Luˇta 1:13 - Akha

¹³ aˬ yawꞈ nyaꞈ-ahˇ paˇ mˇ dzaˬ laˇ-eu lehˇ, aˬ yawꞈ nyaꞈ huiˬ loˆ laˇ ngeh keuˆ ni, naw nyaꞈ dawˬ coeˇ tehꞈ-a loˇ. Kʼoeˇ ngeh keuˆ ni, aˬ cawˬ-ahˇ maˬ mˇ dzaˬ-iˇ ni naw nyaꞈ jawˇ coeˇ tehꞈ-a loˇ. Ngaˬ-euˬ aˬ tsu deuˬ-oˇ, kʼoeˇ loꞈ-ehˇ maˬ pyeuꞈ laˇ nya-eu gaˇ kawˆ naw nyaꞈ siˬ nya meh. Sahˬpaˬ Miˬyehˇ ngaˬ-ahˇ byehˇ dzeh yaꞈ-euˬ miˇ neh, naw nyaꞈ-ahˇ ngaˇ gʼawˬ shaˬ gaˬ dui dui miˇ-a.”

Luˇta 1:13 Referans Kwoze

Yawˇbaˆ 19:21

Naw maꞈ ngaˬ-euˬ cawˬ ma. Gʼawˬ shaˬ gaˬ nehˬ laꞈ-awˬ. Miˬyehˇ-euˬ aˬ laꞈ ngaˬ-ahˇ dehˬ coˬ-euˬ meh.

Jaceuq 32:4

Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

Yaˇ kʼaˬ daˇ 2:15

Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ maꞈ guiˇ kʼaˇ deuˆ-iˇ ngeh, Sahˬpaˬ Miˬyehˇ aˬ yawꞈ maꞈ jawˇ paw maˬ pyawˬ-a. Kʼoeˇ ngeh, aˬ yawꞈ maꞈ nui ma cawˆ dui dui laˇ taˬ-euˬ meh.

Jaceuq 38:2

Nawˬ-euˬkaˆmyaˬbeuˆcoˆlaꞈ-awˇ, naw-euˬaˬlaꞈneh zuiˆ-euˬnya.

1 Saˬmeuˬlaˆ 5:11

Kʼoeˇ miˇ neh, Piˇliˇtiˆ sahˬ paˬ dawˬ tawˆ luꞈ-ahˇ aˬ yawꞈ maꞈ tiˬ poˆ paˇ kuˇ uiˬ-awˇ, “Aˬ dui hawˇ-eu aˬ dui-euˬ miˬ sawˇ zaˬ deuˬ-ahˇ maˬ paˇ bi sehꞈ-eu gʼaˇ duˬ, Iˇsaˬleˬlaˆ tsawˇ jeuˬ-euˬ Dawˬ ma saˇ jaˇ Bahˬ keuˆ kʼoeˇ keuˆ-ahˇ, aˬ yawꞈ jaˆ duˬ-ahˇ bi baꞈ kʼoꞈ ha leˇ-awˬ” lehˇ ehˇ nehˬ-euˬ meh. Miˬyehˇ aˬ yawꞈ maꞈ-ahˇ yaw kʼaˆ-ehˇ kʼehˬ nehˬ-euˬ miˇ neh, meuˬ meuˬ lah ni kʼoeˇ taˆ guˆ-eu gaˆ-eu jeˬ keuˆ le luꞈ-eu meh.

Dawˬmehˬ 2:15

Aˬ yawꞈ maꞈ-ahˇ maˬ laˆ sehꞈ byoˆ jiˇ kʼoeˇ keuˆ ni, Sahˬpaˬ Miˬyehˇ-euˬ aˬ laꞈ aˬ yawꞈ maꞈ-ahˇ muiˇ-euˬ meh.

Aˇ dahˬ 38:11

Kʼoeˇ naˇ, “Ngaˬ li Sheˬlahˬ maˬ huiˬ laˇ kʼoeˇ keuˆ ni, nawˬ da-euˬ nymˇ-ahˇ gʼoꞈ-iˇ-awˇ, miˬ coeˬ miˬ ma geuꞈ tawˬ-iˇ-awˬ lehˇ, aˬ yawꞈ-euˬ kuiˬ ma Taˬmaˬ-ahˇ Yuˇdaˆ ehˇ nehˬ-euˬ meh. Aˬ yawꞈ-euˬ aˬ li aˬ yuiꞈ nyiˬ gʼaˬ shiˇ-euˬ loꞈ-ehˇ, Sheˬlahˬ gʼaˬ paˇ shiˇ gaˇ guˆ-eu miˇ neh, Yuˇdaˆ kʼoeˇ loꞈ-ehˇ ehˇ-eu meh. Kʼoeˇ ngeh, Taˬmaˬ gʼaˬ aˬ yawꞈ aˬ da-euˬ nymˇ-ahˇ gʼoꞈ jawˇ-iˇ-euˬ meh.

Luˇta 1:12

Naw nyaꞈ gʼoꞈ-iˇ-awˬ. Ngaˇ mawˬ laˇ gʼaˬ-euˬ miˇ neh, aˬ cawˬ-ahˇ paˇ dahˬ dzaˬ-iˇ-eu aˇ yamˬ kʼawꞈ maˬ paˇ ngeuˇ meh. Nymˇ ciꞈ neh, aˬ cawˬ-ahˇ ngaˇ paˇ dahˬ dzaˬ-iˇ-awˇ, aˬ li nyiˬ li paˇ jawˇ le law hawˇ kʼawꞈ,

Luˇta 1:14

Kʼoeˇ ngeh, aˬ yawꞈ nyaꞈ tiˬ poˆ paˇ ngoeˇ-euˬ meh. Kʼoeˇ naˇ, Awˇpaˬ gʼaˬ, Nawˇmi-ahˇ mehˬ cuˇ cuˇ nehˬ yaꞈ-awˇ, gʼoꞈ-iˇ-euˬ meh. Ehˇ kʼawꞈ, Luˇta gʼaˬ Nawˇmi-ahˇ maˬ byehˇ coeˇ-a.

Luˇta 1:21

Heu gaˇ neh ngaˇ doˆ-iˇ ngeh, yawˬ jeˬ na luꞈ jaˆ-euˬ ma. Ehˇ kʼawꞈ ni, ngaˇ tiˬ jeˬ-iˬ maˬ ahˇ ni, yawꞈ ngehꞈ-ehˇ, Sahˬpaˬ Miˬyehˇ ngaˬ-ahˇ bi gʼoꞈ laˇ-euˬ meh. Baoˬ huiˬ-eu Sahˬpaˬ Miˬyehˇ neh byehˇ dzeh nehˬ laꞈ-awˇ, bi shaˬ bi zahˬ laꞈ-euˬ ngaˇ loꞈ-ehˇ gʼeh-eu tsawˇ haˬ-ahˇ, aˬ jeˬ miˇ neh Nawˇmi lehˇ kuˇ te.”