Maˬlaˬkiˇ 3:13 - Akha

¹³ Sahˬpaˬ Miˬyehˇ ehˇ-euˬ, “Ngaˬ-ahˇ coeˬ dui dui laˇ-eu dawˬ naw maꞈ ngehˬ-euˬ meh. Ehˇ kʼawꞈ, ‘Nga maꞈ nawˬ-ahˇ aˬ jeˬ ehˇ taˬ-euˬ jaˆ ta’ lehˇ naw maꞈ ehˇ-eu meh.

Maˬlaˬkiˇ 3:13 Referans Kwoze

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.

Lormav 9:20

Ehˇ kʼawꞈ, cawˬ-oˇ, Miˬyehˇ-ahˇ dawˬ poˆ poˆ leˇ paˬ-ehˇ nawˇ aˬ suˇ gʼaˬ te. “Nawˇ ngaˬ-ahˇ aˬ jeˬ miˇ neh heu loꞈ-ehˇ tehˆ nehˬ laꞈ te” lehˇ, oeˬ lahˬ tehˆ-eu tsawˇ haˬ-ahˇ miˇ tsaˬ oeˬ lahˬ dawˬ poˆ poˆ leˇ nya ta loˇ.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Maˬlaˬkiˇ 2:14

Aˬ jeˬ miˇ neh lawˇ-eu shehˇ-eu jeˬ-ahˇ aˬ yawꞈ maˬ paˇ ha geuꞈ nehˬ laꞈ ta lehˇ, naw maꞈ ehˇ tehꞈ-a. Naw maꞈ zaˬ guˬ pyeuꞈ ngeh neh sheuˬ taˬ-euˬ miˬ zaˬ-ahˇ, naw maꞈ saˇ jaˇ puiˬ-euˬ gaˇ kawˆ aˬ yawꞈ siˬ nya-eu miˇ neh, maˬ ha geuꞈ-eu jeˬ pyeuꞈ-eu meh. Aˬ yawꞈ-aˬ, naw maꞈ-euˬ dehꞈ cawˬ pyeuꞈ-awˇ, aˬ yawꞈ-ahˇ aˬ myah luꞈ saˇ jaˇ ziꞈ ma lehˇ Miˬyehˇ mehˬ shi naw maꞈ saˇ jaˇ dzaˬ taˬ-euˬ jaˆ kʼawꞈ, saˇ jaˇ puiˬ-euˬ meh.

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Maˬlaˬkiˇ 3:8

Ngaˇ naw maꞈ-ahˇ naˇ haˬ nyaˇ. Tsawˇ haˬ tiˬ gʼaˬ Miˬyehˇ-ahˇ mehˇ shuiˇ shuiˇ-eu tsaˬ tehꞈ-a loˇ. Maˬ tsaˬ-a. Ehˇ kʼawꞈ, naw maꞈ ngaˬ-ahˇ mehˇ shuiˇ shuiˇ luꞈ meh. ‘Aˬ joˆ-ehˇ shuiˇ taˬ’ lehˇ naw maꞈ ehˇ mawꞈ tehꞈ-a. Tseˇ bymˇ tiˬ bymˇ biꞈ-eu laꞈ kʼoeˇ maˬ ehˇ, ngaˬ-ahˇ damˬ-eu jeˬ laꞈ kʼoeˇ maˬ ehˇ, naw maꞈ ngaˬ-ahˇ mehˇ shuiˇ shuiˇ-euˬ meh.

Iˇsaˬyaˇ 5:19

Aˬ yawꞈ maꞈ heu loꞈ-ehˇ ehˇ-eu meh. “Sahˬpaˬ Miˬyehˇ aˬ yawꞈ neh kʼaˇ ehˇ taˬ-euˬ jeˬ, aˬ dui-ahˇ mawˇ laˇ ni, yaw kawˇ-ehˇ bi mˇ haw sheˇ. Iˇsaˬleˬlaˆ-euˬ muiˬ-eu shawˇ-eu Miˬyehˇ neh noeˬ taˬ-euˬ jeˬ, aˬ dui -ahˇ siˬ duˬ laˇ ni, yaw kawˇ-ehˇ bi keuˆ le haw sheˇ.”

Jaceuq 10:11

“Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

Iˇsaˬyaˇ 46:12

“Naˬ bawˇ yaw tuˇ deuˬ-oˇ, ngaˇ ehˇ gaˇ naˇ haˬ sheˇ. Gʼaˬ leˇ-eu jeˬ gaˇ mahˇ kaˬ-a siˬ lehˇ naw maꞈ noeˬ meh.

Yeˬlaˬmiˇ 44:18

Ehˇ kʼawꞈ, mˬ taˆ miˬ yehˇ ma-ahˇ lawˇ-eu shehˇ-eu jeˬ hawˇ-eu, aˬ gaꞈ dzaˇ uiˇ shehˆ-awˇ lawˇ-eu jeˬ maˬ paˇ lawˇ ni byehˇ ngeh tiˬ nah neh, nga maꞈ tiˬ jeˬ-iˬ maˬ jaˆ-ehˇ pyeuꞈ-iˇ-awˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ baˬ da neh, nga maꞈ-euˬ tsawˇ haˬ deuˬ ya shiˇ-euˬ ma.”

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Maˬlaˬkiˇ 3:12

Kʼoeˇ naˇ, miˇ kʼahˬ tsawˇ jeuˬ dawˬ tawˆ luꞈ, naw maꞈ-ahˇ guiˬ lahˬ huiˬ-eu tsawˇ jeuˬ lehˇ kuˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ miˇ kʼahˬ-aˬ, jawˇ muiˬ dui dui-eu miˇ kʼahˬ meh.”

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

Yawˇbaˆ 15:13

Nawˇ Miˬyehˇ-ahˇ nui ma pehˇ laˇ taˬ-awˇ, aˬ yawꞈ-ahˇ zaw leˇ-eu dawˬ ngehˬ-eu meh.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”