Maˬkuˆ 5:15 - Akha

¹⁵ Aˬ yawꞈ maꞈ Yeˬsuˇ jawˇ gaˇ laˇ keuˆ ngeh, yaw beh nehꞈ yaw jawꞈ uˇ-euˬ tsawˇ haˬ kʼoeˇ gʼaˬ paˇ muiˬ kʼoꞈ laˇ-awˇ, mehˬ tsoeˬ yaw muiˬ-ehˇ dm-awˇ nuiˇ luꞈ gaˇ ya mawˇ-awˇ, guˆ dui dui-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqyawfmaf, Yeqsur jawr-eu gar larkeuv ngae, naef-euq guirmaf ur-euq tsawrhaq khoerghaq maeqtsoeq dm-awr, nuima muiqkhof lar-awr nae nuirluf-eu gar ya’mawr ngae guv duidui-ir-euq mae.

Maˬkuˆ 5:15 Referans Kwoze

Gawˇlawˇsehˇ 1:13

Yaw zahˇ-euˬ baoˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-awˇ, aˬ yawꞈ-euˬ Zaˬmaˇ-euˬ miˇ kʼahˬ laꞈ kʼoeˇ aˬ dui-ahˇ sheuˬ ahˇ nehˬ laꞈ-euˬ meh.

2 Tiˆmoˇseˬ 1:7

Aˬ jeˬ miˇ neh ehˇ naˇ, Miˬyehˇ neh aˬ dui-ahˇ biꞈ laꞈ-euˬ Yaw sahˇ-aˬ, aˬ dui-euˬ nui ma bi baˬ-iˇ-eu maˬ ngeuˇ-a. Yaw sahˇ kʼoeˇ-aˬ, aˬ dui-euˬ nui ma laꞈ kʼoeˇ, baoˬ maˬ ehˇ, gʼoeˇ-eu gaˬ-eu jeˬ maˬ ehˇ, yawˬ ha-euˬ nui ma-ahˇ gʼaˬ leˇ-eu jeˬ maˬ ehˇ, bi ahˇ laˇ-eu meh.

Luˇkaꞈ 8:27

Aˬ yawꞈ lawˬ laꞈ kʼoeˇ neh lawˇ dzeˇ-ahˇ doˆ leˇ-eu nehˬ-ehˇ, meuˬ kʼoeˇ meuˬ-ahˇ jawˇ-eu nehꞈ uˇ-eu tsawˇ haˬ tiˬ gʼaˬ-ahˇ tahˬ puˬ-euˬ meh. Tsawˇ haˬ kʼoeˇ gʼaˬ mehˬ tsoeˬ maˬ dm-ehˇ, iˇ kahˇ-ahˇ maˬ jawˇ ni, lmˬ bymˇ lo kʼahˬ-ahˇ tehꞈ-ehˇ jawˇ luꞈ-eu myahˇ dui dui laˇ-euˬ meh.

Maˬkuˆ 5:9

Yeˬsuˇ ehˇ-eu, “Nawˬ-euˬ tsawˇ myahˇ aˬ joˆ-ehˇ myahˇ teˬ.” Aˬ yawꞈ ehˇ-eu, “Nga maꞈ yaw myaˬ miˇ neh, ‘Yehˇyehˇmaꞈ’ lehˇ myahˇ-euˬ ma.”

Luˇkaꞈ 10:39

Maˬta-euˬ aˬ nyiˇ Maˬliˇ lehˇ myahˇ-euˬ zaˬ miˬ zaˬ tiˬ gʼaˬ jawˇ-eu meh. Maˬliˇ-aˬ, Sahˬpaˬ Yeˬsuˇ-euˬ aˬ kuiˇ dawˬ peh nuiˇ-awˇ, Yeˬsuˇ mehˬ nehˬ tsoˆ nehˬ gaˇ naˇ haˬ luꞈ-eu meh.

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

Jaceuq 14:5

Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

Yawˇbaˆ 13:11

aˬ yawꞈ-euˬ baoˬ naw maꞈ-ahˇ laˆ guˆ ngeh, naw maꞈ kʼoeˇ taˆ guˆ-eu gaˆ-eu jeˬ keuˆ le tehꞈ-a.

