Luˇkaꞈ 16:19 - Akha

¹⁹ “Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ “Smrmuiq smrbaw tiq ghaq jawr-eu mae. Aqyawf nerpuir puir-eu maeqtsoeq hawr-eu sheqsha maeqtsoeq dm-awr, yawqnan navluf byaeqlaeq shaevdae-aer yawbui builuf-eu mae.

Luˇkaꞈ 16:19 Referans Kwoze

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 27:7

Iˇjiˇtuˆ-euˬ saˬ paˇ paˇ shawˇ, aˇ boꞈ aˇ yehˆ yehˆ-awˇ guꞈ-euˬ, nawˬ-euˬ saˇ baoˬ saˬ paˇ kʼoeˇ-ahˇ, gaˇ mahˇ jawˇ-awˇ haw siˬ nya meh. Nawˬ-euˬ saˇ baoˬ joe shmˇ-euˬ-aˬ, Guˇbaˬluˇ-ahˇ neh yuˇ leꞈ-euˬ, neˇ nyoeˇ nyoeˇ-eu saˬ paˇ neh meh.

Panmaeq 18:16

“Aˬ huˇ-i, huiˬ-eu meuˬ-ahˇ haw sheˇ. paˇ pyuˇ paˇ shawˇ dm-awˇ, paˇ neˇ neˇ naˆ dm-awˇ, shuiˇ myawˬ guˇ deuˬ geuꞈ-awˇ, kʼaˬ lo sehˇ deuˬ geuꞈ-awˇ, caˇ kʼawꞈ sehˇ deuˬ geuꞈ-euˬ,

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.

Panmaeq 17:4

Zaˬ miˬ zaˬ kʼoeˇ gʼaˬ-aˬ, neˇ naˆ naˆ-eu mehˬ tsoeˬ hawˇ-eu neˇ tseuˆ ni gʼeh-eu mehˬ tsoeˬ dm-awˇ, shuiˇ myawˬ guˇ deuˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, aˇ caˇ caˇ kʼawꞈ sehˇ deuˬ tiˬ byah ni geuꞈ luꞈ-eu meh. Aˬ cawˬ nehˬ-ehˇ joe-euˬ jeˬ pyeuꞈ-eu jawꞈ dui dui-eu jeˬ hawˇ-eu nui daˆ daˆ laˇ paˬ-ehˇ gʼeh-eu jeˬ tiˬ byah ni ahˇ-eu shuiˇ kʼmˬ maˬ tiˬ kʼmˬ aˬ yawꞈ yuˇ luꞈ-eu meh.

Luˇkaꞈ 16:1

Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh.“Tiˬ poˆ-aˬ, smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-euˬ myawˬ bi jeˬ-hmˬ-euˬ tiˬ gʼaˬ jawˇ-awˇ, myawˬ jeˬ hmˬ-eu tsawˇ haˬ kʼoeˇ gʼaˬ aˬ yawꞈ-euˬ myawˬ gahˬ zmˬ dzeh luꞈ-eu gaˇ kawˆ, aˬ cawˬ aˬ yawꞈ-ahˇ tsaꞈ gaˬ laˇ-euˬ meh.

Maˬkuˆ 15:17

Aˬ yawꞈ maꞈ Yeˬsuˇ-ahˇ neˇ naˆ naˆ-eu pehˇ kʼahˬ pehˇ mahˇ nyehꞈ dm nehˬ-awˇ, aˬ gah ciˇ ni neh shuiˇ uˬ kʼoˆ loꞈ-ehˇ daˇ kʼahˇ kʼahˇ-awˇ, aˬ yawꞈ-euˬ uˬ duˬ-ahˇ nyehꞈ kʼoˆ nehˬ-euˬ meh.

Yeˬsaˬgeˬlaˇ 16:13

Pyuˇ hawˇ-eu shuiˇ myawˬ guˇ deuˬ nawˇ geuꞈ byah luꞈ-awˇ, shawˇ jehˆ ni gʼeh-eu saˬ paˇ neh guꞈ-awˇ, aˇ boꞈ aˇ yehˆ yehˆ taˬ-euˬ muiˬ dui dui-eu mehˬ tsoeˬ hawˇ-eu, boeˬ kahˇ neh zaꞈ taˬ-euˬ mehˬ tsoeˬ tehꞈ-ehˇ aˬ myah luꞈ nawˇ dm-euˬ meh. Muiˬ dui dui-eu cehˇ meu neh jahˇ taˬ-euˬ kaˬ muˇ nawˇ ya dzaˬ-awˇ, byaˬ byaˬ uiˇ hawˇ-eu saˬ loˬ tsiˇ tiˬ jawˇ-iˬ maˬ tsehˆ-iˇ haw-aˬ. Nawˇ aˇ dzehˬ dzeuˇ ni aˇ gʼehˇ muiˬ-awˇ, sahˬpaˬ-euˬ miˬ zaˬ loꞈ-ehˇ keuˆ leˇ taˬ-euˬ meh.

