Luˇkaꞈ 23:32 - Akha

³² Yaw haiˬ jeˬ mˇ-euˬ tsawˇ haˬ nyiˬ gʼaˬ-ahˇ kʼawꞈ, Yeˬsuˇ nehˬ-ehˇ taꞈ sehꞈ-eu lehˇ sheuˬ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Khoerngae, Yeqsur naeq-aer tiqkawv lof-aer bisaef-eu laer yawbanq jeq mr-euq nyiq ghaq-anr khawf sheuqdov ghaeluf-eu mae.

Luˇkaꞈ 23:32 Referans Kwoze

Maˬkuˆ 15:27

Tahˇ joeˬ nyiˬ gʼaˬ-ahˇ kʼawꞈ, aˬ yawꞈ nehˬ-ehˇ tiˬ kawˆ loꞈ-ehˇ, aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ taˬ-euˬ meh.

Maꞈtehˬ 27:38

Kʼoeˇ naˇ, tahˇ joe nyiˬ gʼaˬ-ahˇ, aˬ yawꞈ nehˬ-ehˇ tiˬ kawˆ loꞈ-ehˇ, aˬ yawꞈ-euˬ aˇ maˇ paw tiˬ gʼaˬ, aˇ caˇ paw tiˬ gʼaˬ lehˇ, laꞈ yaꞈ kʼoeˇ taˆ taꞈ tehˬ taˬ-euˬ meh.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Yoˇhaˬ 19:18

Kʼoeˇ gaˇ, aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-euˬ meh. Tsawˇ haˬ nyiˬ gʼaˬ-ahˇ kʼawꞈ, aˬ yawꞈ-euˬ gaˇ dzeˇ tiˬ paw tiˬ gʼaˬ-ehˇ taꞈ tehˬ taˬ-awˇ, aˬ yawꞈ-ahˇ gʼahˇ ceh taꞈ tehˬ taˬ-euˬ meh.

Luˇkaꞈ 22:37

Aˬ jeˬ miˇ neh ehˇ naˇ, ‘Aˬ yawꞈ-ahˇ smˇ kʼoeˬ tahˇ joe loꞈ-ehˇ sawˇ nehˬ tehꞈ-a’ lehˇ ehˇ-eu dawˬ kʼoeˇ dawˬ ngaˬ-euˬ kʼoeˇ taˆ keuˆ le tehꞈ-a. Ngaˬ-euˬ gaˇ kawˆ kʼaˇ boꞈ taˬ-euˬ jeˬ byah laˇ meh.”

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

Luˇkaꞈ 23:31

Aˬ jeˬ miˇ neh ehˇ naˇ, aˇ bawˇ yaw jmˬ-ahˇ aˬ yawꞈ maꞈ heu naˆ ni jahˇ nehˬ naˇ, aˇ bawˇ yaw gui-ahˇ aˇ naˆ ni paˇ jahˇ nehˬ nmˇ.”

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.