Maˬkuˆ 12:9 - Akha

⁹ “Kʼoeˇ ngeh jawˇ, aˬ gaꞈ yaˇ kmˇ-euˬ yaw sahˇ kʼoeˇ gʼaˬ aˬ joˆ-ehˇ jahˇ nmˇ. Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, aˬ gaꞈ yaˇ kmˇ kʼoeˇ yawˬ deuˬ yawˬ-ahˇ a nehˬ-awˇ paˇ bi mˇ paˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Khoerngae jawr, aqgaf yar-euq yawsanr ghaq aqjox-aer janrnaeq-eu jeq nya? Aqyawf ghoflar-awr aqgaf yarkmr mrpav pav-eu khoerdeuq-anr saef-awr, aqgaf yarkmr khoerkmr nuideuq-anr bi mrpavpav taef-a.

Maˬkuˆ 12:9 Referans Kwoze

Lormav 10:20

Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Maꞈtehˬ 21:43

“Kʼoeˇ miˇ neh, naw maꞈ-ahˇ ngaˇ ehˇ nehˬ nyaˇ. Miˬyehˇ Miˇkʼahˬ naw maꞈ-euˬ laꞈ-ahˇ neh yuˇ doˆ-awˇ, yaw tsaˬ yaw dawˇ jeˬ mˇ-eu tsawˇ jeuˬ tiˬ jeuˬ-ahˇ a nehˬ tehꞈ-a.”

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Yeˬlaˬmiˇ 17:3

deh ga-ahˇ jaˆ-eu gawˬ jawˬ deuˬ kʼoeˇ taˆ maˬ ehˇ, ka tuˇ gahˬ taˬ-euˬ meh. Naw maꞈ-euˬ miˇ kʼahˬ doe ni naw maꞈ neh mˇ byah taˬ-euˬ iˬ baˇ baˬ da neh, naw maꞈ-ahˇ muiˇ-eu deuˬ neh naw maꞈ-euˬ pyuˇ shuiˇ myawˬ gahˬ bi yuˇ geuꞈ jiˇ ma.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Iˇsaˬyaˇ 29:17

Tiˬ kʼehˇ laˇ kʼehˬ aˇ yamˬ laꞈ kʼoeˇ, aˇ bawˇ sahˬ kʼaˆ yaˇ mˇ deˬ-awˇ, yaˇ saˬ kʼehˬ ma jeˬ laˇ tehꞈ-a.

Yawˇshuˆ 23:15

Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ yaw muiˬ jeˬ dawˬ tawˆ luꞈ, naw maꞈ kʼoeˇ taˆ mˇ byah nehˬ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ, naw maꞈ luˬ-iˇ seˇ-iˇ jiˇ ngeh keuˆ ni, yaw doeˇ jeˬ dawˬ tawˆ luꞈ naw maꞈ kʼoeˇ taˆ Sahˬpaˬ Miˬyehˇ bi keuˆ le tehꞈ-a.

Maꞈtehˬ 21:34

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ deuˬ-ahˇ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh.

Maˬkuˆ 12:8

Aˬ li kʼoeˇ gʼaˬ-ahˇ aˬ yawꞈ maꞈ nyehꞈ-awˇ sehꞈ-awˇ, yaˇ kmˇ laꞈ nyiˇ baꞈ dzeh-euˬ meh.

Maˬkuˆ 12:10

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.