Maˬkuˆ 12:44 - Akha

⁴⁴ Aˬ jeˬ miˇ neh ehˇ naˇ, nui deuˬ-aˬ, gʼawˬ mya ni jaˆ-eu laꞈ kʼoeˇ yuˇ doˆ-awˇ damˬ-euˬ meh. Ehˇ kʼawꞈ, aˬ yawꞈ-aˬ, shaˬ dui dui-eu laꞈ kʼoeˇ, aˬ yawꞈ yaw dehꞈ dehꞈ-eu gʼaˇ duˬ maˬ dzeˇ ni, kʼaˇ ahˇ-eu dawˬ tawˆ luꞈ damˬ jiˇ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Aqjeq mirnae aernar-aq, nuideuq-aq, ghawqmya’ni jav-eu gar nae yurdov-awr dawvlar-euq mae. Aerkhawf, miqcoeq miqma heughaq-aq, shaq duidui-eu lafkhoer, aqyawf kharjav-eu bifnaeq jir-awr, yawdaef daef-eu gharduq maqtaqni dawvanr jir-euq mae.”

Maˬkuˆ 12:44 Referans Kwoze

1 Yoˇhaˬ 3:17

Smˇ muiˬ smˇ baw tiˬ gʼaˬ-aˬ, shaˬ-eu zahˬ-eu aˬ yuiꞈ aˬ nyiˇ tiˬ gʼaˬ-ahˇ mawˇ luꞈ kʼawꞈ, gʼawˬ shaˬ gaˬ-eu nui ma maˬ ahˇ naˇ, Ka li zaˬ ma lehˇ aˬ joˆ-ehˇ ehˇ nya nmˇ.

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Dawˬmehˬ 24:6

“Tsawˇ haˬ tiˬ gʼaˬ na-ahˇ, nawˇ tiˬ jeˬ paˬ biꞈ paˇ nehˬ ngeh, aˬ yawꞈ lehˬ dzaˬ luꞈ-eu lo lehˬ nawˬ-ahˇ maˬ ya bi biꞈ daˇ-a. Kʼoeˇ loꞈ-ehˇ jahˇ naˇ, aˬ yawꞈ pehˬ zaˬ yaw dehꞈ ya dehꞈ-eu gʼaˇ duˬ, dzaˬ-eu dawˇ-eu laˆ saˆ-eu keu ka nawˇ yuˇ-euˬ jeˬ pyeuꞈ-eu meh.

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Luˇkaꞈ 15:12

Aˬ li aˬ nyiˇ gʼaˬ aˬ yawꞈ-euˬ aˬ da-ahˇ, ‘Aˬ da-oˇ, ngaˬ-ahˇ oꞈ-eu jeˬ biˇ nymˬ-mˇ biꞈ nehˬ laꞈ-awˬ’ lehˇ shaˇ-eu meh. Kʼoeˇ ngeh, aˬ da gʼaˬ aˬ nyaꞈ nmˇ-ahˇ jeˬ biˇ biˇ paˆ nehˬ-euˬ meh.

Luˇkaꞈ 8:43

Tseˇ nyiꞈ kʼoꞈ keuˆ ni shiˬ doˆ-eu naˇ gawˇ-ahˇ maˬ tsehˆ leˇ ni ya daˬ luꞈ-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ kʼaˇ jaˆ-eu jeˬ dawˬ tawˆ luꞈ ahˬ dzeh jiˇ-awˇ, jaˆ gʼaˬ yaˇ-eu saˬ laˬ gʼoˬ deuˬ neh bi yaˇ-euˬ kʼawꞈ, tiˬ gʼaˬ-iˬ maˬ yaˇ taˬ nehˬ nya-a.

Maˬkuˆ 12:43

Kʼoeˇ ngeh, aˬ yawꞈ-euˬ zaˬ lahˇ deuˬ-ahˇ aˬ yawꞈ kuˇ uiˬ-awˇ, heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Shaˬ dui dui-eu miˬ coeˬ miˬ ma heu gʼaˬ-aˬ, pyuˇ daˬ kʼaˇ dawˆ laˇ-euˬ tsawˇ haˬ dawˬ tawˆ luꞈ laꞈ kʼoeˇ, aˬ cawˬ myaˆ maˬ tseˇ damˬ-euˬ gʼaˬ pyeuꞈ-eu meh.