Maˬkuˆ 14:69 - Akha

⁶⁹ Zaˬ miˬ zaˬ kʼoeˇ gʼaˬ aˬ yawꞈ-ahˇ paˇ mawˇ-awˇ, kʼoeˇ gaˇ yawꞈ luꞈ-eu tsawˬ haˬ deuˬ-ahˇ ehˇ nehˬ-eu, “Teu gʼaˬ jiˇ, aˬ yawꞈ maꞈ-euˬ aˇ muˇ laꞈ kʼoeˇ ahˇ-eu tsawˇ haˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁹ Khoerngae, kuirlaf zaqkhav aqbur khoerghaq, Beqtuvluv-anr parmawr-awr, dawqpae yawfluf-eu deuq-anr aernaeq-eu, “Teughaq-aq, aqyawf maf-euq armur-euq lafkhoer keuq-eu tiq ghaq mae.”

Maˬkuˆ 14:69 Referans Kwoze

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

Yoˇhaˬ 18:25

Beˬtuˆluˆ-aˬ, kʼoeˇ gaˇ yawꞈ-awˇ yaw gaˆ lmˇ luꞈ-eu meh. Aˬ cawˬ a yawꞈ-ahˇ naˇ haˬ-eu, “Nawˇ gʼeh tsawˇ haˬ kʼoeˇ gʼaˬ-euˬ zaˬ lahˇ maˬ ngeuˇ loˇ.” Beˬtuˆluˆ tsawˇ pyehˇ pyehˇ-awˇ ehˇ-eu, “Ngaˇ maˬ ngeuˇ.”

Yoˇhaˬ 18:17

Lahˇ kʼehˬ-ahˇ loꞈ-eu zaˬ miˬ zaˬ kʼoeˇ gʼaˬ Beˬtuˆluˆ-ahˇ ehˇ-eu, “Nawˇ gʼeh tsawˇ haˬ kʼoeˇ gʼa-euˬ zaˬ lahˇ deuˬ laꞈ kʼoeˇ ahˇ-eu maˬ ngeuˇ loˇ.” Beˬtuˆluˆ ehˇ-eu, “Ngaˇ maˬ ahˇ.”

Luˇkaꞈ 22:58

Tiˬ kʼehˬ paˇ keuˆ laˇ ngeh, tsawˇ haˬ tiˬ gʼaˬ aˬ yawꞈ-ahˇ paˇ haw siˬ-awˇ ehˇ-eu, “Nawˇ gʼeh aˬ yawꞈ maꞈ-euˬ aˇ muˇ-ahˇ uˇ-eu tsawˇ haˬ meh.” Ehˇ kʼawꞈ, Beˬtuˆluˆ paˇ pyehˇ-eu, “Mawˬ cawˬ-oˇ, ngaˇ maˬ ngeuˇ.”

Maˬkuˆ 14:38

Kʼoeˇ naˇ, aˬ yawꞈ maꞈ-ahˇ aˬ yawꞈ ehˇ nehˬ-eu, “Muˇ juˇ juˇ-eu mehˬ nah naw maꞈ maˬ ya caw teh-iˇ ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”

Maˬkuˆ 14:68

Ehˇ kʼawꞈ, aˬ yawꞈ tsawˇ pyehˇ pyehˇ-awˇ ehˇ-eu, “Ngaˇ maˬ siˬ. Nawˇ ehˇ-eu teu ngaˇ tiˬ pawꞈ-iˬ maˬ siˬ nya nya.” Kʼoeˇ loꞈ-ehˇ ehˇ gʼaˬ-awˇ, lahˇ kʼehˬ paw iˇ-euˬ meh. Kʼoeˇ ngeh, ya poeˇ tiˬ tahˬ doeˇ doˆ laˇ-euˬ meh.

Maˬkuˆ 14:70

Ehˇ kʼawꞈ, aˬ yawꞈ maˬ ngeuˇ lehˇ Beˬtuˆluˆ tsawˇ pyehˇ paˇ pyehˇ-euˬ meh. Tiˬ kʼehˬ paˇ kaˇ-iˇ ngeh, dawˬ peh yawꞈ luꞈ-eu tsawˇ haˬ kʼoeˇ deuˬ Beˬtuˆluˆ-ahˇ ehˇ nehˬ-eu, “Nawˇ gʼeh Gaˬliˬlehˇ miˇ kʼahˬ-ahˇ jawˇ-eu miˇ neh, aˬ yawꞈ maꞈ-euˬ aˇ muˇ-ahˇ ahˇ-eu yaw duˬ baw ngaˇ.”