Luˇta 4:1 - Akha

¹ Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.

Luˇta 4:1 Referans Kwoze

Luˇta 3:12

Nawˇ ehˇ-eu tsaˬ meh. Ngaˇ-aˬ, nawˬ-ahˇ aˬ yuiꞈ aˬ nyiˇ peh-eu miˇ neh, nawˬ-ahˇ haw piˇ-eu tsaˬ meh. Ehˇ kʼawꞈ, ngaˇ naˆ maˬ tseˇ, nawˬ-ahˇ aˬ yuiꞈ aˬ nyiˇ peh-eu tsawˇ haˬ tiˬ gʼaˬ jawˇ-a siˬ.

Dawˬmehˬ 25:7

Ehˇ kʼawꞈ, shiˇ-euˬ gʼaˬ-euˬ mehˇ nmˇ gʼaˬ aˬ yawꞈ-euˬ aˬ tsu-ahˇ maˬ sheuˬ mawꞈ naˇ, aˬ tsu gʼaˬ, meuˬ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ mehˬ shi yawꞈ leˇ-awˇ, heu loꞈ-ehˇ ya ehˇ leˇ meh. ‘Ngaˬ-euˬ kʼaˬ dzeˇ zaˬ-euˬ mehˇ nmˇ-aˬ, aˬ yawꞈ ya mˇ paˬ-ehˇ gʼeh-eu jeˬ maˬ mˇ ni jawˇ-eu meh. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-euˬ mehˇ nmˇ-euˬ aˇ jeuˬ aˇ ca maˬ ya byoˆ-iˇ ni aˬ yawꞈ mˇ paˬ-ehˇ gʼeh-eu kʼawꞈ, maˬ mˇ ni jawˇ-eu meh’ lehˇ ya ehˇ leˇ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Yawˇbaˆ 31:21

Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,

Yawˇbaˆ 29:7

Meuˬ-euˬ aˬ yuiꞈ aˬ tsu deuˬ tahˬ dzoeˇ-awˇ, aˬ yawꞈ maꞈ mehˬ shi ngaˇ kʼaˇ nuiˇ leˇ ngeh,

Dawˬmehˬ 21:19

Aˬ yawꞈ jawˇ-eu meuˬ-euˬ lahˇ kʼehˬ-ahˇ, meuˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu deuˬ jawˇ gaˇ, aˬ ma aˬ da deuˬ aˬ li kʼoeˇ gʼaˬ-ahˇ ya sheuˬ gʼeh meh.

Zaˬkaˬliˇ 2:6

“Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Dawˬmehˬ 17:5

tsawˇ haˬ kʼoeˇ gʼaˬ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-awˬ.

Aˇ dahˬ 23:10

Kʼoeˇ ngeh, Eˇpaˬloˬ gʼaˬ kʼawꞈ, meuˬ lahˇ kʼehˬ dawˬ peh uiˬ laˇ taˬ-euˬ Heˬtaˆ tsawˇ haˬ kʼoeˇ deuˬ laꞈ kʼoeˇ nuiˇ luꞈ-eu meh. Kʼoeˇ gaˇ kʼaˇ uiˬ laˇ taˬ-euˬ tsawˇ haˬ dawˬ tawˆ luꞈ ya gaˬ ni, Aˬbyaˬhaˬ-ahˇ Eˇpaˬloˬ heu loꞈ-ehˇ ehˇ nehˬ-euˬ meh.

Aˇ dahˬ 34:20

Meuˬ-euˬ lahˇ kʼehˬ dawˬ peh jaˆ-eu bawˬ dzaˬ duˬ-ahˇ, Haˬmawˬ hawˇ-eu Sheˬkmˬ aˬ nyaꞈ da zaˬ iˇ-awˇ, meuˬ laꞈ kʼoeˇ jawˇ-eu tsawˇ haˬ deuˬ-ahˇ, heu loꞈ-ehˇ ehˇ nehˬ-iˇ-euˬ meh.

Yawˇshuˆ 20:4

Meuˬ heu tiˬ meuˬ na-ahˇ aˬ yawꞈ cehˆ leˇ-awˇ, meuˬ meuˬ lahˇ laˇ gʼoˆ-ahˇ jaˆ-eu yaˇ kʼaˬ daˇ-eu jawˇ duˬ-ahˇ iˇ-awˇ, kʼaˇ pyeuꞈ laˇ-euˬ gaˇ kawˆ deuˬ aˬ yuiꞈ aˬ tsu deuˬ-ahˇ ya dzawˇ nehˬ meh. Kʼoeˇ naˇ, aˬ yawꞈ maꞈ aˬ yawꞈ-ahˇ meuˬ-ahˇ bi uˇ leˇ-awˇ, jawˇ duˬ tiˬ tsahˇ biꞈ-awˇ bi jawˇ tehꞈ-a.

