Luˇkaꞈ 1:20 - Akha

²⁰ Aˇ yamˬ tsaˬ laˇ ngeh maˇ maˇ ni pyeuꞈ laˇ-eu gaˇ kawˆ heu-ahˇ ngaˇ tsaꞈ gaˬ le-eu kʼawꞈ, nawˇ maˬ jah-eu miˇ neh, ngaˬ neh ehˇ-euˬ loꞈ-ehˇ maˬ pyeuꞈ laˇ kʼoeˇ keuˆ ni, nawˇ dawˬ maˬ ngehˬ nya ni ciˬ cuˇ ya jawˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aryamq tsaqlar ngae, ngaq nae aer-euq dawq heu byanlar taef-a. Aerkhawf, nawr maqjan-eu mirnae, garkawv heu maq pyeuflar-euq khoerkeuvni, nawr aqdzawq lof-aer dawq maq ngaeqnya’ni pyeuf-ir taef-a.”

Luˇkaꞈ 1:20 Referans Kwoze

Yeˬsaˬgeˬlaˇ 3:26

Ngaˬ-ahˇ puiˬ-eu tsawˇ haˬ heu deuˬ-ahˇ nawˇ maˬ mehˬ maˬ tsoˆ nya-ehˇ pyeuꞈ-iˇ ni, nawˬ-euˬ mehˬ laˇ ngaˇ bi kʼaˆ-iˇ ma.

Yeˬsaˬgeˬlaˇ 24:27

Kʼoeˇ ngeh nah, naw maꞈ jawˇ gaˇ maˬ jaˆ-ehˇ pyeuꞈ-iˇ-euˬ dawˬ ngehˬ-eu baoˬ naw maꞈ paˇ za kʼoꞈ-awˇ, aˬ yawꞈ nehˬ-ehˇ dawˬ ya ngehˬ cawˬ tehꞈ-a. Kʼoeˇ loꞈ-ehˇ gʼeh-eu laꞈ kʼoeˇ, naw maꞈ aˬ cawˬ gʼaˇ duˬ bi siˬ bi mawˇ-eu jeˬ pyeuꞈ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ cawˬ ya siˬ tehꞈ-a.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Luˇkaꞈ 1:22

Aˬ yawꞈ gʼoꞈ doˆ le ngeh, aˬ yawꞈ maꞈ-ahˇ dawˬ maˬ ngehˬ cawˬ nya-ehˇ pyeuꞈ-iˇ-euˬ miˇ neh, Uˬ duˬ tahˬ nymˇ nymˇ ma laꞈ kʼoeˇ, yaw sahˇ laꞈ kʼoeˇ pah mehˬ le-euˬ tiˬ jeˬ paˬ-ahˇ aˬ yawꞈ ya mawˇ-euˬ ngaˇ lehˇ aˬ yawꞈ maꞈ siˬ nya-euˬ meh. Aˬ yawꞈ dawˬ maˬ ngehˬ nya-eu miˇ neh, aˬ yawꞈ maꞈ-ahˇ laꞈ dzawˇ dzawˇ nehˬ-euˬ meh.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

2 Tiˆmoˇseˬ 2:13

Aˬ dui saˇ jaˇ maˬ ziꞈ law kʼawꞈ, aˬ yawꞈ saˇ jaˇ ziꞈ dui dui meh. Aˬ jeˬ miˇ neh ehˇ naˇ, aˬ yawꞈ saˇ jaˇ ziꞈ-eu miˇ neh, yawˬ haˇ yawˬ ha maˬ byehˇ dzeh-a.”

Luˇkaꞈ 1:45

Sahˬpaˬ Miˬyehˇ neh kʼaˇ ehˇ nehˬ laꞈ-euˬ jeˬ aˬ diˇ aˬ maˇ pyeuꞈ laˇ tehꞈ-a lehˇ jah-eu zaˬ miˬ zaˬ-aˬ, guiˬ lahˬ huiˬ dui dui meh.”

