Luˇkaꞈ 15:28 - Akha

²⁸ Dawˬ kʼoeˇ dawˬ-ahˇ ya gaˬ ngeh, aˬ li aˬ yuiꞈ kʼoeˇ gʼaˬ nui ma pehˇ dui dui laˇ-awˇ, iˇ kahˇ laꞈ kʼoeˇ maˬ gʼoꞈ uˇ leˇ-a. Aˬ da gʼaˬ doˆ le-awˇ, iˇ kahˇ laꞈ kʼoeˇ gʼoꞈ uˇ laˇ-awˬ lehˇ gʼaˇ duˬ shaˇ dui dui-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ “Ardov ghaq nuima paerpaer-aer irkanr maq urler mawf-a. Khoermirnae, aqyawf-euq aqda dovle-awr, aqyawf-anr tanqshar-euq mae.

Luˇkaꞈ 15:28 Referans Kwoze

Yawˇnaˆ 4:9

Ehˇ kʼawꞈ, “Aˇ bawˬ teu bawˬ-ahˇ taꞈ leˇ-awˇ nawˇ aˬ jeˬ nui ma pehˇ kʼaˇ za te” lehˇ aˬ yawꞈ-ahˇ Miˬyehˇ ehˇ nehˬ-euˬ meh. Yawˇnaˆ ehˇ-eu, “Ngaˇ nui ma pehˇ kʼaˇ za tehꞈ-a. Shiˇ paˬ-ehˇ pehˇ dui dui laˇ nya.”

1 Saˬmeuˬlaˆ 18:8

Kʼoeˇ loꞈ-ehˇ caˇ gaˇ Sawˇluˆ maˬ naˇ haˬ nahˇ-ehˇ, nui ma pehˇ laˇ-euˬ meh. Aˬ yawꞈ ehˇ-eu, “Daˬbiˇ-ahˇ aˇ muiˇ gʼaˬ lehˇ aˬ yawꞈ maꞈ ehˇ-awˇ, ngaˬ-ahˇ aˇ heˇ gʼaˬ lehˇ tehꞈ-ehˇ aˬ yawꞈ maꞈ ehˇ-eu meh. Aˬ yawꞈ maꞈ aˬ yawꞈ-ahˇ sahˬ paˬ bi geuꞈ-eu lehˇ gʼeh-eu nga.”

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Luˇkaꞈ 7:39

Paˬliˬsehˇ kʼoeˇ gʼaˬ kʼoeˇ gaˇ ya mawˇ ngeh, nui ma laꞈ kʼoeˇ ciˬ cuˇ ni heu loꞈ-ehˇ ehˇ kʼoeˬ-euˬ meh. “Tsawˇ haˬ heu gʼaˬ aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ ngeuˇ naˇ, aˬ yawꞈ-ahˇ toeˬ ciˆ luꞈ-eu zaˬ miˬ zaˬ teu gʼaˬ aˬ joˆ-ehˇ gʼeh-eu tsawˇ haˬ pyeuꞈ-eu aˬ yawꞈ si nya tehꞈ-a. Zaˬ miˬ zaˬ teu gʼaˬ iˬ baˇ zaˬ meh lehˇ aˬ yawꞈ siˬ nya tehꞈ-a.”

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Gʼaˬkʼehˇ 14:2

Ehˇ kʼawꞈ, maˬ jah-eu Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ kawˆ-awˇ, jah-eu tsawˇ haˬ deuˬ-ahˇ muiˇ laˇ ni jahˇ-euˬ meh.

Gʼaˬkʼehˇ 13:45

Tsawˇ haˬ aˇ maꞈ myaˬ dui dui gaˇ Yuˇdaˆ tsawˇ haˬ deuˬ ya mawˇ ngeh, myaˆ naˆ-awˇ, Pawˇluˆ ehˇ gaˇ tsawˇ pyehˇ pyehˇ pyehˇ-ehˇ, Pawˇluˆ-ahˇ yaˬ kʼehˇ yaˬ-euˬ meh.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 5:30

Paˬliˬsehˇ deuˬ hawˇ-eu aˬ yawꞈ maꞈ-euˬ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Aˬ jeˬ miˇ neh kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ nehˬ-ehˇ naw maꞈ dzaˬ taꞈ dawˇ taꞈ te.”

Maꞈtehˬ 20:11

Aˬ yawꞈ maꞈ-ahˇ gʼaˬ gaˇ poeˬ biꞈ nehˬ ngeh, aˬ gaꞈ yaˇ kmˇ yaw sahˇ gʼaˬ-ahˇ aˬ yawꞈ maꞈ gʼawˬ mya jeˬ toˇ-eu meh.

