Maˬkuˆ 14:64 - Akha

⁶⁴ Aˬ yawꞈ Miˬyehˇ-ahˇ yehˬ bawˬ sehˇ lu-ehˇ ehˇ-eu naw maꞈ gaˬ jiˇ-euˬ meh. Naw maꞈ aˬ joˆ-ehˇ noeˬ-eu nya.” Kʼoeˇ ngeh, aˬ yawꞈ bahˬ-eu miˇ neh, aˬ yawꞈ-ahˇ sehꞈ-eu gʼaˇ duˬ dawˬ tawˆ luꞈ nui ma tsaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶⁴ Aqyawf, Miqyaer-anr yaeqbawq saerlu-aer aer-eu gar nawmaf ya gaqghaq-euq mae. Nawmaf aqjox-aer noeq-eu nya?” Khoerngae, aqyawfmaf dawqtawvluf, aqyawf shir-eu tsaq mae laer Yeqsur-anr yarkhaq dar-euq mae.

Maˬkuˆ 14:64 Referans Kwoze

Uˬ duˬ 24:16

Kʼoeˇ loꞈ-ehˇ gʼeh-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Iˇsaˬleˬlaˆ tsawˇ haˬ maˬ kaˬ, Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, Sahˬpaˬ Miˬyehˇ-ahˇ yaˬ kʼehˇ yaˬ naˇ, tsawˇ haˬ aˇ maꞈ dawˬ tawˆ luꞈ uiˬ leˇ-awˇ, kʼaˬ lo biˬ sehꞈ gaˇ ya daˬ tehꞈ-a.

Yoˇhaˬ 19:7

Tsawˇ haˬ aˇ maꞈ ehˇ-eu, “Nga maꞈ-euˬ zahˇ dawˬ kʼoꞈ dawˬ tiˬ dawˬ-ahˇ gʼoe-awˇ ya ehˇ naˇ, yawˬ haˇ yawˬ ha Miˬyehˇ-euˬ Zaˬmaˇ ma lehˇ ehˇ-eu baˬ da neh aˬ yawꞈ shiˇ-eu tsaˬ meh.”

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Luˇkaꞈ 22:71

Kʼoeˇ ngeh jawˇ, aˬ yawꞈ maꞈ ehˇ-eu, “A dui maꞈ saˇ kiˇ yawˬ-awˇ yawˬ maˬ paˇ loˬ meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ dawˬ aˬ dui gaˬ duˬ-euˬ ma.”

Dawˬmehˬ 21:22

“Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,