1 Laˬsaˬbaˬ 15:13

Aˬ jeˬ miˇ neh ehˇ naˇ, yaw beh poˆ nga maꞈ baꞈ-iˇ-awˇ, aˬ yawꞈ-ahˇ uˬ duˬ tahˬ paˬ-ehˇ gʼeh-eu kʼawꞈ, uˬ duˬ maˬ tahˬ-euˬ miˇ neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼehˬ nehˬ laꞈ ngeh poˆ, naw maꞈ maˬ ahˇ-a.”

Maˬkuˆ 5:18

Yeˬsuˇ lawˬ laꞈ kʼoeˇ uˇ-iˇ luꞈ ngeh, nehꞈ yaw jawꞈ uˇ-euˬ tsawˇ haˬ kʼoeˇ gʼaˬ ehˇ-eu, “Ngaˬ-ahˇ nawˬ nehˬ-ehˇ bi jawˇ le laꞈ.”

Maˬkuˆ 5:16

Kʼoeˇ gaˇ kʼaˇ ya mawˇ-euˬ tsawˇ haˬ deuˬ, nehꞈ yaw jawꞈ uˇ-euˬ tsawˇ haˬ kʼoeˇ gʼaˬ aˬ joˆ-ehˇ pyeuꞈ laˇ-euˬ gaˇ kawˆ hawˇ-eu, aˬ zaꞈ kʼoeˇ deuˬ aˬ joˆ-ehˇ gʼeh-euˬ gaˇ kawˆ, aˬ cawˬ-ahˇ ja mehˬ nehˬ-euˬ meh.

Maˬkuˆ 5:4

Aˬ yawꞈ-ahˇ shmˇ caˆ neh kuiˇ cuꞈ laꞈ cuꞈ gʼawˬ mya poˆ cuꞈ-euˬ meh. Ehˇ kʼawꞈ, yawˬ poˆ na luꞈ shmˇ caˆ kʼoeˇ-ahˇ aˬ yawꞈ teuˆ tsehˆ-euˬ meh. Aˬ yawꞈ gʼaˬ kʼaˆ dui dui-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ laˆ yah nya-a.

Maꞈtehˬ 12:29

“Tsawˇ haˬ tiˬ gʼaˬ-iˬ gʼaˬ kʼaˆ aˬ da-euˬ nymˇ-ahˇ uˇ leˇ-awˇ, myawˬ gahˬ maˬ yuˇ geuꞈ leˇ nya-a. Gʼaˬ kʼaˆ aˬ da kʼoeˇ gʼaˬ-ahˇ paꞈ cuꞈ gʼaˬ miˇ tsa tehꞈ-ehˇ, aˬ yawꞈ-euˬ nymˇ laꞈ kʼoeˇ jaˆ-eu myawˬ gahˬ yuˇ geuꞈ nya-eu meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 9:33

Ehˇ kʼawꞈ, nehꞈ teh doˆ nehˬ-euˬ nehˬ-ehˇ tiˬ poˆ tehꞈ-ehˇ, tsawˇ haˬ kʼoeˇ gʼaˬ dawˬ ngehˬ nya laˇ-euˬ meh. Kʼoeˇ ngeh, tsawˇ haˬ dawˬ tawˆ luꞈ zahˬ leˇ-awˇ, “Iˇsaˬleˬlaˆ miˇ kʼahˬ laꞈ kʼoeˇ heu loꞈ-ehˇ mˇ-eu jeˬ tiˬ jawˇ-iˬ maˬ mawˇ haw-aˬ” lehˇ ehˇ-eu meh.

1 Laˬsaˬbaˬ 13:12

Kʼoeˇ naˇ, Miˬyehˇ-ahˇ Daˬbiˇ guˆ laˇ-awˇ, “Nymˬ-mˇ poˆ jawˇ-aˬ, ngaˇ aˬ joˆ-ehˇ paˇ jahˇ-awˇ Dawˬ ma saˇ jaˇ Bahˬ keuˆ heu hmˬ yuˇ gʼeh paˬ nga” lehˇ ehˇ-eu meh.

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

Maˬkuˆ 5:14

Aˬ zaꞈ bo luꞈ-eu tsawˇ haˬ deuˬ cehˆ kʼoꞈ gʼeh-awˇ, meuˬ doe ni pu doe ni, gaˇ kawˆ kʼoeˇ ja byah-iˇ-euˬ meh. Kʼoeˇ naˇ, pyeuꞈ laˇ-euˬ gaˇ kawˆ kʼoeˇ-ahˇ haw duˬ-eu lehˇ, tsawˇ haˬ gʼawˬ mya ni laˇ-euˬ meh.