Luˇta 1:21 - Akha

²¹ Heu gaˇ neh ngaˇ doˆ-iˇ ngeh, yawˬ jeˬ na luꞈ jaˆ-euˬ ma. Ehˇ kʼawꞈ ni, ngaˇ tiˬ jeˬ-iˬ maˬ ahˇ ni, yawꞈ ngehꞈ-ehˇ, Sahˬpaˬ Miˬyehˇ ngaˬ-ahˇ bi gʼoꞈ laˇ-euˬ meh. Baoˬ huiˬ-eu Sahˬpaˬ Miˬyehˇ neh byehˇ dzeh nehˬ laꞈ-awˇ, bi shaˬ bi zahˬ laꞈ-euˬ ngaˇ loꞈ-ehˇ gʼeh-eu tsawˇ haˬ-ahˇ, aˬ jeˬ miˇ neh Nawˇmi lehˇ kuˇ te.”

Luˇta 1:21 Referans Kwoze

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yawˇbaˆ 16:8

Nawˇ ngaˬ-ahˇ nyehꞈ-awˇ, ngaˬ-ahˇ muiˇ-eu meh. Ngaˇ-aˬ, baˆ kʼoˆ hawˇ-eu shaˬ yoeˬ tehꞈ-ehˇ pyeuꞈ-iˇ taˬ-euˬ ma. Ngaˬ-euˬ iˬ baˇ baˬ da neh kʼoeˇ loꞈ-ehˇ pyeuꞈ-iˇ-euˬ nga lehˇ aˬ cawˬ ehˇ-eu meh.

Yawˇbaˆ 13:26

Ngaˇ zaˬ guˬ guˬ ngeh mˇ lehˬ-euˬ jeˬ-ahˇ kʼawꞈ, nawˇ noeˬ taˬ-awˇ ngaˬ-ahˇ haw ca-eu meh.

Yawˇbaˆ 10:17

Nawˇ ngaˬ-euˬ kʼoeˇ taˆ saˇ kiˇ saˇ seˬ aˬ myah luꞈ jaˆ luꞈ meh. Nawˇ ngaˬ-ahˇ nui ma pehˇ-eu jeˬ tiˬ jawˇ saˇ-iˬ tiˬ jawˇ huiˬ laˇ-awˇ, ngaˬ-ahˇ laˆ coeˬ-eu gʼaˇ duˬ aˬ myah luꞈ shaˇ noeˬ luꞈ meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yawˇbaˆ 30:11

Miˬyehˇ ngaˬ-ahˇ gʼaˬ bi baˬ-iˇ-awˇ, juˆ lehˆ ni pyeuꞈ-iˇ-euˬ miˇ neh, aˬ yawꞈ maꞈ ngaˬ-ahˇ nui kʼahˇ tiˬ shiˇ jahˇ gʼeh haw-eu meh.

Luˇta 1:13

aˬ yawꞈ nyaꞈ-ahˇ paˇ mˇ dzaˬ laˇ-eu lehˇ, aˬ yawꞈ nyaꞈ huiˬ loˆ laˇ ngeh keuˆ ni, naw nyaꞈ dawˬ coeˇ tehꞈ-a loˇ. Kʼoeˇ ngeh keuˆ ni, aˬ cawˬ-ahˇ maˬ mˇ dzaˬ-iˇ ni naw nyaꞈ jawˇ coeˇ tehꞈ-a loˇ. Ngaˬ-euˬ aˬ tsu deuˬ-oˇ, kʼoeˇ loꞈ-ehˇ maˬ pyeuꞈ laˇ nya-eu gaˇ kawˆ naw nyaꞈ siˬ nya meh. Sahˬpaˬ Miˬyehˇ ngaˬ-ahˇ byehˇ dzeh yaꞈ-euˬ miˇ neh, naw nyaꞈ-ahˇ ngaˇ gʼawˬ shaˬ gaˬ dui dui miˇ-a.”