Maˬkuˆ 16:14

Aˇ saˬ saˬ-eu poˆ, zaˬ lahˇ tseˇ tiꞈ gʼaˬ hawˬ dzaˬ dzaˬ luꞈ gaˇ Yeˬsuˇ gʼawˇ mawˇ bi mawˇ le-euˬ meh. Aˬ yawꞈ maꞈ maˬ jah ni nui ma gʼahˇ gaˇ aˬ yawꞈ dehˬ-euˬ meh. Aˬ jeˬ miˇ neh ehˇ naˇ, aˬ yawꞈ gʼoꞈ dehꞈ laˇ-awˇ jawˇ gaˇ ya mawˇ-euˬ deuˬ neh dzawˇ nehˬ-euˬ dawˬ-ahˇ aˬ yawꞈ maꞈ maˬ jah-a.

Maˬkuˆ 9:19

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jah-eu nui ma maˬ ahˇ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ ngaˇ aˇ myah keuˆ ni ya jawˇ ta. Naw maꞈ-ahˇ ngaˇ aˇ myah keuˆ ni ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Iˇsaˬyaˇ 7:9

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Saˬmaˬliˆ meuˬ taꞈ-ehˇ maˬ paˇ kʼaˆ dzehˬ-ehˇ, Saˬmaˬliˆ meuˬ kʼawꞈ sahˬ paˬ Peˬkah aˬ yawꞈ-euˬ mawˇ do taꞈ-ehˇ maˬ paˇ kʼaˆ dzehˬ nya-aˇ. “Nawˇ jah-eu nui ma maˬ ziꞈ naˇ, aˇ yamˬ gʼawˬ myahˇ ni maˬ gmˬ-aˇ”

2 Sahˬpaˬ 7:19

Eˇliˇshehˇ kʼoeˇ loꞈ-ehˇ ehˇ ngeh, “Kʼoeˇ loꞈ-ehˇ maˬ pyeuꞈ laˇ nya-aˇ, Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ” lehˇ, yaw huiˬ yaw mahˇ kʼoeˇ gʼaˬ ehˇ-euˬ meh. Kʼoeˇ ngeh, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ” lehˇ, Aˬ yawꞈ-ahˇ Eˇliˇshehˇ ehˇ kʼoꞈ nehˬ-euˬ meh.

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

Bawˇtsahˬ 20:12

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ-ahˇ Sahˬpaˬ Miˬyehˇ nui ma maˬ saˇ-ehˇ ehˇ-eu, “Naw nyaꞈ-aˬ, ngaˬ-ahˇ jah-eu maˬ byah maˬ loꞈ-euˬ laꞈ kʼoeˇ, Iˇsaˬleˬlaˆ tsawˇ haˬ heu myaˆ ni gʼeh-eu mehˬ shi, ngaˬ-euˬ muiˬ-eu shawˇ-eu baoˬ-ahˇ yaw zeu maˬ baw-eu miˇ neh, tsawˇ haˬ heu deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ naw nyaꞈ maˬ paˇ ya sheuˬ uˇ gʼeh meh.”

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Lormav 3:3

Ehˇ kʼawꞈ, aˬ yawꞈ maꞈ tiˬ paˆ na deuˬ Miˬyehˇ-euˬ dawˬ-ahˇ saˇ jaˇ maˬ ziꞈ naˇ, aˬ joˆ-ehˇ paˇ jahˇ nmˇ. Aˬ yawꞈ maꞈ kʼoeˇ loꞈ-ehˇ gʼeh-euˬ baˬ da neh Miˬyehˇ saˇ jaˇ maˬ ziꞈ nga lehˇ aˬ dui ehˇ nmˇ loˇ.

Daˬyeˬlaˇ 10:15

Aˬ yawꞈ kʼoeˇ loꞈ-ehˇ ehˇ ngeh, ngaˇ miˇ tsa haw tsoˆ taˬ-awˇ, dawˬ maˬ tmˇ ni jawˇ-euˬ ma.

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

Luˇkaꞈ 1:21

Kʼoeˇ ngeh, laꞈ nyiˇ paw Zaˬkaˬliˇ-ahˇ dawˬ luꞈ-eu tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ aˬ yawꞈ kʼoeˇ myah myah-ehˇ ga-iˇ-euˬ gaˇ zahˬ leˇ-euˬ meh.

Luˇkaꞈ 1:64

Tiˬ poˆ tehꞈ-ehˇ Zaˬkaˬliˇ-euˬ kʼaˬ meh pah laˇ-awˇ, mehˬ laˇ juˆ laˇ-euˬ miˇ neh, dawˬ ngehˬ doˆ nya laˇ-awˇ, Miˬyehˇ-ahˇ ja ceuˬ-euˬ meh.