Luˇkaꞈ 4:42 - Akha

⁴² Uˬ bya bya laˇ ngeh, Yeˬsuˇ meuˬ-ahˇ neh doˆ-iˇ-awˇ, ciˬ cuˇ ni gʼeh-eu jawˇ duˬ-ahˇ iˇ-euˬ meh. Tsawˇ haˬ aˇ maꞈ aˬ yawꞈ-ahˇ poˆ mawˇ le-awˇ, tiˬ gaˇ-iˬ maˬ paˇ bi iˇ ni aˬ yawꞈ maꞈ nehˬ-ehˇ tehꞈ-ehˇ bi jawˇ-eu gʼaˇ duˬ leh jeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Uqbya byalar ngae, Yeqsur dov-ir-awr bawrtsanq bawrdanr-anr le-euq mae. Tsawrhaq armaf mafma deuq, aqyawf-anr povpov-aer aqyawf jawr-eu gar lekeuv ngae, Yeqsur, aqyawf maf-anr nae maqbi ghawq-ir ni bijawr-eu laer laejae-euq mae.

Luˇkaꞈ 4:42 Referans Kwoze

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 6:24

Yeˬsuˇ maˬ ehˇ, aˬ yawꞈ-euˬ zaˬ lahˇ deuˬ maˬ ehˇ, kʼoeˇ gaˇ maˬ paˇ jawˇ-euˬ gaˇ tsawˇ haˬ aˇ maꞈ kʼoeˇ maꞈ ya mawˇ ngeh, Yeˬsuˇ-ahˇ poˆ-iˇ-eu gʼaˇ duˬ, lawˬ kʼoeˇ deuˬ-ahˇ dziˬ-awˇ Gaˬbeˬneˬoˬ meuˬ-ahˇ iˇ-euˬ meh.

Yoˇhaˬ 4:40

Saˬmaˬliˆ tsawˇ haˬ deuˬ aˬ yawꞈ jawˇ gaˇ oe ngeh, aˬ yawꞈ maꞈ nehˬ-ehˇ tiˬ kʼehˬ jawˇ nehˬ laꞈ lehˇ Yeˬsuˇ-ahˇ shaˇ-eu miˇ neh, nyiˬ nah jawˇ nehˬ-euˬ meh.

Luˇkaꞈ 24:29

Ehˇ kʼawꞈ, aˬ yawꞈ nyaꞈ aˬ yawꞈ-ahˇ gʼeu tehˬ-awˇ, “Nga nyaꞈ nehˬ-ehˇ jawˇ yaꞈ-awˬ. Uˬ ciꞈ ciꞈ le-awˇ zahˇ le shaw-iˬ ngaˇ.” lehˇ ehˇ-eu meh. Kʼoeˇ miˇ neh, aˬ yawꞈ nyaꞈ nehˬ-ehˇ iˇ kahˇ laꞈ kʼoeˇ uˇ leˇ-awˇ yaꞈ-euˬ meh.

Maˬkuˆ 1:45

Ehˇ kʼawꞈ, tsawˇ haˬ kʼoeˇ gʼaˬ gʼoꞈ-iˇ-awˇ, gaˇ kawˆ kʼoeˇ yawˬ gaˇ na luꞈ ja doe-iˇ-euˬ meh. Aˬ yawꞈ neh aˇ dzehˬ ja byah dzeuˇ-euˬ miˇ neh, Yeˬsuˇ aˬ cawˬ mawˇ mawˇ-ehˇ meuˬ laꞈ kʼoeˇ maˬ iˇ nya ni pyeuꞈ-iˇ-euˬ meh. Meuˬ-euˬ laꞈ nyiˇ paw ciˬ cuˇ ni gʼeh gaˇ tehꞈ-ehˇ aˬ yawꞈ jawˇ-awˇ, yawˬ paw na luꞈ jawˇ-eu tsawˇ haˬ deuˬ aˬ yawꞈ jawˇ gaˇ laˇ-euˬ meh.