Luˇkaꞈ 9:41 - Akha

⁴¹ Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni paˇ ya jawˇ ta. Naw maꞈ-ahˇ ngaˇ aˇ myah keuˆ ni paˇ ya oˇ ta. Nawˬ li-ahˇ heu gaˇ sheuˬ laꞈ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Khoerngae, Yeqsur aer-eu, “Arma-er-e! Nuijan maqanr-aer, nanrpov-aer daef-eu heuzir-euq tsawrhaq deuq-or! Ngar, nawmaf naeq-aer aqmyan keuvni yajawr-awr parya or-eu la siq? Nawq-euq zaqyo heugar sheuqlaf-awq.”

Luˇkaꞈ 9:41 Referans Kwoze

Dawˬmehˬ 32:5

Yawꞈ-euˬ mehˬ shi naw maꞈ dehꞈ-eu, yawꞈ-ahˇ saˇ jaˇ puiˬ-euˬ miˇ neh, yaw lehˬ yaw ca myaˬ-eu naw maꞈ, yawꞈ-euˬ zaˬ lehˇ maˬ kuˇ geuˇ-a.

Yoˇhaˬ 20:27

Kʼoeˇ ngeh, Toˇmaˆ-ahˇ aˬ yawꞈ ehˇ nehˬ-eu, “Nawˬ-euˬ laꞈ noeˇ neh toeˬ haw-awˇ ngaˬ-euˬ aˬ laꞈ-ahˇ haw duˬ laˇ sheˇ. Kʼoeˇ naˇ, nawˬ-euˬ aˬ laꞈ cawˬ ja-awˇ, ngaˬ-euˬ byaˇ gʼaˇ-ahˇ sawˆ haw-awˇ, poˆ poˆ laˆ laˆ-ehˇ maˬ paˇ noeˬ ni jah-awˬ.”

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Maˬkuˆ 9:19

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

HeˬByehˇ 4:2

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬlahˬ dawˬ-ahˇ aˬ yawꞈ maꞈ ya gaˬ-euˬ loꞈ-ehˇ, aˬ dui kʼawꞈ ya gaˬ gʼaˬ-euˬ ma. Guiˬ lahˬ dawˬ kʼoeˇ-ahˇ aˬ yawꞈ maꞈ ya gaˬ-euˬ kʼawꞈ, jah-eu laꞈ kʼoeˇ maˬ ha geuꞈ-euˬ miˇ neh aˬ yawꞈ maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

HeˬByehˇ 3:19

Aˬ yawꞈ maꞈ maˬ jah-euˬ baˬ da neh, miˇ kʼahˬ kʼoeˇ kʼahˬ-ahˇ aˬ yawꞈ maꞈ maˬ ya uˇ leˇ-euˬ jeˬ pyeuꞈ-eu meh lehˇ aˬ dui ya siˬ ya mawˇ-euˬ ma.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

Luˇkaꞈ 8:25

“Naw maꞈ-euˬ jah-eu nui ma aˬ lehˬ” lehˇ, aˬ yawꞈ maꞈ-ahˇ aˬ yawꞈ dehˬ-euˬ meh. Kʼoeˇ ngeh, aˬ yawꞈ maˬ guˆ-awˇ zahˬ leˇ-eu laꞈ kʼoeˇ, tiˬ gʼaˬ tiˇ gʼaˬ ehˇ-eu, “Tsawˇ haˬ heu gʼaˬ aˬ suˇ gʼaˬ nga. Jaˬ lehˇ hawˇ-eu iˇ cuꞈ-ahˇ aˬ yawꞈ dawˬ biꞈ ngeh, aˬ yawꞈ-euˬ dawˬ-ahˇ naˇ haˬ-eu nga.”

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Maꞈtehˬ 12:39

Yeˬsuˇ ehˇ-eu, “Ziˇ heu ziˇ-ahˇ dehꞈ luꞈ-eu tsawˇ haˬ deuˬ aˇ naˆ ni haiˬ-awˇ dehꞈ cawˆ taˬ-euˬ nga. Kʼaˆ jeˬ-ehˇ gʼeh-eu jeˬ mˇ mehˬ laꞈ lehˇ, naw maꞈ ngaˬ-ahˇ ehˇ te loˇ. Miˬyehˇ gʼaˇ duˬ ngehˬ dah-eu Yawˇnaˆ-euˬ gaˇ kawˆ kʼoeˇ hmˬ maˬ ngeuˇ naˇ, kʼaˆ jeˬ-ehˇ gʼeh-eu yawˬ hmˬ yawˬ naw maꞈ-ahˇ ngaˇ maˬ mehˬ nehˬ.

