Luˇkaꞈ 10:4 - Akha

⁴ Pyuˇ pawˬ behˆ, pehˇ tahˬ, sehˬ nawˆ, heu deuˬ taˬ yuˇ gʼeh. Gaˇ pehˇ-ahˇ tahˬ puˬ le-eu tsawˇ haˬ deuˬ-ahˇ dawˬ cawˬ puˬ puˬ-ehˇ taˬ jawˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Pyur pawqbaev, paertanr hawr-eu saeqnawv taq yurghae. Garpaer canluf ngae, aqcawq-anr dawqcawq puqpuq-aer taqjawr.

Luˇkaꞈ 10:4 Referans Kwoze

Luˇkaꞈ 22:35

Kʼoeˇ naˇ, Yeˬsuˇ aˬ yawꞈ-euˬ zaˬ lahˇ deuˬ-ahˇ ehˇ nehˬ-eu, “Ngaˇ naw maꞈ-ahˇ, pyuˇ pawˬ behˆ, pehˇ tahˬ, sehˬ nawˆ, heu deuˬ maˬ bi yuˇ ni kʼehˇ gʼeh ngeh, naw maꞈ tiˬ jeˬ paˬ loˬ-euˬ jaˆ te loˇ.” Aˬ yawꞈ maꞈ ehˇ-eu, “Tiˬ jeˬ-iˬ maˬ loˬ-aˬ.”

2 Sahˬpaˬ 4:29

Geˬhaˬziˇ-ahˇ Eˇliˇshehˇ ehˇ nehˬ-eu, “Yaw kawˇ-ehˇ lehˬ hmˬ-awˇ, ngaˬ-euˬ gawˬ yoeˬ yuˇ-awˇ iˇ-awˬ. Kʼaˇ tahˬ puˬ le-eu tsawˇ haˬ tiˬ gʼaˬ-ahˇ-iˬ dawˬ maˬ ngehˬ cawˬ ni iˇ-awˬ. Aˬ cawˬ nawˬ-ahˇ dawˬ ngehˬ cawˬ laˇ kʼawꞈ, nawˇ dawˬ maˬ ngehˬ cawˬ ni nymˇ kʼoeˇ nymˇ-ahˇ dawˇ coe ni iˇ-awˇ, ngaˬ-euˬ gawˬ yoeˬ heu aˬ li kʼoeˇ li kʼoeˇ taˆ cawˬ ja-awˬ.”

Dawqdaq 4:25

Nawˬ-euˬ myaˆ nuiˆ mehˬ hu paw dawˇ coe ni haw-awˇ, shaꞈ dawˇ-eu jeˬ-ahˇ uˬ duˬ taˬ ciˬ ceuˬ.

2 Sahˬpaˬ 4:24

Kʼoeˇ naˇ, miˬ zaˬ gʼaˬ mahˬ tahˬ laˆ dziˬ gʼa laˆ dawˆ-awˇ, “Gʼeu naˬ-awˬ lehˇ ngaˇ maˬ ehˇ kʼoeˇ keuˆ ni teh kawˇ dui dui-awˬ” lehˇ, aˬ yawꞈ-euˬ zaˬ kʼaˆ-ahˇ ehˇ nehˬ-euˬ meh.

1 Saˬmeuˬlaˆ 21:8

Aˬhiˇmaˬlehˇ-ahˇ Daˬbiˇ ehˇ nehˬ-euˬ, “Nawˇ jawˇ gaˇ gahˬ hawˇ-eu mi cehˇ tiˬ kahˇ na maˬ jaˆ loˇ. Ngaˬ-ahˇ tiˬ poˆ biꞈ laꞈ sheˇ. Sahˬ paˬ ngaˬ-ahˇ Yaw kawˇ-ehˇ doˆ-iˇ-awˬ lehˇ dawˬ biꞈ laꞈ-euˬ miˇ neh, tehˬ law baw law-ehˇ doˆ le-awˇ, ngaˬ-euˬ mi cehˇ hawˇ-eu guiˇ deuˆ-eu keu ka yuˇ-eu maˬ dah-aˬ.”

Aˇ dahˬ 24:56

“Nga maꞈ-ahˇ heu gaˇ taˬ paˇ bi jawˇ nehˬ laꞈ. Gaˇ heu hmˬ pyeuꞈ leˇ ni Sahˬpaˬ Miˬyehˇ nga maꞈ-ahˇ mˇ nehˬ laꞈ gʼaˬ-euˬ miˇ neh, nga maꞈ-euˬ baw leˬ jawˇ gaˇ bi gʼoꞈ-iˇ laꞈ-awˬ” lehˇ, zaˬ kʼaˆ kʼoeˇ gʼaˬ ehˇ-eu meh.

Aˇ dahˬ 24:33

Dzaˬ dzaˬ dawˇ dawˇ lehˬ hmˬ laˆ saˆ gʼaˬ-awˇ, ciˬ doˆ leꞈ ngeh jawˇ, “Ngehˬ paˬ tmˇ paˬ-ehˇ gʼeh-eu gaˇ kawˆ deuˬ maˬ ngehˬ maˬ tmˇ jiˇ kʼoeˇ keuˆ ni, ngaˇ tiˬ jeˬ-iˬ maˬ dzaˬ te siˬ” lehˇ, zaˬ kʼaˆ kʼoeˇ gʼaˬ ehˇ-eu meh. Kʼoeˇ ngeh, “Kʼaˇ ngehˬ kʼaˇ tmˇ paˬ-ehˇ gʼeh-eu jeˬ ngehˬ-awˬ tmˇ-awˬ” lehˇ, zaˬ kʼaˆ kʼoeˇ gʼaˬ-ahˇ Laˬbaˬ ehˇ nehˬ-euˬ meh.

Maˬkuˆ 6:7

Gʼaˬ kʼehˇ tseˇ nyiꞈ gʼa-ahˇ aˬ yawꞈ kuˇ uiˬ-awˇ, nyiˬ gʼaˬ-euˬ tiˬ muˇ muˇ muˇ-ehˇ bi iˇ-euˬ meh. Nehꞈ yaw jawꞈ-ahˇ teh doˆ nya-eu baoˬ aˬ yawꞈ maꞈ-ahˇ biꞈ nehˬ-euˬ meh.