Maˬkuˆ 6:46 - Akha

⁴⁶ Aˬ yawꞈ tsawˇ haˬ aˇ maꞈ-ahˇ gʼawˬ-iˇ gʼaˬ-awˇ, gawˬ jawˬ-ahˇ guiˬ lahˬ shaˇ leˇ-eu lehˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Yeqsur, tsawrhaq baqmaf deuq-anr pyaeq-awr bighof-ir-awr, aqyawf-aq, gawqjawq-anr le-awr guiqlanq sharler-euq mae.

Maˬkuˆ 6:46 Referans Kwoze

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Maꞈtehˬ 6:6

Ehˇ kʼawꞈ, nawˇ guiˬ lahˬ shaˇ ngeh, kuˆ lawˆ laꞈ kʼoeˇ uˇ leˇ-awˇ, laˇ gʼoˆ piˬ tehˬ taˬ-awˇ, maˬ mawˇ laˇ-eu nawˬ-euˬ Aˬda-ahˇ shaˇ-awˬ. Tsawˇ haˬ zaˬ maˬ mawˇ-eu jeˬ-ahˇ mawˇ nya-eu nawˬ-euˬ Aˬda nawˬ-ahˇ guiˬ lahˬ biꞈ laꞈ tehꞈ-a.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Maꞈtehˬ 14:23

Tsawˇ haˬ aˇ maꞈ-ahˇ bi gʼoꞈ-iˇ gʼaˬ ngeh, gawˬ duˇ-ahˇ guiˬ lahˬ shaˇ leˇ-eu lehˇ, aˬ yawꞈ tehꞈ-ehˇ daˆ leˇ-euˬ meh. Uˬ ciꞈ ciꞈ le ngeh, Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu meh.

1 Beˬtuˆluˆ 2:21

Naw maꞈ kʼoeˇ loꞈ-ehˇ dehꞈ-eu gʼaˇ duˬ Miˬyehˇ naw maꞈ-ahˇ kuˇ-euˬ meh. Aˬ jeˬ miˇ neh ehˇ naˇ, naw maꞈ Ka li-euˬ pehˬ zaˇ-ahˇ caw teh nya ni, aˬ yawꞈ-ahˇ bi dzaw geuꞈ-eu lehˇ, naw maꞈ gʼaˇ duˬ aˬ yawꞈ daˬ dzeuˇ yaꞈ-euˬ meh.

Maˬkuˆ 6:47

Uˬ ciꞈ ciꞈ le ngeh, lawˬ kʼoeˇ laˇ lah gʼahˇ ceh iˇ keuˆ-awˇ, Yeˬsuˇ tiˬ gʼaˬ tehꞈ-ehˇ dahˇ taˆ jawˇ yaꞈ-euˬ meh.

Gʼaˬkʼehˇ 18:18

Pawˇluˆ-aˬ, Gawˇliˬtu meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ gʼawˬ mya nah paˇ jawˇ-euˬ meh. Kʼoeˇ naˇ, aˬ yawꞈ maꞈ-ahˇ gʼawˬ-iˇ-awˇ, Biˇgiˇla hawˇ-eu Aˬguˇla aˬ nyaꞈ nehˬ-ehˇ tiˬ kawˆ loꞈ-ehˇ saˇ baoˬ dziˬ-awˇ, Suˇliˆ miˇ kʼahˬ-ahˇ iˇ-euˬ meh. Geˬjeˬ meuˬ-ahˇ iˇ keuˆ ngeh, aˬ yawꞈ dawˬ ma saˇ jaˇ dzaˬ-eu laꞈ kʼoeˇ uˬ jehˆ jehˆ dzeh-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

2 Gawˇliˬtu 2:13

Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.