ bi mˇ-euˬ meh.

Jaceuq 78:18

Aˬ yawꞈ maꞈ mehꞈ-eu jeˬ bi dzaˬ laꞈ lehˇ ehˇ-awˇ, Miˬyehˇ-ahˇ aˬ yawꞈ maꞈ lawˬ haw-euˬ meh.

Jaceuq 73:12

Haiˬ-eu tsawˇ haˬ deuˬ kʼoeˇ loꞈ-ehˇ dehꞈ-eu meh. Aˬ yawꞈ maꞈ jaˆ-eu uˬ taꞈ jaˆ le tehˇ tehˬ-eu meh.

Jaceuq 49:18

Tsawˇ haˬ tiˬ gʼaˬ heu ziˇ laꞈ kʼoeˇ nui kʼahˇ shiˇ duˬ byah-awˇ, dehꞈ bym nya-eu miˇ neh aˬ cawˬ ja ceuˬ nehˬ kʼawꞈ,

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Yawˇbaˆ 22:23

Miˬyehˇ jawˇ gaˇ nui ma nahˬ yu ni gʼoꞈ leˇ-awˇ, nawˬ-euˬ nymˇ jiˇ laꞈ kʼoeˇ kʼaˇ mˇ-euˬ yaw haiˬ jeˬ byehˇ dzeh jiˇ-awˬ.

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Yawˇbaˆ 12:6

Ehˇ kʼawꞈ, smˇ kʼoeˬ tahˇ joe deuˬ hawˇ-eu miˬ yehˇ maˬ baw-eu deuˬ-aˬ, yawˬ ha-euˬ gʼaˬ-ahˇ yawˬ ha-euˬ miˬ yehˇ loꞈ-ehˇ gʼoe kʼawꞈ, saˇ lehˆ ni ya dehꞈ luꞈ meh.

Iˇsaˬtaˆ 5:10

Ehˇ kʼawꞈ, aˬ yawꞈ nui ma laꞈ kʼoeˇ dzahˬ tehˬ-awˇ iˇ kahˇ-ahˇ gʼoꞈ keuˆ-iˇ-euˬ meh. Kʼoeˇ naˇ, aˬ yawꞈ-euˬ cawˬ deuˬ-ahˇ aˬ yawꞈ-euˬ nymˇ-ahˇ kuˇ uiˬ-awˇ, aˬ yawꞈ-euˬ miˬ zaˬ Zaˬlehˆ-ahˇ kʼawꞈ kʼoeˇ gaˇ kuˇ taˬ-euˬ meh.

1 Gawˇliˬtu 10:9

Aˬ yawꞈ maꞈ tiˬ paˆ na deuˬ Miˬyehˇ-ahˇ lawˬ haw-euˬ loꞈ-ehˇ aˬ dui maˬ ya lawˬ haw-a. Aˬ yawꞈ maꞈ kʼoeˇ loꞈ-ehˇ lawˬ haw-euˬ miˇ meh aˇ lawˇ neh bi toˆ sehꞈ-euˬ meh.

Jaceuq 58:2

Maˬ ngeuˇ-a. Yaw haiˬ jeˬ mˇ-eu gʼaˇ duˬ tehꞈ-ehˇ naw maꞈ shaˇ noeˬ luꞈ-awˇ, yaw haiˬ jeˬ hawˇ-eu yaw lehˬ jeˬ tehꞈ-ehˇ miˇ tsaˬ kʼoeˇ taˆ naw maꞈ mˇ luꞈ meh.

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

Dawˬ tsoˆ 8:14

Ehˇ kʼawꞈ, kʼoeˇ loꞈ-ehˇ ehˇ-eu tiˬ jeˬ-iˬ gaˇ dahˇ maˬ tsoeˬ-a. Miˇ tsaˬ kʼoeˇ taˆ pyeuꞈ luꞈ gaˇ haw sheˇ. Tiˬ poˆ na, yaw haiˬ deuˬ iˬ baˇ mˇ-eu baˬ da neh, yaw tsaˬ yaw dawˇ tsawˇ haˬ deuˬ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ deuˬ neh mˇ-euˬ muiˬ-eu gaˇ aˇ poeˬ, haiˬ-eu tsawˇ haˬ deuˬ guiˬ lahˬ za-eu meh. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a lehˇ ngaˇ ehˇ-eu ma.

Iˇsaˬyaˇ 2:22

Naˇ mehˇ saꞈ gʼawˇ-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ nui jah taˬ ahˇ. Tiˬ jeˬ-iˬ gaˇ dahˇ maˬ tsoeˬ-a.

Yawˇbaˆ 1:22

Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ aˬ yawꞈ kʼoeˇ taˆ keuˆ le-euˬ kʼawꞈ, Miˬyehˇ-ahˇ iˬ baˇ taˬ-eu dawˬ ngehˬ-awˇ iˬ baˇ maˬ mˇ-a.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.