Maˬkuˆ 8:15 - Akha

¹⁵ Zaˬ lahˇ deuˬ-ahˇ Yeˬsuˇ ehˇ nehˬ-eu, “Noeˬ gahˇ-awˬ. Paˬliˬsehˇ deuˬ-euˬ dehˬ tseˬ hawˇ-eu sahˬ paˬ Heˬloˆ-euˬ dehˬ tseˬ-ahˇ naw maꞈ yaw kʼaˆ kʼaˆ-ehˇ ya yahˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoerngae, Yeqsur, aqyawf maf-anr dawq bif-eu, “Nawmaf, Paqliqsaer deuq-euq daeqtseq hawr-eu Heqlor-euq daeqtseq-anr hawdov-awr yawkhav-aer yanr-awq.”

Maˬkuˆ 8:15 Referans Kwoze

Maꞈtehˬ 16:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Paˬliˬsehˇ hawˇ-eu Saˬduˬgehˇ deuˬ-euˬ dehˬ tseˬ-ahˇ yaw kʼaˆ kʼaˆ-ehˇ yahˇ-awˬ.”

Maˬkuˆ 12:13

Kʼoeˇ naˇ, Yuˇdaˆ tsawˇ haˬ aˬ yuiꞈ aˬ tsu kʼoeˇ deˬ neh, Paˬliˬsehˇ deuˬ hawˇ-eu Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ-ahˇ kʼehˇ gʼeh-awˇ, Yeˬsuˇ dawˬ bi ngehˬ bahˬ ni, dawˬ lahˇ ju bi kʼmˇ-iˇ-euˬ meh.

Uˬ duˬ 2:11

Dzaˬ la gʼo cehˇ lawˇ gaˇ taꞈ leˇ-eu lawˇ-eu jeˬ Sahˬpaˬ Miˬyehˇ-ahˇ naw maꞈ aˬ geu jeˬ lawˇ nehˬ-eu maˬ kaˬ, dehˬ tseˬ maˬ ya bi keuˬ-a. Aˬ jeˬ miˇ neh ehˇ naˇ, dehˬ tseˬ maˬ ehˇ, byaˬ byaˬ uiˇ maˬ ehˇ, miˬ dzaˬ-ahˇ puiˆ-awˇ Sahˬpaˬ Miˬyehˇ-ahˇ maˬ lawˇ nehˬ kʼmˬ-a.

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

Maꞈtehˬ 14:1

Aˇ yamˬ kʼoeˇ yamˬ-ahˇ, Yeˬsuˇ tsawˇ myahˇ doˆ-eu gaˇ kawˆ, Gaˬliˬlehˇ miˇ kʼahˬ-ahˇ uˆ lahˇ-eu sahˬ paˬ Heˬloˆ ya gaˬ-awˇ,

2 Tiˆmoˇseˬ 2:14

Nawˬ-euˬ tsawˇ haˬ deuˬ-ahˇ gaˇ kawˆ heu ja mehˬ nehˬ-awˇ, dawˬ-ahˇ taꞈ leˇ-eu gaˇ kawˆ tsawˇ pyehˇ pyehˇ-awˇ maˬ ya ja dzaˬ-eu gʼaˇ duˬ Miˬyehˇ mehˬ shi yaw kʼaˆ kʼaˆ-ehˇ mehˬ nehˬ-awˬ. Kʼoeˇ loꞈ-ehˇ gʼeh-eu jeˬ-aˬ, gaˇ dahˇ maˬ tsoeˬ-eu uˬ taꞈ, ya gaˬ-eu tsawˇ haˬ deuˬ-ahˇ bi luˬ bi seˇ-iˇ-eu tehꞈ meh.

1 Tiˆmoˇseˬ 5:21

Nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ myaˆ pyawˬ huiˬ nyiˇ maˬ tseˇ ni, ngaˬ neh mehˬ-euˬ tsoˆ-euˬ dawˬ heu deuˬ-ahˇ yaw muiˬ paˬ-ehˇ naˇ haˬ geuꞈ-awˬ lehˇ, Miˬyehˇ hawˇ-eu Yeˬsuˇ Ka li mehˬ shi, muiˬ-eu shawˇ-eu mˬ taˆ gʼaˬ kʼehˇ deuˬ-euˬ mehˬ shi, ngaˇ nawˬ-ahˇ naꞈ suiˇ ni ehˇ-eu ma.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

Maꞈtehˬ 14:3

Heˬloˆ-aˬ, Yoˇhaˬ-ahˇ nyehꞈ-eu gʼaˇ duˬ dawˬ biꞈ-awˇ, tawˬ-ahˇ bi dawˆ taˬ-euˬ meh. Aˬ yawꞈ-euˬ mehˇ nmˇ Piˇliˇpuˆ-euˬ miˬ zaˬ Heˬloˇdiˇ baˬ da neh, aˬ yawꞈ kʼoeˇ loꞈ-ehˇ jahˇ-euˬ meh.

Maꞈtehˬ 14:6

Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ gʼeh luꞈ ngeh, tsawˇ haˬ dawˬ tawˆ luꞈ-euˬ mehˬ shi Heˬloˇdiˇ-euˬ aˬ buˇ gaˇ nyeh nyeh mehˬ gaˇ, Heˬloˆ nui ma tsaˬ dui dui-euˬ meh.

Maˬkuˆ 8:14

Zaˬ lahˇ deuˬ kaˬ muˇ shaˇ dawˆ-eu ngehˇ-euꞈ miˇ neh, lawˬ laꞈ kʼoeˇ kaˬ muˇ tiˬ yaˆ ahˇ-eu tehꞈ meh.

Maˬkuˆ 8:16

Zaˬ lahˇ deuˬ yaw kaˬ ehˇ-eu, “Aˬ dui maꞈ kaˬ muˇ maˬ hehˇ ahˇ leꞈ-euˬ miˇ neh, aˬ yawꞈ teu loꞈ-ehˇ ehˇ-eu jeˬ ngaˇ.”