Iˇsaˬtaˆ 8:15

Mawˬdaˬkehˇ-aˬ, paˇ puiˇ hawˇ-eu paˇ pyuˇ keuˬ taˬ-euˬ sahˬ paˬ sahˬ ma deuˬ dm-eu pehˇ kʼahˬ dm-awˇ, shawˇ jehˆ ni gʼeh-eu saˬ paˇ neh guꞈ taˬ-euˬ neˇ tseuˆ ni gʼeh-eu pehˇ kʼahˬ pehˇ mahˇ dm daˆ-awˇ, muiˬ dui jaˬ dui dui-eu shuiˇ uˬ kʼoˆ kʼoˆ-awˇ, sahˬ paˬ-euˬ nymˇ-ahˇ neh doˆ-iˇ ngeh, Suˇsaˬ meuˬ-euˬ gaˇ ma doe ni laˬ kʼaˬ cehˇ-awˇ guˇ-eu lawꞈ lawꞈ-ehˇ jaˆ-eu meh.

Yaˇ kʼaˬ daˇ 8:26

Giˇdoˬ neh shaˇ uiˬ-euˬ naˬ bawˇ naˬ yoˆ dawˬ tawˆ luꞈ, tseˇ nyiꞈ jawꞈ-i ehˇ gʼaˬ ni byah-eu meh. Kʼoeˇ-euˬ laꞈ kʼoeˇ, myawˬ guˇ deuˬ, lawˇ dah deuˬ, Miˇdiˬyaˬ sahˬ paˬ deuˬ dm-eu neˇ naˆ naˆ-eu mehˬ tsoeˬ deuˬ hawˇ-eu, law taw-euˬ kawˬ lahˇ-ahˇ bi geuꞈ-euˬ lahˇ baˆ deuˬ kʼawꞈ, maˬ ahˇ leˇ-aˬ siˬ.

Luˇkaꞈ 15:13

Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Maˬkuˆ 15:20

Aˬ yawꞈ maꞈ aˬ yawꞈ-ahˇ niˇ gʼa dehˆ gʼaˬ ngeh, neˇ naˆ naˆ-eu pehˇ kʼahˬ pehˇ mahˇ kʼoeˇ kahˇ nyehꞈ lehˆ-awˇ, aˬ yawꞈ-euˬ mehˬ tsoeˬ paˇ nyehꞈ dm nehˬ-euˬ meh. Kʼoeˇ naˇ, aˬ yawꞈ-ahˇ laꞈ yaꞈ kʼoeˇ taˆ taꞈ sehꞈ-eu lehˇ tsahˇ doˆ gʼeh-euˬ meh.

Dawqdaq 31:22

Aˬ yawꞈ yuꞈ zaˇ kʼawˬ daˬ yaw muiˬ paˬ-ehˇ guꞈ taˬ-awˇ, neˇ tseuˆ ni gʼeh-eu muiˬ dui dui-eu mehˬ tsoeˬ deuˬ dm-eu meh.

Luˇkaꞈ 16:18

“Yawˬ ha-euˬ miˬ zaˬ kʼoꞈ-awˇ, yawˬ gʼaˬ yawˬ sheuˬ paˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ-ahˇ bahˬ-eu meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ kʼawꞈ, aˬ cawˬ-euˬ miˬ zaˬ-ahˇ bahˬ-eu meh.

Luˇkaꞈ 16:20

Aˬ yawꞈ-euˬ kmˇ cehˇ laˇ gʼoˆ dawˬ peh, Laˬzaˬluˇ lehˇ myahˇ-euˬ gʼawˇ mawˇ mawˇ lah-ehˇ maˇ naˇ naˇ-eu iˇ shaˬ iˇ taw tiˬ gʼaˬ baꞈ taˬ laˇ-awˇ bi ga-euˬ meh.

Dawqdaq 14:24

Zaˬ siˬ tsawˇ gahˇ ahˇ-eu deuˬ shuiˇ uˬ kʼoˆ za-awˇ, aˬ dzawˬ aˇ gah-euˬ shaˬ bymˇ yaw lehˬ yaw ca tehꞈ meh.

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.