Luˇkaꞈ 5:18 - Akha

¹⁸ Tsawˇ haˬ tiˬ maꞈ-aˬ, kuiˇ shiˇ laꞈ shiˇ shiˇ-euˬ tsawˇ ha tiˬ gʼaˬ-ahˇ, yuꞈ zaˇ kʼoeˇ taˆ bi yuꞈ-awˇ baꞈ laꞈ-euˬ meh. Tsawˇ haˬ kʼoeˇ gʼaˬ-ahˇ nymˇ laꞈ kʼoeˇ baꞈ ahˇ gʼeh-awˇ, Yeˬsuˇ-euˬ mehˬ shi baꞈ taˬ leˇ-eu lehˇ aˬ yawꞈ maꞈ leh jeh luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerngae, tsawrhaq tiqpavnav deuq kuirshir lafshir shir-eu tiq ghaq-anr yufzar-euq khoertav biyuf-awr baflaf-awr nae, Yeqsur-euq maeqshi bafanr lef-eu laer ghae-euq mae.

Luˇkaꞈ 5:18 Referans Kwoze

Gʼaˬkʼehˇ 9:33

Kʼoeˇ gaˇ, kuiˇ shiˇ laꞈ shiˇ shiˇ-eu miˇ neh yehꞈ kʼoꞈ keuˆ ni yuꞈ zaˇ laꞈ nyiˇ maˬ doˆ le nya-ehˇ jawˇ-eu Ehˇneˬ lehˇ myahˇ-euˬ tsawˇ haˬ tiˬ gʼaˬ-ahˇ aˬ yawꞈ mawˇ-euˬ meh.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Luˇkaꞈ 5:24

Tsawˇhaˬ-euˬ Zaˬmaˇ-aˬ, miˇ tsaˬ heu kʼoeˇ taˆ iˬ baˇ pyehˬ nehˬ nya-eu baoˬ jaˆ-eu gaˇ kawˆ, ngaˇ naw maꞈ-ahˇ bi siˬ bi mawˇ ma.” Kʼoeˇ naˇ, kuiˇ shiˇ laꞈ shiˇ shiˇ-euˬ tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ, nawˬ-euˬ yuꞈ zaˇ baꞈ-awˇ gʼoꞈ-iˇ-awˬ lehˇ, ngaˇ nawˬ-ahˇ ehˇ-eu ma.”