Luˇkaꞈ 6:29 - Akha

²⁹ Nawˬ-euˬ baˬ ba-ahˇ tehˆ laˇ-eu tsawˇ haˬ-ahˇ, baˬ ba yawˬ pyawˬ yawˬ paˇ ciˬ daˬ nehˬ-awˬ. Kʼoeˇ taˆ dm daˆ taˬ-eu pehˇ kʼahˬ yuˇ geuꞈ laˇ-eu tsawˇ haˬ-ahˇ, laꞈ kʼoeˇ dm ahˇ taˬ-euˬ kahˇ kʼawꞈ bi yuˇ geuꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aqcawq, nawq-euq baqba tiq pyawq-anr taevlar nar-aq, yawqpyawqyawq khawf ciqdaq naeq-awq. Aqcawq, nawq-euq paerkhanq lafnyir kanr yurgeuflar nar-aq, lafkhoer kanr khawf bifnaeq-awq.

Luˇkaꞈ 6:29 Referans Kwoze

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

1 Gawˇliˬtu 6:7

Naw maꞈ yaw kaˬ yaˇ kʼaˬ mehˬ dzaˬ laˆ doˆ-eu lehˇ ehˇ-eu teu-aˬ, naw maꞈ gʼaˇ duˬ smˬ dui dui-eu jeˬ pyeuꞈ-eu meh. Aˬ cawˬ neh yaw doeˇ bi jahˇ-eu-aˬ, kʼoeˇ naˆ maˬ tseˇ maˬ gaˇ dzehˬ tehꞈ-a. Aˬ cawˬ neh tahˇ joe bi joe-eu kʼawꞈ, kʼoeˇ naˆ maˬ tseˇ maˬ gaˇ dzehˬ tehꞈ-a.

Yoˇhaˬ 18:22

Yeˬsuˇ kʼoeˇ loꞈ-ehˇ ehˇ ngeh, kʼoeˇ gaˇ loꞈ luꞈ-eu yehˇ tiˬ gʼaˬ aˬ yawꞈ-euˬ baˬ ba-ahˇ tehˆ-awˇ ehˇ-eu, “Nawˇ Piˇ ma Yaw huiˬ gʼaˬ-ahˇ teu loꞈ-ehˇ ehˇ kʼmˬ ta loˇ.”

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Ngoeˇ dawˬ 3:30

Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

1 Gawˇliˬtu 4:11

Nymˬ-mˇ keuˆ ni nga maꞈ mehꞈ luꞈ shuꞈ luꞈ-eu ma. Mehˬ tsoeˬ dm-eu maˬ jaˆ-ehˇ, aˬ cawˬ neh bi diˬ bi diˬ-ehˇ, yuꞈ zaˇ jawˇ zaˇ maˬ baw ni shaˬ luꞈ-eu ma.

Luˇkaꞈ 22:64

Kʼoeˇ naˇ aˬ yawꞈ-euˬ myaˆ nuiˆ kaꞈ kaˬ nehˬ-awˇ , “Nawˇ Miˬ yehˇ gʼaˇ duˬ ngehˬ dah nya-eu jeˬ maˇ-iˬ, nawˬ-ahˇ naˬ tehˆ tehˆ-euˬ aˬ suˇ gʼaˬ nga lehˇ ehˇ haw sheˇ” lehˇ ehˇ nehˬ-euˬ meh.

Gʼaˬkʼehˇ 23:2

Pawˇluˆ-euˬ mehˬ boeˬ-ahˇ tehˆ-eu gʼaˇ duˬ, Pawˇluˆ-euˬ dawˬ peh yawꞈ luꞈ-eu tsawˇ haˬ deuˬ-ahˇ Piˇ ma Yaw huiˬ gʼaˬ pyeuꞈ-eu Aˬnaˬniˇ neh dawˬ biꞈ nehˬ-euˬ meh.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

2 Laˬsaˬbaˬ 18:23

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ aˬ myah neh ngaˇ jawˇ gaˇ neh aˬ myah doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

2 Saˬmeuˬlaˆ 19:30

Meˬpiˇbawˇshehˆ ehˇ-eu, “Ziˇbaˬ tehꞈ-ehˇ dawˬ tawˆ luꞈ bi geuꞈ jiˇ-awˬ. Nawˬ-euˬ gʼawˇ mawˇ iˇ kahˇ-ahˇ laˬ kʼaˬ tiˬ cehˇ ya gʼoꞈ keuˆ laˇ-euˬ tehꞈ-ehˇ kʼawꞈ, ngaˬ-euˬ gʼaˇ duˬ gʼaˬ miˇ-a.”

Luˇkaꞈ 6:30

Nawˬ-ahˇ kʼaˇ shaˇ-eu tsawˇ haˬ-ahˇ biꞈ-awˬ. Nawˬ-euˬ myawˬ yuˇ geuꞈ-eu tsawˇ haˬ-ahˇ taˬ shaˇ kʼoꞈ.