Maˬkuˆ 14:46 - Akha

⁴⁶ Kʼoeˇ ngeh, aˬ yawꞈ maꞈ Yeˬsuˇ-ahˇ nyehꞈ-awˇ, ziꞈ dah ni dawꞈ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Khoerngae, aqyawfmaf, Yeqsur-anr nyaef-awr nyaeftaeq taq-euq mae.

Maˬkuˆ 14:46 Referans Kwoze

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Yoˇhaˬ 18:12

Kʼoeˇ ngeh, Loˇmaˆ yehˇ kʼoeˇ maꞈ hawˇ-eu aˬ yawꞈ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ nehˬ-ehˇ tiˬ kawˆ loꞈ-ehˇ, Yeˬsuˇ-ahˇ nyehꞈ-awˇ paꞈ-euˬ meh.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Yaˇ kʼaˬ daˇ 16:21

Piˇliˇtiˆ tsawˇ haˬ deuˬ aˬ yawꞈ-ahˇ paꞈ-awˇ, aˬ yawꞈ-euˬ myaˆ nuiˆ kʼeuꞈ doˆ nehˬ-euˬ meh. Aˬ yawꞈ maꞈ aˬ yawꞈ-ahˇ Gaˬzaˬ meuˬ-ahˇ sheuˬ gʼeh-awˇ, guiˬ shuiˇ aˇ caˆ bi daˬ-awˇ, paꞈ kuˆ laꞈ kʼoeˇ lo lehˬ bi lehˬ-euˬ meh.

Maˬkuˆ 14:45

Yuˇdaˆ oe keuˆ-euˬ nehˬ-ehˇ, Yeˬsuˇ jawˇ gaˇ iˇ-awˇ, “Saˬ laˬ-oˇ” lehˇ ehˇ-awˇ mehˬ cuˇ cuˇ nehˬ-euˬ meh.

Maˬkuˆ 14:47

Ehˇ kʼawꞈ, kʼoeˇ gaˇ yawꞈ luꞈ-eu tsawˇ haˬ tiˬ gʼaˬ mi cehˇ gʼawˇ doˆ-awˇ, Piˇ ma Yaw huiˬ gʼaˬ-euˬ zaˬ kʼaˆ-ahˇ coeˇ-awˇ, naˬ paꞈ coeˇ tsehˆ dzeh-euˬ meh.