Luˇta 1:14 - Akha

¹⁴ Kʼoeˇ ngeh, aˬ yawꞈ nyaꞈ tiˬ poˆ paˇ ngoeˇ-euˬ meh. Kʼoeˇ naˇ, Awˇpaˬ gʼaˬ, Nawˇmi-ahˇ mehˬ cuˇ cuˇ nehˬ yaꞈ-awˇ, gʼoꞈ-iˇ-euˬ meh. Ehˇ kʼawꞈ, Luˇta gʼaˬ Nawˇmi-ahˇ maˬ byehˇ coeˇ-a.

Luˇta 1:14 Referans Kwoze

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

HeˬByehˇ 10:39

Ehˇ kʼawꞈ, aˬ dui-aˬ, mehˬ nah paw zeuˆ pyawˇ-awˇ luˬ-iˇ seˇ-iˇ-eu paw iˇ luꞈ-eu tsawˇ haˬ maˬ ngeuˇ. Jah-eu nui ma ahˇ-awˇ, ka kʼoꞈ-eu jeˬ za-euˬ tsawˇ haˬ ma.

Maꞈtehˬ 19:22

Dawˬ kʼoeˇ dawˬ-ahˇ ya gaˬ ngeh, zaˬ guˬ kʼoeˇ gʼaˬ nui ma cawˆ dui dui-awˇ gʼoꞈ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ smˇ muiˬ muiˬ dui dui-eu meh.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Dawqdaq 17:17

Cawˬ yaw muiˬ yamˬ maˬ tseˇ ni gʼoeˇ-awˇ, mehˇ nmˇ-aˬ, shaˬ zahˬ caw pi-eu gʼaˇ duˬ meh.

1 Sahˬpaˬ 19:20

Kʼoeˇ ngeh, Eˇliˇshehˇ mawˇ neˇ-ahˇ byehˇ dzeh yaꞈ-awˇ, Eˇliˇyaˆ-euˬ mehˬ nah cehˆ gʼeh-awˇ, “Nawˬ-euˬ mehˬ nah ngaˇ maˬ caw teh le mi naˆ-ehˇ, ngaˬ ma ngaˬ da jawˇ gaˇ gʼoꞈ-iˇ-awˇ, mehˬ cuˇ bi cuˇ-iˇ nehˬ laꞈ” lehˇ ehˇ-eu meh. Eˇliˇyaˆ gʼeh, “Muiˬ tehꞈ-a. Gʼoꞈ-iˇ nya tehꞈ-a. Nawˬ-ahˇ ngaˇ maˬ laˆ tsoeˬ” lehˇ ehˇ-eu meh.

Dawˬmehˬ 10:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ naˇ haˬ geuꞈ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Aˬ yawꞈ-ahˇ saˇ jaˇ ziꞈ-awˇ, aˬ yawꞈ-euˬ tsawˇ myahˇ laꞈ kʼoeˇ tehꞈ-ehˇ saˇ jaˇ dzaˬ-awˬ.

2 Tiˆmoˇseˬ 4:10

Deˬmaˆ-aˬ, heu ziˇ-ahˇ taꞈ-eu miˇ tsaˬ heu-ahˇ gaˬ-eu miˇ neh, ngaˬ-ahˇ byehˇ dzeh yaꞈ-awˇ Teˇsaˬloˇni meuˬ-ahˇ iˇ-euˬ meh. Gaˬleˬgeˬ gʼaˬ-aˬ, Gaˬlaˬtiˆ miˇ kʼahˬ-ahˇ iˇ-awˇ, Tiˇtuˆ gʼaˬ-aˬ, Daˬlaˬmaˬdiˇ miˇ kʼahˬ-ahˇ iˇ-euˬ meh.

Gʼaˬkʼehˇ 17:34

Tsawˇ haˬ tiˬ paˆ na deuˬ aˬ yawꞈ nehˬ-ehˇ nui ma gm-awˇ jah-euˬ meh. Jah laˇ-euˬ tsawˇ haˬ kʼoeˇ deuˬ laꞈ kʼoeˇ, meuˬ kʼoeˇ meuˬ-ahˇ uˆ lahˇ-eu baꞈ dzah aˇ muˇ-ahˇ ahˇ-eu Daˬyawˇnaˬsiˇ hawˇ-eu Daˬmaˬliˇ lehˇ myahˇ-euˬ zaˬ miˬ zaˬ tiˬ gʼaˬ uˬ taꞈ, nui deuˬ kʼawꞈ ahˇ-eu meh.

