Maˬkuˆ 14:65 - Akha

⁶⁵ Tiˬ paˆ na deuˬ Yeˬsuˇ-ahˇ duˬ kʼaˬ kʼa daˆ-awˇ, myaˆ nuiˆ kaꞈ kaˬ nehˬ-awˇ diˬ diˬ-ehˇ, “Nawˬ-ahˇ diˬ-euˬ aˬ suˇ gʼaˬ nga lehˇ ja maw maw haw sheˇ” lehˇ ehˇ nehˬ-euˬ meh. Kʼoeˇ naˇ, aˬ yawꞈ-ahˇ loꞈ-eu yehˇ deuˬ aˬ yawꞈ-ahˇ tsahˇ-awˇ, baˬ ba-ahˇ tehˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁵ Khoernar-aq, tsawrhaq tiqpavnav deuq, Yeqsur-anr duqkhaq khashaeq-awr, aqyawf-euq myavpyawq-anr kafkaq-awr terter-aer aer-eu, “Nawr, Miqyaer gharduq ngaeqdan sher-eq!” Khoernar-aq, lofpir-eu kuirlaf deuq khawf, aqyawf-anr gheulaf-awr, aqyawf-euq myavpyawq-anr taev-euq mae.

Maˬkuˆ 14:65 Referans Kwoze

Gʼaˬkʼehˇ 23:2

Pawˇluˆ-euˬ mehˬ boeˬ-ahˇ tehˆ-eu gʼaˇ duˬ, Pawˇluˆ-euˬ dawˬ peh yawꞈ luꞈ-eu tsawˇ haˬ deuˬ-ahˇ Piˇ ma Yaw huiˬ gʼaˬ pyeuꞈ-eu Aˬnaˬniˇ neh dawˬ biꞈ nehˬ-euˬ meh.

Yoˇhaˬ 19:3

Aˬ yawꞈ maꞈ aˬ yawꞈ dawˬ peh le-awˇ, “Yuˇdaˆ tsawˇ haˬ-euˬ Sahˬ paˬ ziˇ baw ziˇ za luꞈ-uˇ” lehˇ ehˇ-awˇ, baˬ ba-ahˇ tehˆ nehˬ-euˬ meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Yoˇhaˬ 18:22

Yeˬsuˇ kʼoeˇ loꞈ-ehˇ ehˇ ngeh, kʼoeˇ gaˇ loꞈ luꞈ-eu yehˇ tiˬ gʼaˬ aˬ yawꞈ-euˬ baˬ ba-ahˇ tehˆ-awˇ ehˇ-eu, “Nawˇ Piˇ ma Yaw huiˬ gʼaˬ-ahˇ teu loꞈ-ehˇ ehˇ kʼmˬ ta loˇ.”

Maˬkuˆ 15:19

Kʼoeˇ naˇ, aˇ toꞈ aˇ kahˬ neh aˬ yawꞈ-euˬ uˬ duˬ-ahˇ diˬ-awˇ, duˬ kʼaˬ kʼa daˆ kʼa daˆ-ehˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ niˇ gʼa-euˬ meh.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Yawˇbaˆ 30:10

Aˬ yawꞈ maꞈ ngaˬ-ahˇ nui daˆ daˆ-eu meh. Aˬ yawꞈ maꞈ ngaˇ naˆ maˬ tseˇ muiˬ dzehˬ ma lehˇ noeˬ-awˇ, ngaˬ-euˬ myaˆ pyawˬ-ahˇ duˬ kʼaˬ kʼa shehˬ laˇ-eu meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Bawˇtsahˬ 12:14

Sahˬpaˬ Miˬyehˇ ehˇ-eu, “Aˬ yawꞈ-euˬ aˬ da neh aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ nehˬ law nmˇ-aˬ, shiꞈ nah keuˆ ni aˬ yawꞈ ya shaꞈ dawˇ-eu maˬ ngeuˇ-a loˇ. Shiꞈ nah keuˆ ni aˬ yawꞈ-ahˇ pu laꞈ nyiˇ paw teh dzeh-awˇ, shiꞈ nah byah laˆ naˇ paˇ bi gʼoꞈ laˇ nya tehꞈ-a.”

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

2 Laˬsaˬbaˬ 18:23

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ aˬ myah neh ngaˇ jawˇ gaˇ neh aˬ myah doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

Maꞈtehˬ 27:30

Aˬ yawꞈ maꞈ aˬ yawꞈ-ahˇ duˬ kʼaˬ kʼa daˆ-awˇ, aˇ toꞈ aˇ kahˬ kʼoeˇ kahˬ neh uˬ duˬ-ahˇ diˬ-euˬ meh.