Maˬkuˆ 9:32 - Akha

³² Ehˇ kʼawꞈ, aˬ yawꞈ kʼoeˇ loꞈ-ehˇ mehˬ-eu aˬ yawꞈ maꞈ maˬ gʼoˆ shaw nya-ehˇ, aˬ yawꞈ-ahˇ maˬ naˇ haˬ peuˬ ni jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Zaqlanr deuq dawq khoerdawq-anr maq ghovshaw nya-eu khawf, aqyawf-anr maq narhaq peuq-a.

Maˬkuˆ 9:32 Referans Kwoze

Luˇkaꞈ 18:34

Gaˇ kawˆ kʼoeˇ deuˬ-ahˇ zaˬ lahˇ deuˬ tiˬ pawꞈ-iˬ maˬ gʼoˆ shaw nya-a. Dawˬ kʼoeˇ deuˬ-euˬ dawˬ tsuiꞈ aˬ yawꞈ maꞈ gʼaˇ duˬ dehˬ kaˬ taˬ-euˬ gaˇ duˇ-awˇ, Yeˬsuˇ ehˇ mawꞈ-eu jeˬ-ahˇ aˬ yawꞈ maꞈ maˬ siˬ nya-a.

Luˇkaꞈ 9:45

Ehˇ kʼawꞈ, dawˬ kʼoeˇ dawˬ-euˬ dawˬ tsuiꞈ-ahˇ zaˬ lahˇ deuˬ maˬ gʼoˆ shaw nya-a. Dawˬ kʼoeˇ dawˬ-aˬ, aˬ yawꞈ maꞈ maˬ gʼoˆ shaw nya ni zaꞈ taˬ-euˬ jeˬ pyeuꞈ-eu meh. Aˬ yawꞈ-ahˇ kʼawꞈ, aˬ yawꞈ maꞈ dawˬ tsuiꞈ maˬ naˇ haˬ peuˬ-a.

Luˇkaꞈ 2:50

Ehˇ kʼawꞈ, aˬ yawꞈ ehˇ mawꞈ-eu dawˬ tsuiꞈ-ahˇ, aˬ nyaꞈ dzeˇ zaˬ maˬ gʼoˆ shaw nya-a.

Yoˇhaˬ 16:19

Aˬ yawꞈ maꞈ aˬ yawꞈ-ahˇ aˬ joˆ-ehˇ naˇ haˬ mawꞈ-eu Yeˬsuˇ siˬ nya-eu miˇ neh, heu loꞈ-ehˇ ehˇ kʼoꞈ nehˬ-euˬ meh. “Tiˬ kʼehˬ gʼeh naˇ naw maꞈ ngaˬ-ahˇ maˬ paˇ ya mawˇ-ehˇ, tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a lehˇ ngaˇ ehˇ-eu ma. Ngaˇ aˬ jeˬ-ahˇ ehˇ mawꞈ-eu nga lehˇ naw maꞈ yaw kaˬ ja naˇ haˬ luꞈ-eu maˬ ngeuˇ loˇ.

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.

Maˬkuˆ 9:10

Yeˬsuˇ neh dawˬ biꞈ-euˬ loꞈ-ehˇ aˬ yawꞈ maꞈ naˇ haˬ geuꞈ-euˬ meh. Ehˇ kʼawꞈ, aˬ yawꞈ maꞈ yaw kaˬ ja-eu, “Shiˇ-awˇ gʼoꞈ dehꞈ laˇ-eu lehˇ ehˇ-eu teu aˬ jeˬ-ahˇ ehˇ mawꞈ-eu nga.”

Yoˇhaˬ 4:27

Kʼoeˇ ngeh, Yeˬsuˇ-euˬ zaˬ lahˇ deuˬ gʼoꞈ keuˆ le-awˇ, aˬ yawꞈ zaˬ miˬ zaˬ tiˬ gʼaˬ nehˬ-ehˇ dawˬ ngehˬ cawˬ luꞈ gaˇ ya mawˇ ngeh, zahˬ leˇ-euˬ meh. Ehˇ kʼawꞈ aˬ yawꞈ maꞈ tiˬ gʼaˬ-iˬ zaˬ miˬ zaˬ kʼoeˇ gʼaˬ-ahˇ “Nawˇ aˬ jeˬ loˬ-eu nya” lehˇ maˬ naˇ haˬ-a. Yeˬsuˇ-ahˇ kʼawꞈ, “Nawˇ aˬ jeˬ miˇ neh aˬ yawꞈ-ahˇ dawˬ ngehˬ cawˬ te” lehˇ maˬ ehˇ nehˬ-a.

Luˇkaꞈ 24:45

Kʼoeˇ ngeh, Jaˇ liꞈ-ahˇ gʼoˆ shaw nya ni, aˬ yawꞈ maꞈ-euˬ nui ma-ahˇ aˬ yawꞈ pah nehˬ-euˬ meh.

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 8:33

Ehˇ kʼawꞈ, Yeˬsuˇ aˬ yawꞈ-euˬ zaˬ lahˇ deuˬ-ahˇ nahˇ gʼoꞈ gʼoꞈ haw-awˇ, Beˬtuˆluˆ-ahˇ dehˬ-awˇ ehˇ-eu, “Saˬdaˬ-oˇ, cehˆ-awˬ. Nawˬ-euˬ nui noeˬ teu-aˬ, Miˬyehˇ-euˬ nui noeˬ maˬ ngeuˇ nga. Tsawˇ haˬ zaˬ-euˬ nui noeˬ nga.”

Maˬkuˆ 7:18

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ gʼeh maˬ gʼoˆ shaw nya te loˇ. Laꞈ nyiˇ paw neh tsawˇ haˬ-euˬ laꞈ kʼoeˇ kʼaˇ ahˇ-iˇ-euˬ jeˬ, aˬ yawꞈ-ahˇ maˬ muiˬ maˬ shawˇ-ehˇ bi pyeuꞈ-iˇ nya-eu tiˬ jeˬ-iˬ maˬ jaˆ-a.