Aˇ dahˬ 31:55

Laˬbaˬ-aˬ, yawˬ nah yawˬ uˬ shawˬ yaw naꞈ-ehˇ, aˬ yawꞈ-euˬ aˬ buˇ deuˬ hawˇ-eu, aˬ yawꞈ-euˬ oeˬ paˬ oeˬ ma deuˬ-ahˇ mehˬ cuˇ cuˇ yaꞈ-awˇ gʼoꞈ-iˇ-euˬ meh.

Aˇ dahˬ 31:28

Ngaˬ buˇ deuˬ hawˇ-eu ngaˬ-euˬ oeˬ paˬ oeˬ ma deuˬ-ahˇ maˬ ya gʼawˬ-iˇ mi naˆ-ehˇ, mehˬ cuˇ cuˇ nehˬ-eu aˇ yamˬ kʼawꞈ nawˇ ngaˬ-ahˇ maˬ biꞈ laꞈ-a. Nawˇ teu naˆ naˆ-ehˇ aˬ joˆ-ehˇ gʼeh kʼmˬ-eu nya.

Dawˬmehˬ 4:4

Ehˇ kʼawꞈ, naw maꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-eu tsawˇ haˬ deuˬ iˬ nah keuˆ ni dehꞈ luꞈ meh.

Luˇta 1:13

aˬ yawꞈ nyaꞈ-ahˇ paˇ mˇ dzaˬ laˇ-eu lehˇ, aˬ yawꞈ nyaꞈ huiˬ loˆ laˇ ngeh keuˆ ni, naw nyaꞈ dawˬ coeˇ tehꞈ-a loˇ. Kʼoeˇ ngeh keuˆ ni, aˬ cawˬ-ahˇ maˬ mˇ dzaˬ-iˇ ni naw nyaꞈ jawˇ coeˇ tehꞈ-a loˇ. Ngaˬ-euˬ aˬ tsu deuˬ-oˇ, kʼoeˇ loꞈ-ehˇ maˬ pyeuꞈ laˇ nya-eu gaˇ kawˆ naw nyaꞈ siˬ nya meh. Sahˬpaˬ Miˬyehˇ ngaˬ-ahˇ byehˇ dzeh yaꞈ-euˬ miˇ neh, naw nyaꞈ-ahˇ ngaˇ gʼawˬ shaˬ gaˬ dui dui miˇ-a.”

Luˇta 1:15

Nawˇmi ehˇ-eu, “Luˇta-oˇ, nawˬ uiˬ Awˇpaˬ-aˬ, yawˬ ha-euˬ tsawˇ jeuˬ tsawˇ ca hawˇ-eu, yawˬ ha-euˬ Miˬyehˇ jawˇ gaˇ gʼoꞈ-iˇ-euˬ maˬ ngeuˇ-a loˇ. Nawˇ gʼeh aˬ yawꞈ nehˬ-ehˇ gʼoꞈ-iˇ-awˬ.”

2 Saˬmeuˬlaˆ 19:39

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

Luˇta 1:7

Yuˇdaˆ miˇ kʼahˬ-ahˇ gʼoꞈ leˇ-eu gʼaˇ duˬ, aˬ yawꞈ maꞈ tiˬ kawˆ loꞈ-ehˇ doˆ laˇ-euˬ meh.

Luˇta 2:11

Bawˇza ehˇ-eu, “Nawˬ-euˬ kʼaˬ dzeˇ zaˬ shiˇ ngeh nah neh, nawˬ-euˬ zahˇ shaˇ aˬ ma-ahˇ nawˇ aˬ joˆ-ehˇ bo saˆ luꞈ-eu gaˇ kawˆ, ngaˇ ya gaˬ jiˇ taˬ-euˬ ma. Nawˬ ma nawˬ da hawˇ-eu nawˬ-euˬ miˇ kʼahˬ-ahˇ nawˇ byehˇ dzeh yaꞈ-awˇ, yawˬ ha maˬ siˬ maˬ suˇ-eu tsawˇ jeuˬ nehˬ-ehˇ jawˇ laˇ ma lehˇ, nawˇ noeˬ tsehˆ-awˇ laˇ-euˬ gaˇ kawˆ kʼawꞈ, ngaˇ ya siˬ gʼaˬ-euˬ ma.