Luˇkaꞈ 4:23 - Akha

²³ Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “‘Saˬ laˬ gʼoˬ-oˇ, yawˬ ha-euˬ naˇ gawˇ jeˬ huˬ laˆ taˬ-awˬ’ lehˇ ehˇ-eu dawˬ daˬ loꞈ-ehˇ, naw maꞈ ngaˬ-ahˇ ehˇ mawꞈ tehꞈ-a lehˇ ngaˇ siˬ nya ma. Gaˬbeˬneˬoˬ meuˬ-ahˇ ngaˬ neh mˇ mehˬ yaꞈ-euˬ jeˬ, heu gaˇ jiˇ mˇ mehˬ haw sheˇ lehˇ naw maꞈ ehˇ mawꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur, aqyawf maf-anr aernaeq-eu, “ ‘Nargawr lavsav-eu tsawrhaq-or! Nawr, nawq-euq nargawr-anr lavtaq-awq’ laer aer-eu dawqdaq jav-eu lof-aer, nawq nae Gaqbeqneqoq-anr mr-euq gardeuq nga’maf yagaq-euq lof-aer, yawqha-euq jawrkhanq-anr khawf mr-awq lawr’ laer nawmaf, ngaq-anr aerlar taef-a laer ngar siqnya ma.”

Luˇkaꞈ 4:23 Referans Kwoze

Maˬkuˆ 6:1

Yeˬsuˇ kʼoeˇ gaˇ neh doˆ le-awˇ, aˬ yawꞈ jawˇ-eu miˇ kʼahˬ-ahˇ gʼoꞈ leˇ-euˬ meh. Aˬ yawꞈ-euˬ zaˬ lahˇ deuˬ kʼawꞈ, aˬ yawꞈ mehˬ nah caw teh kʼoꞈ leꞈ-euˬ meh.

Maꞈtehˬ 4:13

Naˬzaˬlehˇ meuˬ-ahˇ maˬ paˇ jawˇ ni, Gaˬliˬlehˇ lah lah dzeˇ jaˆ-eu Gaˬbeˬneˬoˬ meuˬ-ahˇ aˬ yawꞈ jawˇ-iˇ-euˬ meh. Gaˬliˬlehˇ lah-aˬ, Zeˬbuˬloˬ hawˇ-eu Naˬtaˬliˇ miˇ kʼahˬ laꞈ kʼoeˇ jaˆ-eu meh.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

Yoˇhaˬ 4:28

Kʼoeˇ naˇ, zaˬ miˬ zaˬ kʼoeˇ gʼaˬ aˬ yawꞈ-euˬ miˇ tsaˬ oeˬ lahˬ taˬ yaꞈ-awˇ, meuˬ-ahˇ gʼoꞈ leˇ-awˇ, aˬ cawˬ-ahˇ heu loꞈ-ehˇ ehˇ gaˬ leˇ-euˬ meh.

Luˇkaꞈ 6:42

Awꞈ-aꞈ tahˬ kʼoˬ-ahˇ duˇ-eu tsawˇ haˬ -oˇ. Nawˬ-euˬ myaˆ nuiˆ-ahˇ tsmˬ-eu diˬ tm jeˬ huˬ baꞈ doˆ-awˬ. Kʼoeˇ sahˇ miˇ tsa, nawˬ-euˬ mehˇ nmˇ-euˬ myaˆ nuiˆ-ahˇ ahˇ-eu myaˆ pawꞈ aˬ joˆ-ehˇ jahˇ-awˇ pehˆ doˆ nehˬ paˬ nga lehˇ, nawˬ-ahˇ mawˇ duˬ laˇ tehꞈ-a.

Luˇkaꞈ 4:16

Kʼoeˇ naˇ, Yeˬsuˇ-aˬ, aˬ yawꞈ huiˬ laˇ-euˬ jawˇ duˬ pyeuꞈ-eu Naˬzaˬlehˇ meuˬ-ahˇ iˇ-awˇ, Jawˇ nah keuˆ laˇ ngeh, aˬ myah myah kʼaˇ daˆ leˇ-euˬ loꞈ-ehˇ, uˬ duˬ tahˬ nymˇ-ahˇ daˆ leˇ-euˬ meh. Aˬ yawꞈ Jaˇliꞈ gui-eu lehˇ tuˇ laˇ ngeh,

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maꞈtehˬ 4:23

Gaˬliˬlehˇ miˇ kʼahˬ doe ni Yeˬsuˇ cah-awˇ, aˬ yawꞈ maꞈ-euˬ uˬ duˬ tahˬ nymˇ laꞈ kʼoeˇ mehˬ-eu tsoˆ-eu jeˬ mˇ-awˇ, Miˬyehˇ Miˇ kʼahˬ-ahˇ taꞈ leˇ-eu laˬ kʼaˬ cehˇ-eu guiˬ lahˬ dawˬ mehˬ-eu uˬ taꞈ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ-ahˇ kʼawꞈ, laˆ taˬ nehˬ-euˬ meh.

Luˇkaꞈ 2:39

SahˬpaˬMiˬyehˇ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Yoˇsehˆ hawˇ-eu Maˬliˇ aˬ nyaꞈ dzeˇ zaˬ mˇ byah gʼaˬ ngeh, aˬ yawꞈ pehˬ jawˇ-eu meuˬ pyeuꞈ-eu Gaˬliˬlehˇ miˇ kʼahˬ Naˬzaˬlehˇ meuˬ-ahˇ gʼoꞈ leˇ-euˬ meh.

Luˇkaꞈ 2:51

Kʼoeˇ naˇ, aˬ yawꞈ nyaꞈ nehˬ-ehˇ Naˬzaˬlehˇ meuˬ-ahˇ Yeˬsuˇ gʼoꞈ-iˇ-awˇ, ehˇ dawˬ naˇ haˬ naˇ haˬ-ehˇ jawˇ-euˬ meh. Aˬ yawꞈ-euˬ aˬ ma-aˬ, gaˇ kawˆ kʼoeˇ deuˬ dawˬ tawˆ luꞈ, nui ma laꞈ kʼoeˇ juiˇ taˬ-euˬ meh.

Luˇkaꞈ 4:31

Kʼoeˇ naˇ, Gaˬliˬlehˇ miˇ kʼahˬ Gaˬbeˬneˬoˬ meuˬ-ahˇ Yeˬsuˇ iˇ-euˬ meh. Jawˇ nah ngeh nah kʼoeˇ gaˇ mehˬ nehˬ tsoˆ nehˬ-euˬ meh.

Luˇkaꞈ 4:35

Nehꞈ kʼoeˇ mawˇ-ahˇ Yeˬsuˇ dawˬ biꞈ-awˇ ehˇ-eu, “Ciˬ cuˇ ni jawˇ-awˇ tsawˇ haˬ teu gʼaˬ-euˬ laꞈ kʼoeˇ neh doˆ le-awˬ.” Nehꞈ kʼoeˇ mawˇ tsawˇ haˬ kʼoeˇ gʼaˬ-ahˇ aˬ yawꞈ maꞈ-euˬ mehˬ shi bi coˬ dzeh-awˇ, maˬ laˆ tahˬ maˬ laˆ naˇ nehˬ ni doˆ-iˇ-euˬ meh.