Maꞈtehˬ 3:7

Paˬliˬsehˇ deuˬ hawˇ-eu Saˬduˬgehˇ deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Jaceuq 78:8

Miˬyehˇ-ahˇ jah-eu maˬ ziꞈ-ehˇ, Miˬyehˇ-ahˇ saˇ jaˇ maˬ ziꞈ-eu uˬ taꞈ, aˬ yawꞈ-eu ehˇ dawˬ maˬ naˇ haˬ ni aˬ yawꞈ-ahˇ puiˬ-eu, aˬ yawꞈ maꞈ-euˬ aˬ poeˬ aˬ bawˇ kʼoeˇ deuˬ-ahˇ ma duˇ ni, aˬ yawꞈ maꞈ dehꞈ tehꞈ-a.

2 Sahˬpaˬ 5:8

Iˇsaˬleˬlaˆ sahˬ paˬ mehˬ tsoeˬ cehˬ pyaˬ-euˬ gaˇ kawˆ Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Eˇliˇshehˇ ya gaˬ ngeh, heu loꞈ-ehˇ bi ehˇ gaˬ leˇ-euˬ meh. “Aˬ jeˬ miˇ neh nawˇ nui ma cawˆ luꞈ te. Tsawˇ haˬ kʼoeˇ gʼaˬ-ahˇ ngaˇ jawˇ gaˇ pyehˬ gʼeh leꞈ-awˬ. Iˇsaˬleˬlaˆ miˇ kʼahˬ laꞈ kʼoeˇ miˬyehˇ gʼaˇ duˬ ngehˬ dah-eu tiˬ gʼaˬ jawˇ-eu gaˇ kawˆ, aˬ yawꞈ yaw muiˬ paˬ-ehˇ ya siˬ duˬ tehꞈ-a.”

Bawˇtsahˬ 14:27

“Tsawˇ haˬ yaw haiˬ heu deuˬ aˇ myah keuˆ ni ngaˬ-ahˇ iˬ baˇ taˬ-eu gʼeh ta. Aˬ yawꞈ maꞈ iˬ baˇ taˬ-eu laꞈ kʼoeˇ toˇ luꞈ-eu dawˬ deuˬ-ahˇ ngaˇ gaˬ dehˆ-euˬ ma.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Doˆ-iˇ 16:28

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ ngaˬ-euˬ ehˇ dawˬ-ahˇ maˬ naˇ haˬ ni aˇ myah keuˆ ni jawˇ-eu lehˇ gʼeh ta.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Maˬkuˆ 10:49

Kʼoeˇ ngeh, Yeˬsuˇ naˬ leˇ-awˇ, “Aˬ yawꞈ-ahˇ kuˇ laꞈ-awˬ” lehˇ ehˇ nehˬ-euˬ meh. Aˬ yawꞈ maꞈ myaꞈ behꞈ kʼoeˇ gʼaˬ-ahˇ kuˇ-awˇ ehˇ nehˬ-eu, “Laˬ kʼaˬ cehˇ taˆ ni tuˇ-awˬ. Aˬ yawꞈ nawˬ-ahˇ kuˇ luꞈ ngaˇ.”

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Maꞈtehˬ 23:36

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Tsawˇ haˬ kʼoeˇ deuˬ-ahˇ sehꞈ-euˬ iˬ baˇ baˬ da neh kʼehˬ-eu kʼaˆ-eu kʼoeˇ, heu ziˇ-ahˇ keuˆ le tehꞈ-a.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Luˇkaꞈ 9:40

Nehꞈ kʼoeˇ mawˇ teh doˆ nehˬ laꞈ lehˇ nawˬ-euˬ zaˬ lahˇ deuˬ-ahˇ ngaˇ shaˇ-euˬ kʼawꞈ, maˬ teh doˆ nehˬ laꞈ nya-a.”

Luˇkaꞈ 9:42

Aˬ li kʼoeˇ li laˇ luꞈ ngeh, nehꞈ kʼoeˇ mawˇ aˬ yawꞈ-ahˇ nyehꞈ lah-awˇ, shaˬ guˬ shaˬ caˆ bi gʼeu-euˬ meh. Nehꞈ yaw jawꞈ kʼoeˇ mawˇ-ahˇ Yeˬsuˇ dehˬ-awˇ, aˬ li kʼoeˇ li-ahˇ laˆ taˬ nehˬ-awˇ, aˬ yawꞈ-euˬ aˬ da-ahˇ a kʼoꞈ nehˬ-euˬ meh.