Luˇta 2:14 - Akha

¹⁴ Gʼahˇ hawˬ dzaˬ yamˬ keuˆ laˇ ngeh, “Kaˬ muˇ yuˇ-awˇ, aˬ gaꞈ dzaˇ uiˇ-ahˇ lehꞈdzaˬ laˇ-awˬ” lehˇ Luˇta-ahˇ Bawˇza ehˇ nehˬ-euˬ meh. Kʼoeˇ ngeh, cehˇ yehˬ-eu deuˬ nehˬ-ehˇ Luˇta nuiˇ leˇ-euˬ meh. Kʼoeˇnaˇ Bawˇza neh Luˇta-ahˇ cehꞈ nyawˬ biꞈ miˇ nehˬ-euˬ meh. Luˇta tiˬ dehˆ dzaˬ-euˬ kʼawꞈ, ui cuiˆ paˇ dzehˬ laˇ-euˬ meh.

Luˇta 2:14 Referans Kwoze

Luˇta 2:18

Cehˇ kʼoeˇ iˇ kahˇ-ahˇ aˬ yawꞈ pi kʼoꞈ gʼeh-awˇ, aˬ yawꞈ cehˇ aˇ myaˆ ni gʼoˆ uiˬ laꞈ-euˬ aˬ yawꞈ-euˬ zahˇ shaˇ aˬ ma -ahˇ mehˬ nehˬ-euˬ meh. Gʼahˇ hawˬ dzaˬ ngeh aˬ yawꞈ neh maˬ dzaˬ jiˇ coeˇ-ehˇ dzeˇ laˇ-euˬ dzaˇ kʼoeˇ deuˬ kʼawꞈ, zahˇ shaˇ aˬ ma gʼaˬ-ahˇ aˬ yawꞈ biꞈ nehˬ-euˬ meh.

Maꞈtehˬ 14:20

Aˬ yawꞈ maꞈ dawˬ tawˆ luꞈ tiˬ dehˆ dzaˬ gʼaˬ-awˇ, maˬ dzaˬ jiˇ-ehˇ dzeˇ laˇ-euˬ deuˬ-ahˇ zaˬ lahˇ deuˬ paˇ gʼoˆ uiˬ ngeh, kʼaˆ puˬ tseˇ nyiꞈ puˬ byah laˇ-euˬ meh.

Dawˬmehˬ 8:10

Naw maꞈ kʼaˇ dzaˬ mawꞈ-eu jeˬ ya dzaˬ dehˆ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ laꞈ-euˬ miˇ kʼahˬ kʼoeˇ kʼahˬ ba da neh, aˬ yawꞈ-euˬ guiˬ lahˬ-ahˇ naw maꞈ ja ceuˬ ja ceuˬ-ehˇ jawˇ tehꞈ-a.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Iˇsaˬyaˇ 32:8

Ehˇ kʼawꞈ, nui nahˬ nui yu ahˇ-eu tsawˇ haˬ, yaw sui yaw dawˇ jeˬ mˇ doˆ shaˇ doˆ-awˇ, yaw tsaˬ yaw dawˇ gaˇ ma kʼoeˇ taˆ, ziꞈ dah ni yawꞈ-eu meh.

Jaceuq 23:5

Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

2 Saˬmeuˬlaˆ 17:28

Aˬ yawꞈ maꞈ-aˬ, yuꞈ zaˇ bui bahˬ, kʼmˬ maˬ oeˬ tsaꞈ, miˇ tsaˬ oeˬ lahˬ, cehˇ, lawˬ loeˇ, aˇ shaˇ, aˇ behˆ, nuiˆ gahˬ, heu deuˬ hawˇ-eu, laˆ jaꞈ taˬ-euˬ dzaˬ dzaˬ dawˇ dawˇ deuˬ,

1 Saˬmeuˬlaˆ 25:18

Aˬbiˇgeˬlaˆ-aˬ, kaˬ muˇ nyiˬ yaˇ siˬ, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ nyiˬ siˬ, tehˬ ba jaꞈ taˬ-euˬ yawˇ ngaˬ mawˇ, aˇ saˇ aˇ poˬ tseˇ nyiꞈ pehˬ, lawꞈ koˆ taˬ-euˬ aˬ gaꞈ aˇ siˬ tseˇ nyiꞈ dzahˬ, lawꞈ koˆ taˬ-euˬ siˬ guˬ aˇ siˬ neh jahˇ taˬ-euˬ kaˬ muˇ nyiˬ yaˇ yaˆ, heu deuˬ yaw kawˇ-ehˇ lehˬ hmˬ-awˇ, mahˬ tahˬ laˆ kʼoeˇ taˆ kaꞈ daˆ-euˬ meh.

1 Saˬmeuˬlaˆ 17:17

Tiˬ nah keuˆ laˇ ngeh, Daˬbiˇ-ahˇ Yeˬshehˇ heu loꞈ-ehˇ ehˇ nehˬ-euˬ meh. “Aˇ saˇ aˇ poˬ heu tseˇ pehˬ hawˇ-eu kaˬ muˇ heu tseˇ siˬ yuˇ-awˇ, taˆ-ahˇ jawˇ luꞈ-eu nawˬ-euˬ aˇ doˆ deuˬ jawˇ gaˇ yaw kawˇ-ehˇ le-awˬ.

Dawˬmehˬ 11:15

Naw maꞈ-euˬ jeˬ zaˬ deuˬ gʼaˇ duˬ yaˇ moꞈ jaˆ-awˇ, naw maꞈ kʼaˇ dzaˬ mawꞈ-eu jeˬ jaˆ tehꞈ-a.

Luˇta 2:13

Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.

Luˇta 2:15

Cehˇ nmˇ paˇ gʼoˆ-iˇ-eu lehˇ Luˇta doˆ-iˇ ngeh, aˬ yawꞈ-euˬ gaˇ mˇ-eu tsawˇ haˬ deuˬ-ahˇ Bawˇza heu loꞈ-ehˇ ehˇ nehˬ-euˬ meh. “Cehˇ cehˇ dzahˬ ga gaˇ aˬ yawꞈ cehˇ nmˇ gʼoˆ kʼawꞈ, bi gʼoˆ-awˬ.