Luˇta 2:15 - Akha

¹⁵ Cehˇ nmˇ paˇ gʼoˆ-iˇ-eu lehˇ Luˇta doˆ-iˇ ngeh, aˬ yawꞈ-euˬ gaˇ mˇ-eu tsawˇ haˬ deuˬ-ahˇ Bawˇza heu loꞈ-ehˇ ehˇ nehˬ-euˬ meh. “Cehˇ cehˇ dzahˬ ga gaˇ aˬ yawꞈ cehˇ nmˇ gʼoˆ kʼawꞈ, bi gʼoˆ-awˬ.

Luˇta 2:15 Referans Kwoze

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Uˬ duˬ 23:22

Naw maꞈ cehˇ yehˬ ngeh, deh yaˇ deh dzeˇ caw caw-ehˇ dehꞈ-eu cehˇ maˬ ya yehˬ-eu uˬ taꞈ, yehˬ tehˬ yaꞈ-euˬ cehˇ nmˇ deuˬ maˬ ya pyehˆ poˆ-a. Yaw shaˬ zaˬ deuˬ hawˇ-eu, boeˇ miˬ siˬ kʼaˬ deuˬ gʼaˇ duˬ, kʼoeˇ loꞈ-ehˇ ya bi jaˆ yaꞈ meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Luˇta 2:14

Gʼahˇ hawˬ dzaˬ yamˬ keuˆ laˇ ngeh, “Kaˬ muˇ yuˇ-awˇ, aˬ gaꞈ dzaˇ uiˇ-ahˇ lehꞈdzaˬ laˇ-awˬ” lehˇ Luˇta-ahˇ Bawˇza ehˇ nehˬ-euˬ meh. Kʼoeˇ ngeh, cehˇ yehˬ-eu deuˬ nehˬ-ehˇ Luˇta nuiˇ leˇ-euˬ meh. Kʼoeˇnaˇ Bawˇza neh Luˇta-ahˇ cehꞈ nyawˬ biꞈ miˇ nehˬ-euˬ meh. Luˇta tiˬ dehˆ dzaˬ-euˬ kʼawꞈ, ui cuiˆ paˇ dzehˬ laˇ-euˬ meh.

Luˇta 2:16

Aˬ yawꞈ-ahˇ tiˬ jeˬ-iˬ taˬ ehˇ. Taˬ laˆ tsoeˬ. Kʼoeˇ uˬ taꞈ, aˬ yawꞈ bi gʼoˆ geuꞈ-eu gʼaˇ duˬ, cehˇ cehˇ dzahˬ laꞈ kʼoeˇ cehˇ nmˇ ui cuiˆ gʼeu doˆ-awˇ bi ga yaꞈ-awˬ.”

Uˬ duˬ 19:9

“Naw maꞈ yawˬ ha-euˬ cehˇ yehˬ cehˇ diˬ luiˆ ngeh, deh yaˇ deh dzeˇ paw dehꞈ-eu cehˇ maˬ ya yehˬ-a. Yehˬ tehˬ yaꞈ-euˬ cehˇ nmˇ deuˬ, maˬ ya pyehˆ poˆ-a.