Maˬkuˆ 14:37 - Akha

³⁷ Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ le ngeh, yuꞈ kʼaˆ jiˇ taˬ-euˬ gaˇ ya mawˇ-euˬ meh. Beˬtuˆluˆ-ahˇ aˬ yawꞈ ehˇ nehˬ-eu, “Siˇmoˬ-oˇ. Nawˇ yuꞈ kʼaˆ teˬ loˇ. Naˬ liˬ tiˬ laꞈ tehꞈ-ehˇ kʼawꞈ maˬ yuꞈ ni maˬ dawˬ keuˆ coeˇ nya loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Aqyawf ghoflar ngae, aqyawfmaf yufkhav taq-euq gar ya’mawr-awr, Beqtuvluv-anr heulof-aer aernaeq-euq mae, “Sirmoq-or! Nawr yufkhav luf-eu le lor? Naqliq tiq laf taef-aer khawf yawbeur beur-aer maq jawrcoer nya laq?

Maˬkuˆ 14:37 Referans Kwoze

Maꞈtehˬ 26:40

Kʼoeˇ naˇ, zaˬ lahˇ kʼoeˇ smˇ gʼaˬ jawˇ gaˇ aˬ yawꞈ gʼoꞈ-iˇ ngeh, yuꞈ kʼaˆ taˬ-euˬ gaˇ ya mawˇ-euˬ meh. Aˬ yawꞈ Beˬtuˆluˆ-ahˇ ehˇ nehˬ-eu, “Nawˬ ha smˇ gʼaˬ naˬ liˬ tiˬ laꞈ byah ni tehꞈ-ehˇ kʼawꞈ ngaˬ nehˬ-ehˇ maˬ loꞈ caw nya ni aˬ joˆ-ehˇ gʼeh ta.

HeˬByehˇ 12:3

Aˬ yawꞈ aˇ naˆ ni ya daˬ dzeuˇ yaꞈ-euˬ gaˇ shaˇ noeˬ haw sheˇ. Aˬ yawꞈ-ahˇ muiˇ-eu iˬ baˇ zaˬ deuˬ-euˬ laꞈ-ahˇ aˬ yawꞈ aˇ naˆ ni ya daˬ-euˬ nga. Kʼoeˇ miˇ neh, naw maꞈ nui ma baˬ-awˇ Miˬyehˇ-ahˇ jah-eu jeˬ-ahˇ taˬ byehˇ dzeh.

Maꞈtehˬ 25:5

Miˬ zaˬ sheuˬ le-eu kʼaˬ dzeˇ zaˬ kʼoeˇ gʼaˬ yaw kawˇ-ehˇ maˬ oe keuˆ-eu miˇ neh, aˬ buˇ zaˬ guˬ kʼoeˇ deuˬ yuꞈ yoeˇ ngeuˇ laˇ-awˇ, yuꞈ kʼaˆ-euˬ meh.

2 Saˬmeuˬlaˆ 16:17

Huˇshaiˇ-ahˇ Aˬbaˇsaˬloˬ ehˇ nehˬ-eu, “Nawˬ-euˬ cawˬ Daˬbiˇ-ahˇ nawˇ saˇ jaˇ ziꞈ-eu jeˬ aˬ jeˬ pyeuꞈ shaw taˬ. Aˬ jeˬ miˇ neh aˬ yawꞈ-euˬ mehˬ nah nawˇ maˬ caw teh gʼeh teˬ.”

Yeˬlaˬmiˇ 12:5

Sahˬpaˬ Miˬyehˇ ehˇ-eu, “Yeˬlaˬmiˇ nawˇ tsawˇ haˬ zaˬ-ahˇ cehˆ ceh ceh-eu gʼaˬ doeˇ doeˇ naˇ, mahˬ nehˬ-ehˇ aˬ joˆ-ehˇ cehˆ ceh ceh nmˇ. Juˇ tsui ni gʼeh-eu deh ga-ahˇ nawˇ coˬ-iˇ naˇ, Yawˇdaˬ lawˇ baˬ gawˆ taw bawˇ tsahˬ bawˇ dahˇ laꞈ kʼoeˇ, nawˇ aˬ joˆ-ehˇ yawꞈ ziꞈ nya nmˇ.

Yawˇnaˆ 1:6

Saˇ baoˬ kʼoeˇ laˇ kʼoeˇ taˆ aˬ yuiꞈ geuꞈ-eu gʼaˬ aˬ yawꞈ-ahˇ mawˇ-awˇ, “Nawˇ aˬ jeˬ gʼeh-eu lehˇ teu naˆ naˆ-ehˇ yuꞈ sehꞈ taˬ teˬ. Tuˇ-awˇ nawˬ-euˬ miˬ yehˇ-ahˇ guiˬ lahˬ shaˇ-awˬ tawˇ. Aˬ yawꞈ aˬ dui maꞈ-ahˇ gʼawˬ shaˬ haw gaˬ-awˇ shiˇ gaˇ maˬ bi keuˆ law hawˇ maˬ siˬ tawˇ” lehˇ ehˇ-eu meh.

Maˬkuˆ 14:36

“Aˬda-oˇ. Ngaˬ Da-oˇ. Nawˇ maˬ mˇ nya-eu tiˬ jeˬ-iˬ maˬ jaˆ-a. Shaˬ zahˬ naꞈ dui dui-eu kʼmˬ maˬ heu kʼmˬ-ahˇ bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ laꞈ. Nawˬ-euˬ nui noeˬ bi pyeuꞈ-awˬ.”

Maˬkuˆ 14:38

Kʼoeˇ naˇ, aˬ yawꞈ maꞈ-ahˇ aˬ yawꞈ ehˇ nehˬ-eu, “Muˇ juˇ juˇ-eu mehˬ nah naw maꞈ maˬ ya caw teh-iˇ ni, guiˬ lahˬ shaˇ-awˇ yaw beuˇ beuˇ-ehˇ jawˇ-awˬ. Nui ma keuˆ kʼawꞈ, gʼawˇ mawˇ gʼaˬ baˬ meh.”