Luˇta 2:13 - Akha

¹³ Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.

Luˇta 2:13 Referans Kwoze

1 Saˬmeuˬlaˆ 1:18

Haˬnahˬ ehˇ-eu, “Nawˇ aˬ myah luꞈ ngaˬ-ahˇ gʼawˬ shaˬ gaˬ nehˬ laꞈ nya luꞈ-uˇ.” Kʼoeˇ naˇ, aˬ yawꞈ gʼoꞈ-iˇ-awˇ, dzaˬ-eu dawˇ-awˇ, maˬ paˇ noeˬ shaˬ ni jawˇ-euˬ meh.

Aˇ dahˬ 34:3

Diˇnaˆ aˇ gʼehˇ muiˬ dui dui-eu miˇ neh, Diˇnaˆ-ahˇ Sheˬkmˬ mawꞈ dui dui leˇ-awˇ, mehˇ shuiˇ shuiˇ shuiˇ-ehˇ muˇ-euˬ meh.

Aˇ dahˬ 33:8

“Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

1 Saˬmeuˬlaˆ 25:41

Kʼoeˇ ngeh, Aˬbiˇgeˬlaˆ miˇ tsa awˆ byaˆ-awˇ, “Ngaˇ-aˬ, aˬ yawꞈ-euˬ zaˬ kʼaˆ pyeuꞈ-eu ma. Aˬ yawꞈ-euˬ zaˬ kʼaˆ deuˬ-euˬ aˬ kuiˇ dzuiꞈ nehˬ ma lehˇ, ngaˇ noeˬ shaw taˬ gʼaˬ-euˬ ma” lehˇ ehˇ-eu meh.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 33:15

Iˇsawˇ ehˇ-eu, “Ngaˬ-euˬ tsawˇ haˬ tiˬ deuˬ nawˬ nehˬ-ehˇ bi jawˇ yaꞈ nya ma.” Yaˬkoˆ ehˇ-eu, “Nawˇ ngaˬ-ahˇ ha geuꞈ nehˬ laꞈ-eu tehꞈ-ehˇ kʼawꞈ aˇ dzehˬ dzeuˇ miˇ-a. Nawˬ-euˬ tsawˇ haˬ bi jawˇ yaꞈ-eu maˬ paˇ loˬ-eu duˇ.”

Aˇ dahˬ 33:10

Yaˬkoˆ paˇ ehˇ-eu, “Heu loꞈ-ehˇ taˬ ehˇ nehˬ laꞈ. Nawˇ ngaˬ-ahˇ ha geuꞈ mawꞈ ma lehˇ ngeuˇ naˇ, ngaˬ neh nawˬ-ahˇ kʼaˇ biꞈ-euˬ jeˬ yuˇ-awˬ. Nawˬ-euˬ myaˆ pyawˬ-ahˇ ya mawˇ-eu-aˬ, Miˬyehˇ-euˬ myaˆ pyawˬ-ahˇ ya mawˇ gaˇ duˇ miˇ-a. Nawˇ ngaˬ-ahˇ laˬ kʼaˬ cehˇ taˆ ni ha geuꞈ nehˬ laꞈ-eu miˇ neh, ngaˇ laˬ kʼaˬ cehˇ dui dui miˇ-a.

Dawqdaq 15:33

Sahˬpaˬ Miˬyehˇ-ahˇ guˆ-eu-aˬ, zaˬ siˬ tsawˇ gahˇ za-awˇ, nui nahˬ nui yu mehˬ hu aˬ cawˬ yaw zeu baw-eu jeˬ jaˆ-mˇ jeˇ.

Yaˇ kʼaˬ daˇ 19:3

Tsawˇ haˬ kʼoeˇ gʼaˬ aˬ yawꞈ-euˬ ma nyiˇ jawˇ gaˇ iˇ-awˇ, paˇ sheuˬ kʼoꞈ laˬ-iˇ ma lehˇ noeˬ tsehˆ-awˇ, mahˬ tahˬ laˆ nyiˬ mawˇ tsahˇ-awˇ aˬ yawꞈ-euˬ zaˬ kʼaˆ nehˬ-ehˇ iˇ-euˬ meh. Aˬ yawꞈ-euˬ ma nyiˇ kʼoeˇ gʼaˬ, aˬ yawꞈ-ahˇ iˇ kahˇ laꞈ kʼoeˇ sheuˬ ahˇ-awˇ, aˬ yawꞈ-euˬ aˬ mawˬ aˬ yawꞈ-ahˇ ya mawˇ ngeh, yaw muiˬ paˬ-ehˇ ha nehˬ-euˬ meh.

Luˇta 2:12

Nawˇ kʼoeˇ loꞈ-ehˇ mˇ-eu baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ aˬ dahˇ uˬ moˆ, nawˇ tah uˇ laˇ-eu loꞈ-ehˇ, aˬ yawꞈ nawˬ-ahˇ guiˬ lahˬ tiˬ byah tiˬ loꞈ biꞈ laꞈ luꞈ-uˇ.”

Luˇta 2:14

Gʼahˇ hawˬ dzaˬ yamˬ keuˆ laˇ ngeh, “Kaˬ muˇ yuˇ-awˇ, aˬ gaꞈ dzaˇ uiˇ-ahˇ lehꞈdzaˬ laˇ-awˬ” lehˇ Luˇta-ahˇ Bawˇza ehˇ nehˬ-euˬ meh. Kʼoeˇ ngeh, cehˇ yehˬ-eu deuˬ nehˬ-ehˇ Luˇta nuiˇ leˇ-euˬ meh. Kʼoeˇnaˇ Bawˇza neh Luˇta-ahˇ cehꞈ nyawˬ biꞈ miˇ nehˬ-euˬ meh. Luˇta tiˬ dehˆ dzaˬ-euˬ kʼawꞈ, ui cuiˆ paˇ dzehˬ laˇ-euˬ meh.

Aˇ dahˬ 32:6

Dawˬ tsaꞈ bi tsaꞈ-iˇ-euˬ deuˬ gʼoꞈ keuˆ laˇ-awˇ ehˇ-eu, “Nawˬ-euˬ aˇ doˆ Iˇsawˇ jawˇ gaˇ nga maꞈ iˇ keuˆ yaꞈ-euˬ ma. Nawˬ-ahˇ tahˬ puˬ laˇ-eu lehˇ, tsawˇ haˬ oeˬ yaˇ gʼaˬ sheuˬ-awˇ aˬ yawꞈ laˇ luꞈ meh.” Kʼoeˇ ngeh, Yaˬkoˆ noeˬ shaˬ-awˇ guˆ-euˬ meh.

Hawˇseˬ 2:16

Aˬ yawꞈ-euˬ kʼaˬ dzeˇ zaˬ ma lehˇ, aˬ yawꞈ ngaˬ-ahˇ paˇ kuˇ poˆ-awˇ, ‘Baˬlaˇ’ lehˇ maˬ paˇ kuˇ-aˇ lehˇ, Sahˬpaˬ Miˬyehˇ ehˇ taˬ-euˬ meh.