Maˬkuˆ 13:33 - Akha

³³ Aˇ yamˬ kʼoeˇ aˬ geu ngeh keuˆ le-eu naw maꞈ maˬ siˬ nya-eu miˇ neh, yaw gahˇ gahˇ-ehˇ dehꞈ-awˇ, yaw beuˇ beuˇ-ehˇ jawˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aryamq khoeryamq aqmyan keuvle-eu la laer nawmaf maq siqnya-eu mirnae, guiqlanq sharshar-aer yawbeur beur-aer jawr-awq.

Maˬkuˆ 13:33 Referans Kwoze

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Luˇkaꞈ 12:40

Naw maꞈ yaw muiˬ-ehˇ lehˬ hmˬ taˬ-awˬ. Aˬ jeˬ miˇ neh ehˇ naˇ, naw maꞈ maˬ noeˬ maˬ duˇ-ehˇ jawˇ ngeh, Tsawˇ haˬ-euˬ Zaˬmaˇ oe tehꞈ-a.”

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

Maꞈtehˬ 25:13

“Tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ.

Panmaeq 3:2

Kʼoeˇ miˇ neh, noeˬ laˇ-awˬ. Nawˬ-euˬ laꞈ kʼoeˇ kʼaˇ dzeˇ luꞈ-eu yaw muiˬ jeˬ maˬ bi shiˇ tsehˆ ni gʼaˬ shaˇ-awˬ. Aˬ jeˬ miˇ neh ehˇ naˇ, nawˬ neh mˇ-euˬ shaˇ-euˬ jeˬ-aˬ, ngaˬ-euˬ Miˬyehˇ mehˬ shi maˬ byah maˬ loꞈ-a siˬ lehˇ ngaˇ haw mawˇ-euˬ ma.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

Maˬkuˆ 13:23

Yaw gahˇ gahˇ-ehˇ dehꞈ-awˬ. Aˇ yamˬ maˬ keuˆ le mi naˆ-ehˇ yawˬ jeˬ na luꞈ naw maꞈ-ahˇ ngaˇ ehˇ nehˬ taˬ-eu ma.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.