Luˇta 1:20 - Akha

²⁰ Kʼoeˇ ngeh, zaˬ miˬ zaˬ kʼoeˇ deuˬ-ahˇ Nawˇmi ehˇ nehˬ-eu, “Ngaˬ-ahˇ Nawˇmi‘Nawˇmi’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘laˬ kʼaˬ cehˇ-eu’ lehˇ ehˇ mawꞈ-eu meh.* lehˇ taˬ paˇ kuˇ. Maˬlahˬ‘Maˬlahˬ’, lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘shaˬ zahˬ’ naꞈ-eu lehˇ ehˇ mawꞈ-eu meh.* lehˇ kuˇ-awˬ. Aˬ jeˬ miˇ neh ehˇ naˇ, Baoˬ huiˬ-eu Miˬyehˇ ngaˬ-ahˇ shaˬ zahˬ bi keuˆ le-euˬ meh.

Luˇta 1:20 Referans Kwoze

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

HeˬByehˇ 12:11

Aˬ dui-ahˇ kʼehˬ nehˬ kʼaˆ nehˬ laꞈ gaˇ ya daˬ ngeh, aˬ dui-ahˇ bi noeˬ shaˬ laꞈ gaˇ duˇ-awˇ, laˬ kʼaˬ maˬ cehˇ nya-a. Ehˇ kʼawꞈ, kʼoeˇ loꞈ-ehˇ bi kʼehˬ bi kʼaˆ-euˬ tsawˇ haˬ-aˬ, aˇ nah yaw tsaˬ yaw dawˇ dawˇ-ehˇ dehꞈ-awˇ nui saˇ oꞈ-eu guiˬ lahˬ za-eu meh.

Iˇsaˬyaˇ 38:13

Aˇ laˬ jaˬ shiˇ neh shaˬ yoeˬ bi kawꞈ nmˆ-euˬ loꞈ-ehˇ, uˬ ciꞈ miˇ lah-ehˇ gawˇ-awˇ ngoeˇ-euˬ ma. Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Jaceuq 88:15

Nyiˇ ngeh neh shaˬ-eu zahˬ-eu jeˬ-ahˇ shiˇ taw tehˬ ni ngaˇ ya daˬ-euˬ ma. Nawˬ neh kʼehˬ nehˬ kʼaˆ nehˬ laꞈ-euˬ jeˬ-ahˇ, ngaˇ maˬ paˇ daˬ coeˇ miˇ-a.

Jaceuq 73:14

Miˬyehˇ-oˇ, nawˇ ngaˬ-ahˇ nah ga-ehˇ bi shaˬ bi zahˬ laꞈ-awˇ, yawˬ shawˬ na luꞈ nawˇ ngaˬ-ahˇ kʼehˬ nehˬ laꞈ-euˬ meh.

Yawˇbaˆ 19:6

Heu loꞈ-ehˇ pyeuꞈ laˇ ni mˇ-euˬ gʼaˬ Miˬyehˇ meh lehˇ, naw maꞈ-ahˇ maˬ siˬ laˇ nya loˇ. Ngaˇ bi paꞈ leˇ-eu lehˇ aˬ yawꞈ lahˇ ju kʼmˇ-euˬ maˬ ngeuˇ-a loˇ.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Yawˇbaˆ 11:7

Miˬyehˇ-euˬ yaw shehꞈ kʼahˬ sehˇ hawˇ-eu baoˬ aˇ hui ni ahˇ-awˇ aˬ gaˇ keuˆ ni jaˆ-eu nawˇ poˆ mawˇ duˬ nya ma loˇ.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Doˆ-iˇ 15:23

Kʼoeˇ naˇ, Maˬlaˬ lehˇ kuˇ-eu jawˇ duˬ tiˬ tsahˇ-ahˇ aˬ yawꞈ maꞈ oe keuˆ-euˬ meh. Ehˇ kʼawꞈ, kʼoeˇ gaˇ jaˆ-eu iˇ cuꞈ yaw kʼaˬ kʼaˬ-eu miˇ neh, aˬ yawꞈ maꞈ maˬ dawˇ ahˇ coeˇ-a. Kʼoeˇ miˇ neh, jawˇ duˬ kʼoeˇ tsahˇ-ahˇ Maˬlaˬ lehˇ kuˇ-euˬ meh.

Yawˇbaˆ 9:18

Aˬ yawꞈ ngaˬ-ahˇ saꞈ maˬ bi gʼawˇ dah ni, nui ma naˇ-eu jeˬ tiˬ byah ni bi keuˆ le-euˬ meh.