Maˬkuˆ 4:38 - Akha

³⁸ Yeˬsuˇ-aˬ, lawˬ-euˬ naˇ kʼah paw uˬ gʼmˬ gʼmˬ-awˇ yuꞈ kʼaˆ taˬ-euˬ meh. Zaˬ lahˇ deuˬ aˬ yawꞈ-ahˇ laˆ noeˬ-awˇ, “Saˬ laˬ-oˇ, nga maꞈ shiˇ jiˇ-eu keuˆ laˇ-euˬ nawˬ-ahˇ kʼahˬ maˬ lahˇ nya loˇ” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Yeqsur-aq, lawq-euq dawqdanq paw, uqghmq ghmq-awr yufkhav luf-eu mae. Zaqlanr deuq, Yeqsur-anr lavnoeq-ir-awr aer-eu, “Saqlaq-or! Nga’maf shirbyov jir-eu keuvlar-euq khawf, nawr tiqpawf-iq khanq maqlanr nya lor?”

Maˬkuˆ 4:38 Referans Kwoze

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

Maꞈtehˬ 8:25

Zaˬ lahˇ deuˬ aˬ yawꞈ-ahˇ laˆ noeˬ-awˇ ehˇ-eu, “Sahˬ paˬ-oˇ, nga maꞈ-ahˇ ka kʼoꞈ nehˬ laꞈ-awˬ. Ga nuiꞈ sehꞈ jiˇ shaw-iˬ miˇ-a.”

Luˇkaꞈ 8:24

Aˬ yawꞈ maꞈ Yeˬsuˇ-ahˇ laˆ noeˬ-iˇ-awˇ, “Saˬ laˬ-oˇ, saˬ laˬ-oˇ, nga maꞈ ya shiˇ jiˇ-eu keuˆ le-euˬ miˇ-a” lehˇ ehˇ nehˬ-euˬ meh. Kʼoeˇ ngeh, aˬ yawꞈ noeˬ laˇ-awˇ, jaˬ lehˇ hawˇ-eu iˇ luˆ dzeh gaˇ dehˬ ngeh, naˬ leˇ jiˇ-awˇ, ciˬ cuˇ ni pyeuꞈ-iˇ-euˬ meh.

Iˇsaˬyaˇ 64:12

Gaˇ kawˆ heu-ahˇ nawˇ laꞈ pyehꞈ pyehꞈ-awˇ haw te loˇ. Sahˬpaˬ Miˬyehˇ nawˇ tiˬ jeˬ-iˬ maˬ shaˇ noeˬ ni, maˬ shaˬ coeˇ gaˇ keuˆ ni nga maꞈ-ahˇ bi shaˬ-eu lehˇ gʼeh te loˇ.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

Yoˇhaˬ 4:6

Yaˬkoˆ-euˬ lah duˬ kʼoeˇ gaˇ jaˆ-eu meh. Yeˬsuˇ gaˇ ma cah doeˇ laꞈ-euˬ miˇ neh, lah duˬ dawˬ peh nuiˇ-euˬ meh. Kʼoeˇ-aˬ, nah loˆ ceh ngeh yamˬ meh.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Ngoeˇ dawˬ 3:8

Caw ba nehˬ laꞈ lehˇ ngaˇ shaˇ kʼawꞈ, shaˇ dawˬ piˬ tehˬ nehˬ laꞈ-euˬ meh.

Maꞈtehˬ 22:16

Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Maˬkuˆ 4:37

Ja pyuˬ ni jaˬ lehˇ lehˇ ma baw laˇ-awˇ, iˇ luˆ yaw kʼaˆ-ehˇ dzeh-eu miˇ neh, lawˬ laꞈ kʼoeˇ iˇ cuꞈ dahˬ byah laˇ luꞈ-eu meh.

Maˬkuˆ 4:39

Yeˬsuˇ tuˇ laˇ-awˇ, jaˬ lehˇ-ahˇ “Ciˬ cuˇ ni jawˇ-awˬ” lehˇ dehˬ-awˇ, iˇ luˆ-ahˇ “Naˬ leˇ-awˬ” lehˇ ehˇ nehˬ ngeh, jaˬ lehˇ lehˇ ma baw-eu naˬ leˇ-awˇ, ciˬ cuˇ ni pyeuꞈ-iˇ-euˬ meh.