Luˇta 1:11 - Akha

¹¹ Ehˇ kʼawꞈ, aˬ yawꞈ nyaꞈ-ahˇ Nawˇmi ehˇ nehˬ-eu, “Ngaˬ-euˬ aˬ tsu deuˬ-oˇ, naw nyaꞈ gʼoꞈ-iˇ-eu tsaˬ tehꞈ-a. Aˬ jeˬ miˇ neh ngaˬ-euˬ mehˬ nah caw teh laˇ mawꞈ-eu nya. Naw nyaꞈ-ahˇ bi sheuˬ-eu aˬ li paˇ jawˇ laˇ nya ni, ngaˇ zaˬ ciˬ zaˬ cu mˇ-eu aˇ yamˬ maˬ paˇ ngeuˇ ma.

Luˇta 1:11 Referans Kwoze

Dawˬmehˬ 25:5

“Mehˇ nmˇ nyiˬ gʼaˬ tiˬ nymˇ dahˬ laꞈ kʼoeˇ jawˇ-awˇ, tiˬ gʼaˬ shiˇ-euˬ ehˇ-awˬ. Shiˇ-euˬ gʼaˬ aˬ li maˬ jawˇ naˇ, aˬ yawꞈ-euˬ miˬ zaˬ pyeuꞈ-eu miˬ coeˬ miˬ ma kʼoeˇ gʼaˬ, aˬ yawꞈ pehˬ-ahˇ aˬ yuiꞈ aˬ nyiˇ maˬ taꞈ-eu tsawˇ haˬ-ahˇ maˬ ya mˇ dzaˬ-iˇ-a. Shiˇ-euˬ gʼaˬ-euˬ mehˇ nmˇ gʼaˬ, zaˬ miˬ zaˬ kʼoeˇ gʼaˬ-ahˇ ya sheuˬ meh.

Aˇ dahˬ 38:11

Kʼoeˇ naˇ, “Ngaˬ li Sheˬlahˬ maˬ huiˬ laˇ kʼoeˇ keuˆ ni, nawˬ da-euˬ nymˇ-ahˇ gʼoꞈ-iˇ-awˇ, miˬ coeˬ miˬ ma geuꞈ tawˬ-iˇ-awˬ lehˇ, aˬ yawꞈ-euˬ kuiˬ ma Taˬmaˬ-ahˇ Yuˇdaˆ ehˇ nehˬ-euˬ meh. Aˬ yawꞈ-euˬ aˬ li aˬ yuiꞈ nyiˬ gʼaˬ shiˇ-euˬ loꞈ-ehˇ, Sheˬlahˬ gʼaˬ paˇ shiˇ gaˇ guˆ-eu miˇ neh, Yuˇdaˆ kʼoeˇ loꞈ-ehˇ ehˇ-eu meh. Kʼoeˇ ngeh, Taˬmaˬ gʼaˬ aˬ yawꞈ aˬ da-euˬ nymˇ-ahˇ gʼoꞈ jawˇ-iˇ-euˬ meh.

Luˇta 1:10

Aˬ yawꞈ nyaꞈ ehˇ-eu, “Nga nyaꞈ heu gaˇ maˬ jawˇ yaꞈ mawꞈ nya. Nawˬ-euˬ mehˬ nah caw teh laˇ-awˇ, nawˬ-euˬ tsawˇ jeuˬ tsawˇ ca nehˬ-ehˇ jawˇ laˇ ma.”

Luˇta 1:12

Naw nyaꞈ gʼoꞈ-iˇ-awˬ. Ngaˇ mawˬ laˇ gʼaˬ-euˬ miˇ neh, aˬ cawˬ-ahˇ paˇ dahˬ dzaˬ-iˇ-eu aˇ yamˬ kʼawꞈ maˬ paˇ ngeuˇ meh. Nymˇ ciꞈ neh, aˬ cawˬ-ahˇ ngaˇ paˇ dahˬ dzaˬ-iˇ-awˇ, aˬ li nyiˬ li paˇ jawˇ le law hawˇ kʼawꞈ,

Aˇ dahˬ 38:9

Aˬ yawꞈ-euˬ aˬ tsu nehˬ-ehˇ aˬ yawꞈ yuꞈ taꞈ-awˇ, zaˬ jawˇ le law hawˇ kʼawꞈ, aˬ yawꞈ maˬ ya geuꞈ-eu gaˇ kawˆ Awˇnaˬ siˬ nya-eu miˇ neh, aˬ yawꞈ-euˬ aˇ doˆ gʼaˇ duˬ zaˬ maˬ bi jawˇ le mawꞈ-ehˇ, aˬ yawꞈ-euˬ aˬ tsu nehˬ-ehˇ kʼaˇ yuꞈ taꞈ-eu yawˬ poˆ na luꞈ, aˇ yoeˬ laꞈ nyiˇ paw poeˬ dzeh-euˬ meh.