Luˇta 1:17 - Akha

¹⁷ Nawˇ kʼaˇ shiˇ gaˇ ngaˇ shiˇ-awˇ, kʼoeˇ gaˇ aˬ cawˬ ngaˬ-ahˇ baꞈ pahˬ luꞈ-uˇ. Shiˇ-awˇ shiˇ gʼawˬ-euˬ jeˬ maˬ ngeuˇ-ehˇ, nawˬ-ahˇ ngaˇ gʼawˬ-iˇ naˇ, kʼaˆ dui dui-eu Sahˬpaˬ Miˬyehˇ-euˬ kʼehˬ-eu kʼaˆ-eu jeˬ, ngaˬ-ahˇ keuˆ le luꞈ-uˇ.”

Luˇta 1:17 Referans Kwoze

1 Saˬmeuˬlaˆ 3:17

“Sahˬpaˬ Miˬyehˇ nawˬ-ahˇ aˬ jeˬ ehˇ ta. Tiˬ jeˬ-iˬ maˬ zaꞈ taˬ ni ngaˬ-ahˇ dzawˇ mehˬ nehˬ laꞈ sheˇ. Aˬ yawꞈ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ nawˇ ngaˬ-ahˇ maˬ dzawˇ nehˬ laꞈ naˇ, Miˬyehˇ nawˬ-ahˇ yaw kʼaˆ-ehˇ kʼehˬ nehˬ laꞈ tehꞈ-a” lehˇ ehˇ nehˬ-euˬ meh.

2 Sahˬpaˬ 6:31

“Iˬ nah Eˇliˇshehˇ-euˬ uˬ duˬ ngaˇ maˬ deuˆ tsehˆ nya naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ ehˇ-eu meh.

1 Sahˬpaˬ 2:23

Kʼoeˇ naˇ, Sahˬpaˬ Miˬyehˇ-euˬ tsawˇ myahˇ uˬ moˆ Sawˇlaˬmoˬ saˇ jaˇ dzaˬ-awˇ ehˇ-eu, “Heu loꞈ-ehˇ shaˇ-eu baˬ da neh Aˬdawˇniˇyaˆ maˬ shiˇ-ehˇ ya bi dehꞈ lawˬ naˇ, Miˬyehˇ ngaˬ-ahˇ sehꞈ luꞈ-uˇ.

2 Saˬmeuˬlaˆ 19:13

Aˬmaˬsaˬ-ahˇ kʼawꞈ heu loꞈ-ehˇ bi ehˇ gaˬ-iˇ-eu gʼaˇ duˬ, aˬ yawꞈ nyaꞈ-ahˇ Daˬbiˇ ehˇ nehˬ-euˬ meh. “Nawˇ-aˬ, ngaˬ-euˬ aˬ yuiꞈ aˬ nyiˇ ma. Iˬ nah neh dahˬ beh-awˇ, Yoˇbaˬ-euˬ dah zaˇ, ngaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ nawˬ-ahˇ ngaˇ bi geuꞈ ma. Ngaˬ neh ehˇ taˬ-euˬ loꞈ-ehˇ ngaˇ maˬ jahˇ naˇ, Miˬyehˇ ngaˬ-ahˇ sehꞈ luꞈ-uˇ lehˇ ehˇ nehˬ-awˬ.”

1 Sahˬpaˬ 20:10

Beˬhaˬdaˇ neh aˬ yawꞈ-ahˇ paˇ pyehˬ gʼeh leꞈ-awˇ, Aˬhaˆ-ahˇ heu loꞈ-ehˇ bi tsaꞈ gaˬ le-euˬ meh. “Meuˬ heu meuˬ-ahˇ laˆ luˬ laˆ seˇ nya ni, ngaˇ tsawˇ haˬ tiˬ loꞈ sheuˬ leꞈ-awˇ, bi laˆ meuˇ bi laˆ loeˇ ma. Meuˬ heu meuˬ-euˬ kʼaˬ lehˇ-ahˇ, aˬ yawꞈ maꞈ-euˬ aˬ laꞈ neh tawˆ kʼoꞈ gʼeh tehꞈ-a. Ngaˇ kʼoeˇ loꞈ-ehˇ maˬ jahˇ pyeuꞈ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ.”

1 Saˬmeuˬlaˆ 25:22

Uˬ bya maˬ bya laˇ mi naˆ-ehˇ tsawˇ haˬ kʼoeˇ deuˬ-ahˇ ngaˇ maˬ sehꞈ jiˇ naˇ, Miˬyehˇ ngaˬ-ahˇ tsoꞈ bi deh le luꞈ-uˇ.”