1 Saˬmeuˬlaˆ 17:28

Tsawˇ haˬ kʼoeˇ deuˬ nehˬ-ehˇ Daˬbiˇ kʼoeˇ loꞈ-ehˇ ngehˬ cawˬ luꞈ gaˇ, Daˬbiˇ-euˬ aˇ doˆ aˬ yuiꞈ yuiꞈ saˬ gʼaˬ pyeuꞈ-eu Eˇliˇbaˆ gʼaˬ ya gaˬ ngeh, Daˬbiˇ-ahˇ nui ma pehˇ laˇ-awˇ, heu loꞈ-ehˇ dehˬ-euˬ meh. “Nawˇ heu gaˇ aˬ jeˬ gʼeh laˇ teˬ. Bawˇ tsahˬ bawˇ dahˇ-ahˇ bi jawˇ-euˬ yawˇ kʼoeˇ deuˬ-ahˇ aˬ suˇ gʼaˬ bi haw yaꞈ teˬ. Zaˬ zaˬ uˬ zaˬ dawˆ nawˇ. Aˬ cawˬ guiˇ deuˆ gaˇ haw laˇ-eu lehˇ laˇ-euˬ maˬ ngeuˇ loˇ teu.”

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

Lormav 10:19

“Iˇsaˬleˬlaˆ tsawˇ haˬ deuˬ maˬ gʼoˆ shaw-aˬ loˇ” lehˇ ngaˇ paˇ naˇ haˬ mawꞈ-eu ma. Dawˬ heu dawˬ-ahˇ ehˇ kʼoꞈ beh beh-euˬ gʼaˬ Moˇseˬ meh. Aˬ yawꞈ ehˇ taˬ-euˬ heu loꞈ-ehˇ jaˆ-eu meh. “Aˬ cawˬ tsawˇ jeuˬ-ahˇ ngaˇ zmˬ-awˇ, naw maꞈ myaˆ naˆ ni ngaˇ jahˇ ma. Aˬ dzawˬ tsawˇ jeuˬ-ahˇ ngaˇ gʼoe-awˇ, naw maꞈ nui ma pehˇ ni jahˇ ma.”

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Maˬkuˆ 1:40

Coiˬ doi naˇ-eu tsawˇ haˬ tiˬ gʼaˬ Yeˬsuˇ jawˇ gaˇ oe-awˇ, pawˬ tsuiꞈ pawˬ dmˬ dmˬ-awˇ, “Nawˇ jahˇ nehˬ laꞈ mawꞈ naˇ, ngaˇ muiˬ laˇ shawˇ laˇ ni jahˇ nya meh” lehˇ ehˇ-eu meh.

Luˇkaꞈ 15:27

Zaˬ kʼaˆ kʼoeˇ gʼaˬ aˬ yawꞈ-ahˇ ehˇ-eu, ‘Nawˬ-euˬ aˬ nyiˇ gʼoꞈ laˇ-euˬ meh. Aˬ yawꞈ tiˬ jeˬ-iˬ maˬ gʼeh ni gʼoꞈ keuˆ laˇ-euˬ miˇ neh, nawˬ da laˬ kʼaˬ cehˇ-awˇ cu tsuˇ taˬ-euˬ mawˇ neˇ mawˇ gawˬ zaˬ kʼoeˇ mawˇ sehꞈ-euˬ meh.’

Luˇkaꞈ 15:29

Ehˇ kʼawꞈ, aˬ yawꞈ-euˬ aˬ da-ahˇ aˬ yawꞈ ehˇ nehˬ-eu, ‘Heu myaˆ kʼoꞈ heu myaˆ la nawˬ-ahˇ ngaˇ zaˬ kʼaˆ loꞈ-ehˇ mˇ cu-euˬ uˬ taꞈ, nawˬ-euˬ ehˇ dawˬ maˬ naˇ haˬ-euˬ tiˬ poˆ-iˬ maˬ jaˆ haw-aˬ. Ehˇ kʼawꞈ, ngaˬ-euˬ cawˬ deuˬ nehˬ-ehˇ dzaˬ taꞈ dawˇ taꞈ-eu gʼaˇ duˬ, ciꞈ myehꞈ ciꞈ zaˬ tiˬ mawˇ tehꞈ-ehˇ kʼawꞈ nawˇ ngaˬ-ahˇ tiˬ jawˇ-iˬ maˬ biꞈ laꞈ haw-aˬ.

Yeˬlaˬmiˇ 35:16

Yawˇnaˬdehˇ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˬ poeˬ Yawˇnaˬdehˇ-euˬ dawˬ-ahˇ naˇ haˬ-awˇ dehꞈ kʼawꞈ, naw maꞈ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.