Maˬkuˆ 10:33 - Akha

³³ “Naˇ haˬ sheˇ. Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Kʼoeˇ gaˇ, Tsawˇhaˬ-euˬ Zaˬmaˇ-ahˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-euˬ aˬ laꞈ laꞈ kʼoeˇ aˬ cawˬ a nehˬ-awˇ, aˬ yawꞈ ya shiˇ ni aˬ yawꞈ maꞈ yaˇ kʼaˬ daˇ tehꞈ-a. Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ laꞈ-ahˇ a nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ “Hawsher-eq, aqduimaf, Yeqlursaqlaeq-anr leluf-eu ma. Tsawrhaq-euq Zaqyo-aq, pirma aqyuif deuq hawr-eu zanr maeq-eu deuq-euq aqlaf-euq lafkhoer yabi a’naeq taef-a. Aqyawfmaf, aqyawf shirni yarkhaq dar-awr, aqcawq tsawrjeuq tsawrca-euq aqlaf-anr a’naeq taef-a.

Maˬkuˆ 10:33 Referans Kwoze

Maꞈtehˬ 27:2

Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Maˬkuˆ 8:31

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ mehˬ nehˬ tsoˆ nehˬ-euˬ meh. “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui tehꞈ-a. Tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh byehˇ dzeh nehˬ-euˬ jeˬ-ahˇ ya daˬ tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah naˇ, paˇ gʼoꞈ dehꞈ laˇ tehꞈ-a.”

Maꞈtehˬ 26:66

Naw maꞈ-ahˇ aˬ joˆ-ehˇ noeˬ-eu nya.” Aˬ yawꞈ maꞈ ehˇ-eu, “Aˬ yawꞈ lehˬ dui dui-awˇ, shiˇ-eu geuˇ meh.”

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Yaˬkoˆ 5:6

Maˬ lehˬ maˬ ca-eu tsawˇ haˬ deuˬ-ahˇ naw maꞈ yaˇ kʼaˬ daˇ-awˇ sehꞈ-euˬ meh. Aˬ yawꞈ maꞈ laꞈ poˆ maˬ poˆ ni daˬ-euˬ meh.

Gʼaˬkʼehˇ 20:22

Nymˬ-mˇ, Muiˬ-eu shawˇ-eu Yaw sahˇ Miˬyehˇ-euˬ ehˇ dawˬ naˇ haˬ-eu laꞈ kʼoeˇ Yeˬluˇsaˬlehˬ meuˬ-ahˇ iˇ luꞈ-eu ma. Kʼoeˇ gaˇ, ngaˬ-euˬ kʼoeˇ taˆ aˬ joˆ-ehˇ gʼeh-eu jeˬ keuˆ le-eu lehˇ gʼeh-eu maˬ siˬ.

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

Yoˇhaˬ 18:28

Yawˬ nah yawˬ uˬ shawˬ yaw naꞈ-ehˇ, Yeˬsuˇ-ahˇ Gaˬyaˬpaˇ-euˬ nymˇ-ahˇ neh sheuˬ doˆ gʼeh-awˇ, sahˬ paˬ-euˬ hawˇ nymˇ-ahˇ sheuˬ gʼeh-euˬ meh. Yuˇdaˆ tsawˇ haˬ aˬ yuiꞈ aˬ tsu deuˬ-aˬ, Baˬsaˬkaˬ Bawˬ-iˬ dzaˬ gaˇ uˇ leˇ-eu gʼaˇ duˬ yawˬ ha-euˬ gʼawˇ mawˇ maˬ bi jawꞈ-iˇ-ehˇ shawˇ jehˆ ni bi jaˆ mawꞈ-eu miˇ neh, sahˬ paˬ-euˬ hawˇ nymˇ laꞈ kʼoeˇ maˬ uˇ keuˆ leˇ ni jawˇ-euˬ meh.

Luˇkaꞈ 23:21

Ehˇ kʼawꞈ, aˬ yawꞈ maꞈ paˇ guˇ-eu, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ.”

Luˇkaꞈ 9:22

Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maˬkuˆ 15:1

Uˬ bya bya laˇ-euˬ nehˬ-ehˇ, piˇ ma aˬ yuiꞈ deuˬ, tsawˇ mawˬ tsawˇ kʼaˆ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, Baꞈdzah aˇ muˇ-ahˇ kʼaˇ uˇ-eu tsawˇ haˬ dawˬ tawˆ luꞈ, yaw kawˇ-ehˇ tahˬ dzoeˇ-awˇ, mehˬ bawˬ mˇ-euˬ meh. Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ, sahˬ paˬ Piˇlaˆ jawˇ gaˇ bi tsahˇ ha-iˇ-euˬ meh.

Maˬkuˆ 14:64

Aˬ yawꞈ Miˬyehˇ-ahˇ yehˬ bawˬ sehˇ lu-ehˇ ehˇ-eu naw maꞈ gaˬ jiˇ-euˬ meh. Naw maꞈ aˬ joˆ-ehˇ noeˬ-eu nya.” Kʼoeˇ ngeh, aˬ yawꞈ bahˬ-eu miˇ neh, aˬ yawꞈ-ahˇ sehꞈ-eu gʼaˇ duˬ dawˬ tawˆ luꞈ nui ma tsaˬ-euˬ meh.

Maˬkuˆ 9:31

Aˬ jeˬ miˇ neh ehˇ naˇ, aˬ yawꞈ-euˬ zaˬ lahˇ deuˬ-ahˇ aˬ yawꞈ heu loꞈ-ehˇ mehˬ nehˬ luꞈ-eu meh. “Tsawˇhaˬ-euˬ Zaˬmaˇ-aˬ, aˬ yawꞈ-ahˇ sehꞈ-eu deuˬ-euˬ aˬ laꞈ laꞈ kʼoeˇ aˬ cawˬ neh bi a nehˬ-awˇ bi sehꞈ tehꞈ-a. Ehˇ kʼawꞈ, smˬ nah byah laˇ naˇ, aˬ yawꞈ paˇ gʼoꞈ dehꞈ laˇ tehꞈ-a.”

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Yoˇhaˬ 18:32

Yeˬsuˇ aˬ yawꞈ aˬ joˆ-ehˇ ya shiˇ-eu gaˇ kawˆ aˬ yawˇ yawꞈ ehˇ taˬ-euˬ jeˬ byah laˇ nya ni, aˬ yawꞈ maꞈ dawˬ kʼoeˇ jeˬ-ehˇ ngehˬ-eu jeˬ pyeuꞈ-eu meh.