Luˇkaꞈ 7:46 - Akha

⁴⁶ Ngaˬ-euˬ uˬ duˬ-ahˇ lehꞈ-awˬ lehˇ nawˇ ngaˬ-ahˇ saˬ loˬ tsiˇ maˬ biꞈ nehˬ laꞈ-aˬ. Ehˇ kʼawꞈ, aˬ yawꞈ-aˬ, ngaˬ-euˬ aˬ kuiˇ-ahˇ tsiˇ yaw saw jeˬ lehꞈ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁶ Nawr, ngaq-euq uqduq-anr tsir maq laefnaeq laf-aq. Aerkhawf, zaqmiq aqbur heughaq-aq, ngaq-euq aqkuir-anr tsir yawsaw laef naeqlaf-euq mae.

Luˇkaꞈ 7:46 Referans Kwoze

Jaceuq 23:5

Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

Dawˬ tsoˆ 9:8

Aˬ myah luꞈ laˬ kʼaˬ tiˬ cehˇ dehꞈ-awˬ jawˇ-awˬ.

Maꞈtehˬ 6:17

Naw maꞈ maˬ dzaˬ-eu zahˇ jahˇ ngeh, myaˆ duꞈ puꞈ shawˇ-awˇ, uˬ duˬ kaˆ juˇ-awˬ.

Daˬyeˬlaˇ 10:3

Aˇ yamˬ kʼoeˇ smˬ jaw maˬ dzeuˇ-iˇ kʼoeˇ keuˆ ni, ngaˇ dzaˇ yaw kuiˇ maˬ dzaˬ-ehˇ, aˬ gaꞈ dzaˇ uiˇ maˬ dawˇ-eu uˬ taꞈ, uˬ duˬ kʼawꞈ maˬ kaˆ ni jawˇ-euˬ ma.

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 14:2

Kʼoeˇ miˇ neh, Teˬkawˬ meuˬ-ahˇ jawˇ-eu tsawˇ gahˇ ahˇ-eu zaˬ miˬ zaˬ tiˬ gʼaˬ-ahˇ bi sheuˬ laˬ-iˇ-euˬ meh. Zaˬ miˬ zaˬ kʼoeˇ gʼaˬ laˇ keuˆ ngeh, Yoˇbaˬ heu loꞈ-ehˇ ehˇ nehˬ-euˬ meh. “Nawˇ tsawˇ ngoeˇ ngoeˇ-eu geuꞈ-awˇ, tsawˇ ngoeˇ ngoeˇ-eu deuˬ dm-eu mehˬ tsoeˬ dm-awˇ, uˬ duˬ tsehˇ kahˇ kʼawꞈ maˬ kaˆ juˇ ni bi jaˆ-awˬ. Nawˬ-euˬ aˇ gʼehˇ seuˆ dzeuꞈ dawˬ tawˆ luꞈ, aˇ yamˬ gʼawˬ myahˇ ni tsawˇ ngoeˇ ngoeˇ ngoeˇ-ehˇ jawˇ-euˬ zaˬ miˬ zaˬ tiˬ gʼaˬ-ahˇ laˆ duˇ-awˬ.

Luˇta 3:3

Nymˇ ciꞈ aˬ yawꞈ cehˇ baw shawˇ luꞈ tehꞈ-a. Teu miˇ neh, nawˇ iˇ cuꞈ dzuiꞈ shawˇ-awˬ. Tsiˇ yaw saw jeˬ lehꞈ-awˇ, mehˬ tsoeˬ yaw shuiꞈ dm paˇ-awˬ. Kʼoeˇ naˇ, aˬ yawꞈ cehˇ baw luꞈ gaˇ iˇ-awˬ. Ehˇ kʼawꞈ, aˬ yawꞈ maˬ dzaˬ maˬ dawˇ dehˆ kʼoeˇ keuˆ ni, nawˇ kʼoeˇ gaˇ iˇ keuˆ taˬ-euˬ aˬ yawꞈ-ahˇ taˬ bi siˬ.

Miˇkaˬ 6:15

Naw maꞈ cehˇ ka kʼawꞈ, maˬ ya yehˬ dzaˬ-aˇ. Saˬ loˬ tsiˇ lehˬ doˆ kʼawꞈ, maˬ ya zmˬ-aˇ. Aˬ gaꞈ dzaˇ uiˇ jahˇ kʼawꞈ, maˬ ya dawˇ haw-aˇ.

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

2 Saˬmeuˬlaˆ 12:20

Kʼoeˇ ngeh, Daˬbiˇ miˇ tsa yuꞈ luꞈ-eu tuˇ laˇ-awˇ, iˇ cuꞈ dzuiꞈ-awˇ, uˬ duˬ kaˆ juˇ-awˇ, mehˬ tsoeˬ dm paˇ-euˬ meh. Kʼoeˇ naˇ, Sahˬpaˬ Miˬyehˇ-euˬ nymˇ-ahˇ le-awˇ, uˬ duˬ tahˬ leˇ-euˬ meh. Sahˬ paˬ jawˇ-eu hawˇ nymˇ-ahˇ aˬ yawꞈ gʼoꞈ keuˆ leˇ ngeh, dzaˬ dzaˬ dawˇ dawˇ bi laˆ dawˆ-awˇ, tiˬ poˆ tehꞈ-ehˇ dzaˬ-euˬ meh.

Luˇkaꞈ 7:47

Ngaˇ nawˬ-ahˇ ehˇ nehˬ nyaˇ. Aˬ yawꞈ neh mehˬ nehˬ laꞈ-euˬ gʼoeˇ-eu gaˬ-eu heu-aˬ, myaˬ dui dui-eu aˬ yawꞈ-euˬ iˬ baˇ buˬ-iˇ-euˬ saˇ kiˇ pyeuꞈ-eu meh. Ehˇ kʼawꞈ, iˬ baˇ ui cuiˆ tehꞈ-ehˇ ahˇ-awˇ, iˬ baˇ pyehˬ nehˬ-eu jeˬ-ahˇ za-euˬ tsawˇ haˬ-aˬ, gʼoeˇ-eu gaˬ-eu jeˬ ui cuiˆ tehꞈ-ehˇ ahˇ tehꞈ-a.”