Luˇta 3:18

Nawˇmi ehˇ-eu, “Tiˬ jeˬ-iˬ maˬ ngeuˇ-aˇ Luˇta-oˇ. Uˬ duˬ aˬ joˆ-ehˇ duˬ laˇ nga lehˇ haw taˬ-awˬ. Gaˇ kawˆ heu uˬ duˬ maˬ laˆ duˬ kʼoeˇ keuˆ ni, iˬ nah Bawˇza maˬ paˇ naˬ-aˇ.”

2 Saˬmeuˬlaˆ 15:2

Aˬ yawꞈ uˬ shawˬ paw yaw naꞈ-ehˇ tuˇ-awˇ, meuˬ-euˬ lahˇ kʼehˬ dawˬ peh jaˆ-eu gaˇ ma-ahˇ yawꞈ-awˇ jawˇ-eu meh. Dawˬ ja laˆ doˆ-awˇ, sahˬ paˬ neh yaˇ kʼaˬ bi daˇ nehˬ-eu lehˇ kʼaˇ laˇ-euˬ tsawˇ haˬ deuˬ-ahˇ Aˬbaˇsaˬloˬ kuˇ naˬ-awˇ, Aˬ geu gaˇ jawˇ te lehˇ naˇ haˬ-euˬ meh. Aˬ geu gaˇ neh laˇ-awˇ aˬ jeˬ tsawˇ jeuˬ pyeuꞈ-eu gaˇ kawˆ, aˬ cawˬ aˬ yawꞈ-ahˇ ehˇ kʼoꞈ nehˬ-euˬ meh.

2 Laˬsaˬbaˬ 18:9

Iˇsaˬleˬlaˆ sahˬ paˬ hawˇ-eu Yuˇdaˆ sahˬ paˬ Yeˬhawˇshaˬpaˇ aˬ nyaꞈ-aˬ, sahˬ paˬ-euˬ dm gʼaˬ dm lmˇ dm-awˇ, Saˬmaˬliˆ meuˬ-euˬ laꞈ nyiˇ paw cehˇ baw duˬ-ahˇ, sahˬ paˬ nuiˇ-eu nuiˇ mahˬ-ahˇ nuiˇ luꞈ-eu meh. Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ kʼawꞈ, aˬ yawꞈ nyaꞈ-euˬ mehˬ shi miˬ yehˇ gʼaˇ duˬ ngehˬ dah ngehˬ dah-ehˇ jawˇ luꞈ-eu meh.

Jaceuq 69:12

Aˬ yawꞈ maꞈ meuˬ doe ni ngaˬ-eu gaˇ kawˆ ja bu-awˇ, jiˇ baˬ yehꞈ-eu deuˬ ngaˬ-ahˇ caˇ niˇ gʼa-eu meh.

Dawqdaq 31:23

Aˬ yawꞈ-euˬ kʼaˬ dzeˇ zaˬ-aˬ, miˇ kʼahˬ-ahˇ tsawˇ myahˇ doˆ-eu aˬ yuiꞈ aˬ tsu tiˬ gʼaˬ pyeuꞈ-eu meh.

Yeˬlaˬmiˇ 32:10

deh yaˇ zeuˇ laꞈ mˇ-euˬ gaˇ kawˆ ngaˇ laꞈ ma dehˬ-awˇ jmˬ diˬ gʼaˬ ngeh, tsawˇ kaˬ deuˬ-euˬ mehˬ shi, jeˬ gaꞈ jeˬ ka mˇ-eu kaˇ-ahˇ tsaˬ ni pyuˇ gui nehˬ-euˬ ma.

Aˇ dahˬ 19:1

Mˬ taˆ gʼaˬ kʼehˇ kʼoeˇ nyiˬ gʼaˬ uˬ ciꞈ uˬ taw paw Sawˇdoˬ meuˬ-ahˇ oe ngeh, meuˬ-euˬ lahˇ kʼehˬ-ahˇ Lawˇtaˬ nuiˇ luꞈ-eu meh. Aˬ yawꞈ nyaꞈ-ahˇ aˬ yawꞈ ya mawˇ ngeh, tsawˬ tuˇ-awˇ ha laˬ-iˇ-euˬ meh. Aˬ yawꞈ nyaꞈ-euˬ mehˬ shi Lawˇtaˬ pawˬ tsuiꞈ pawˬ dmˬ dmˬ-awˇ, awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.