2 Saˬmeuˬlaˆ 3:35

Daˬbiˇ tiˬ jeˬ paˬ dzaˬ ni, aˬ yawꞈ maꞈ nah ga-ehˇ gʼaˬ biꞈ-euˬ meh. Ehˇ kʼawꞈ, “Aˇ nah heu nah maˬ dzeuˇ-iˇ mi naˆ-ehˇ ngaˇ tiˬ jeˬ paˬ dzaˬ naˇ, Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ saˇ jaˇ dzaˬ-euˬ meh.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

2 Saˬmeuˬlaˆ 3:9

Daˬbiˇ-ahˇ Sahˬpaˬ Miˬyehˇ heu loꞈ-ehˇ saˇ jaˇ biꞈ taˬ-euˬ meh. Miˇ kʼahˬ heu kʼahˬ-ahˇ, Sawˇluˆ hawˇ-eu aˬ yawꞈ-euˬ zaˬ deuˬ uˆ deuˬ-euˬ aˬ laꞈ laꞈ kʼoeˇ neh yuˇ doˆ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ heu nyiˬ kʼahˬ luꞈ ahˇ leˇ-ehˇ, heu dzeˇ kʼoeˇ dzeˇ doˆ ni Daˬbiˇ neh tehꞈ-ehˇ bi uˆ lahˇ ma lehˇ saˇjaˇ biꞈ taˬ-euˬ meh. Dawˬ heu dawˬ aˬ diˇ aˬ maˇ pyeuꞈ laˇ ni ngaˇ maˬ mˇ naˇ, Miˬyehˇ ngaˬ-ahˇ sehꞈ luꞈ-uˇ.”

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

Luˇta 1:16

Ehˇ kʼawꞈ, Luˇta ehˇ-eu, “Ngaˬ-ahˇ maˬ bi gʼoꞈ-iˇ laꞈ-ehˇ, nawˬ nehˬ-ehˇ bi laˇ nehˬ laꞈ-awˬ. Nawˇ kʼaˇ iˇ gaˇ ngaˇ iˇ-awˇ, nawˇ kʼaˇ jawˇ gaˇ ngaˇ jawˇ ma. Nawˬ-euˬ tsawˇ jeuˬ tsawˇ ca-aˬ, ngaˬ-euˬ tsawˇ jeuˬ tsawˇ caˬ pyeuꞈ-awˇ, nawˬ-euˬ Miˬyehˇ kʼawꞈ, ngaˬ-euˬ Miˬyehˇ pyeuꞈ luꞈ-uˇ.

Luˇta 4:15

Nawˬ-euˬ kuiˬ ma-aˬ, nawˬ-ahˇ gaˬ-awˇ, aˬ li shiꞈ li naˆ maˬ tseˇ, nawˬ-eu gʼaˇ duˬ aˬ yawꞈ gaˇ dahˇ tsoeˬ-eu meh. Nymˬ-mˇ poˆ-aˬ, nawˬ-euˬ gʼaˇ duˬ aˬ li tiˬ li aˬ yawꞈ bi dehꞈ le-awˇ, aˬ li heu li-aˬ, nawˇ yaw dehꞈ dehꞈ-eu jeˬ-ahˇ yaw shuiꞈ shuiꞈ-ehˇ bi pyeuꞈ laˇ tehꞈ-a. Nawˇ tsawˇ mawˬ mawˬ laˇ ngeh, aˬ yawꞈ nawˬ-ahˇ haw piˇ tehꞈ-a.”

1 Saˬmeuˬlaˆ 14:44

“Yawˇnaˆshaˬ-oˇ, nawˇ maˬ ya shiˇ ni dzeuˇ-iˇ nya naˇ, ngaˬ-euˬ kʼoeˇ taˆ shiˇ-eu jeˬ Miˬyehˇ bi keuˆ le luꞈ-uˇ” lehˇ Sawˇluˆ ehˇ-eu meh.

1 Saˬmeuˬlaˆ 20:13

Nawˬ-ahˇ yaw dehꞈ-ehˇ maˬ taˬ lehˇ aˬ yawꞈ noeˬ luꞈ-eu ngaˇ ya siˬ ngeh, gaˇ kawˆ kʼoeˇ nawˬ-ahˇ ngaˇ maˬ ehˇ gaˬ le-ehˇ, nawˬ-ahˇ maˬ sheuˬ buˬ nehˬ ni ngaˇ jawˇ naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ. Ngaˬ da nehˬ-ehˇ Sahˬpaˬ Miˬyehˇ jawˇ-eu loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

2 Saˬmeuˬlaˆ 15:21

Ehˇ kʼawꞈ, Iˇtehˇ ehˇ-eu, “Sahˬ paˬ-oˇ, nawˇ kʼaˇ iˇ gaˇ nawˬ-euˬ mehˬ nah ngaˇ aˬ myah luꞈ caw teh ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ ngaˇ saˇ jaˇ dzaˬ-eu ma. Shiˇ-eu jeˬ keuˆ le kʼawꞈ ehˬ ngeuˇ luꞈ-uˇ.”

1 Sahˬpaˬ 13:31

Tsawˇ haˬ kʼoeˇ gʼaˬ-ahˇ baꞈ pahˬ gʼaˬ ngeh, aˬ yawꞈ-euˬ aˬ li deuˬ-ahˇ ehˇ nehˬ-eu, “Ngaˇ shiˇ naˇ, lmˬ bymˇ heu tsahˇ-ahˇ aˬ yawꞈ-euˬ gaˇ dzeˇ baꞈ pahˬ nehˬ laꞈ-awˬ.

Jaceuq 45:10

Sahˬ paˬ-euˬ miˬ shuiꞈ-oˇ, ngaˇ ehˇ gaˇ naˇ haˬ sheˇ. Nawˬ-euˬ aˇ jeuˬ aˇ ca hawˇ-eu aˬ yuiꞈ aˬ nyiˇ deuˬ-ahˇ, nawˇ ya ngehˇ byoˆ jiˇ meh.