Luˇkaꞈ 23:16 - Akha

¹⁶ Kʼoeˇ miˇ neh, aˬ yawꞈ-ahˇ yahˬ caˆ neh bi juiꞈ-awˇ pyehˬ nehˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoermirnae, ngar, aqyawf-anr diq-awr pyaeqnaeq ma.”

Luˇkaꞈ 23:16 Referans Kwoze

Maꞈtehˬ 27:26

Kʼoeˇ naˇ, aˬ yawꞈ maꞈ gʼaˇ duˬ, sahˬ paˬ Piˇlaˆ neh Baˬlaˬbaˇ-ahˇ pyehˬ doˆ nehˬ-euˬ meh. Kʼoeˇ naˇ, Yeˬsuˇ-ahˇ yahˬ caˆ neh bi juiꞈ gʼaˬ ngeh, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.

Luˇkaꞈ 23:22

Sahˬ paˬ Piˇlaˆ aˬ yawꞈ maꞈ-ahˇ smˬ poˆ tiˬ poˆ paˇ shaˇ-awˇ ehˇ-eu, “Aˬ yawꞈ mˇ lehˬ mˇ ca-euˬ aˬ jeˬ jaˆ ta. Aˬ yawꞈ ya shiˇ paˬ-ehˇ mˇ lehˬ taˬ-euˬ tiˬ jeˬ-iˬ ngaˇ maˬ ya mawˇ-aˬ. Aˬ yawꞈ-ahˇ ngaˇ yahˬ caˆ neh bi juiꞈ-awˇ pyehˬ nehˬ ma.”

Maˬkuˆ 15:15

Sahˬ paˬ Piˇlaˆ-aˬ, tsawˇ haˬ aˇ maꞈ nui kʼahˇ shiˇ ni mˇ nehˬ mawꞈ-eu miˇ neh, Baˬlaˬbaˇ-ahˇ pyehˬ doˆ nehˬ-euˬ meh. Kʼoeˇ naˇ, Yeˬsuˇ-ahˇ yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ-euˬ meh.

Gʼaˬkʼehˇ 16:37

Ehˇ kʼawꞈ, piˆ liˆ aˬ yuiꞈ deuˬ-ahˇ Pawˇluˆ ehˇ nehˬ-eu, “Nga nyaꞈ Loˇmaˆ miˇ kʼahˬ zaˬ pyeuꞈ-eu ma. Ehˇ kʼawꞈ, nga nyaꞈ-euˬ yaw lehˬ yaw ca tiˬ jeˬ-iˬ maˬ poˆ mawˇ-euˬ gaˇ, miˇ kʼahˬ zaˬ mehˬ shi nga nyaꞈ-ahˇ yahˬ caˆ neh juiꞈ-awˇ tawˬ-ahˇ dawˆ nehˬ laꞈ-euˬ meh. Ehˇ kʼawꞈ, nymˬ-mˇ poˆ jawˇ-aˬ, aˬ cawˬ maˬ bi siˬ ni nga nyaꞈ-ahˇ ciˬ cuˇ ni pyehˬ-awˇ bi gʼoꞈ leˇ-eu gʼeh te loˇ. Ma geuꞈ. Loˇmaˆ tsawˇ haˬ yaw huiˬ yaw mahˇ kʼoeˇ deuˬ oe-awˇ nga nyaꞈ-ahˇ pyehˬ doˆ nehˬ le-eu maˬ ngeuˇ naˇ maˬ geuꞈ.”

Iˇsaˬyaˇ 53:5

Ehˇ kʼawꞈ, aˬ yawꞈ ya naˇ ya gawˇ-eu dawˬ tawˆ luꞈ, aˬ dui mˇ-euˬ iˬ baˇ baˬ da neh meh. Aˬ dui neh mˇ-euˬ yaw haiˬ jeˬ aˇ poeˬ, kʼehˬ-eu kʼaˆ-eu jeˬ-ahˇ aˬ yawꞈ ya daˬ-euˬ meh. Kʼehˬ-eu kʼaˆ-eu jeˬ-ahˇ aˬ yawꞈ daˬ-euˬ miˇ neh, aˬ dui nui saˇ oꞈ-awˇ, naˇ-eu gawˇ-eu jeˬ-ahˇ aˬ yawꞈ daˬ-euˬ miˇ neh, aˬ dui jawˇ saˇ doˆ laˇ-euˬ ma.

Luˇkaꞈ 6:37

“Aˬ cawˬ-ahˇ yaw lehˬ taˬ poˆ. Naw maꞈ aˬ cawˬ-ahˇ yaw lehˬ maˬ poˆ naˇ, Miˬyehˇ naw maꞈ-ahˇ yaw lehˬ maˬ poˆ-aˇ. Aˬ cawˬ-ahˇ yaˇ kʼaˬ taˬ daˇ. Naw maꞈ aˬ cawˬ-ahˇ yaˇ kʼaˬ maˬ daˇ naˇ, Miˬyehˇ naw maꞈ-ahˇ yaˇ kʼaˬ maˬ daˇ-aˇ. Aˬ cawˬ-ahˇ iˬ baˇ pyehˬ nehˬ-awˬ. Naw maꞈ aˬ cawˬ-ahˇ iˬ baˇ pyehˬ nehˬ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.