Maˬkuˆ 3:10 - Akha

¹⁰ Aˬ jeˬ miˇ neh ehˇ naˇ, tsawˇ haˬ gʼawˬ mya ni-ahˇ aˬ yawꞈ naˇ gawˇ laˆ taˬ nehˬ haw-euˬ miˇ neh, naˇ-eu tsawˇ haˬ dawˬ tawˆ luꞈ, aˬ yawꞈ-ahˇ toeˬ ciˆ-eu lehˇ tahˬ tahˬ-ehˇ oe luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf, tsawrhaq ghawqmya ni-anr lavtaq naeq-euq mirnae, shaqzanq nargawr myaq-eu tsawrhaq dawqtawvluf, aqyawf-anr ya toeqcivni, aqyawf jawr-eu gar tan’urler luf-eu mae.

Maˬkuˆ 3:10 Referans Kwoze

Maˬkuˆ 6:56

Pu doe ni, meuˬ doe ni, yaˇ kʼahˬ yaˇ lahˬ doe ni, Yeˬsuˇ kʼaˇ iˇ kʼaˇ laˇ doˆ gaˇ, lehˆ lehˆ tsmˇ tsawˇ haˬ uiˬ leˇ duˬ-ahˇ, naˇ-eu tsawˇ haˬ baꞈ taˬ-awˇ, Yeˬsuˇ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ-eu gʼaˇ duˬ, aˬ yawꞈ maꞈ shaˇ-euˬ meh. Kʼaˇ toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maꞈtehˬ 14:36

Aˬ yawꞈ-euˬ pehˇ kʼahˬ pehˇ dahˬ-ahˇ tehꞈ-ehˇ kʼawꞈ bi toeˬ ciˆ laꞈ lehˇ aˬ yawꞈ maꞈ shaˇ-awˇ, kʼaˇ ya toeˬ ciˆ-euˬ deuˬ naˇ gawˇ taˬ leˇ jiˇ-euˬ meh.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Gʼaˬkʼehˇ 5:15

Gʼaˬ kʼehˇ deuˬ-euˬ mˇ myawˬ shaˇ kawˆ-ahˇ aˬ cawˬ ya mawˇ ngeh, naˇ-eu gawˇ-eu tsawˇ haˬ deuˬ-ahˇ gaˇ ma-ahˇ baꞈ doˆ leꞈ-awˇ, gawˬ pu hawˇ-eu yuꞈ zaˇ kʼoeˇ taˆ bi jawˇ-awˇ, Beˬtuˆluˆ oe tsehˆ ngeh, aˬ yawꞈ-euˬ gʼawˇ mawˇ-euˬ naˇ shmˇ bi zaw le-eu gʼaˇ duˬ loꞈ luꞈ-eu meh.

Luˇkaꞈ 7:2

Kʼoeˇ gaˇ jawˇ-eu Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ tiˬ gʼaˬ, aˬ yawꞈ gaˬ dui dui-eu zaˬ kʼaˆ shiˇ taw tehˬ ni naˇ luꞈ-eu meh.

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Maꞈtehˬ 14:14

Yeˬsuˇ lawˬ laꞈ kʼoeˇ neh doˆ laˇ-awˇ, tsawˇ haˬ aˇ maꞈ maꞈ ma-ahˇ ya mawˇ ngeh, aˬ yawꞈ maꞈ-ahˇ gʼawˬ shaˬ haw gaˬ dui dui-awˇ, naˇ-eu tsawˇ haˬ deuˬ-ahˇ laˆ taˬ nehˬ-euˬ meh.

Maꞈtehˬ 12:15

Aˬ cawˬ aˬ yawꞈ-ahˇ sehꞈ-eu lehˇ bawˬ kʼoeˬ luꞈ-eu gaˇ kawˆ Yeˬsuˇ ya siˬ ngeh, jawˇ duˬ kʼoeˇ tsahˇ-ahˇ neh yahˇ doˆ-euˬ meh. Tsawˇ haˬ gʼawˬ mya ni aˬ yawꞈ-euˬ mehˬ nah caw teh-awˇ, naˇ-eu tsawˇ haˬ dawˬ tawˆ luꞈ-ahˇ aˬ yawꞈ laˆ taˬ nehˬ-euˬ meh.

Bawˇtsahˬ 11:33

Aˬ yawꞈ maꞈ shaˬ jiˇ maˬ dzaˬ jiˇ-euˬ gʼawˬ mya ni dzeˇ luꞈ ngeh, Sahˬpaˬ Miˬyehˇ aˬ yawꞈ maꞈ-ahˇ nui ma pehˇ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le-euˬ meh.

Aˇ dahˬ 12:17

Ehˇ kʼawꞈ, sahˬ paˬ kʼoeˇ gʼaˬ Saˬlehˇ-ahˇ sheuˬ-euˬ miˇ neh, aˬ yawꞈ kʼoeˇ taˆ maˬ ehˇ, aˬ yawꞈ-euˬ nymˇ laꞈ kʼoeˇ jawˇ-eu tsawˇ haˬ deuˬ kʼoeˇ taˆ maˬ ehˇ, Sahˬpaˬ Miˬyehˇ neh naˇ gawˇ gawˇ ma bi keuˆ le-euˬ meh.

Maˬkuˆ 8:22

Kʼoeˇ naˇ, Behˬdzeˇdaˬ meuˬ-ahˇ aˬ yawꞈ maꞈ iˇ keuˆ-euˬ meh. Tsawˇ haˬ tiˬ deuˬ Yeˬsuˇ jawˇ gaˇ myaˆ behꞈ tiˬ gʼaˬ sheuˬ laꞈ-awˇ, tiˬ poˆ toeˬ ciˆ nehˬ-eu gʼaˇ duˬ, Yeˬsuˇ-ahˇ shaˇ-eu meh.

Luˇkaꞈ 5:3

Lawˬ kʼoeˇ tiˬ laˇ-aˬ, Siˇmoˬ-euˬ lawˬ pyeuꞈ-eu meh. Siˇmoˬ-euˬ lawˬ-ahˇ Yeˬsuˇ uˇ-iˇ-awˇ, lawˬ kʼoeˇ laˇ-ahˇ lah laꞈ kʼoeˇ paw ui cuiˆ dehˬ uˇ gʼeh-eu gʼaˇ duˬ, Siˇmoˬ-ahˇ aˬ yawꞈ kʼehˇ-euˬ meh. Yeˬsuˇ lawˬ laꞈ kʼoeˇ nuiˇ-awˇ, tsawˇ haˬ aˇ maꞈ-ahˇ mehˬ nehˬ tsoˆ nehˬ-euˬ meh.

Luˇkaꞈ 6:19

Tsawˇ haˬ aˇ maꞈ dawˬ tawˆ luꞈ, aˬ yawꞈ-ahˇ ya toeˬ tuˆ ni leh jeh-eu meh. Aˬ jeˬ miˇ neh ehˇ naˇ, aˬ yawꞈ-euˬ laꞈ kʼoeˇ baoˬ doˆ le-awˇ, aˬ yawꞈ maꞈ dawˬ tawˆ luꞈ-ahˇ naˇ gawˇ bi taˬ leˇ-eu meh.

Luˇkaꞈ 7:21

Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh.