Luˇkaꞈ 1:11 - Akha

¹¹ Kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ mehˬ shi doˆ le-awˇ, yaw saw jeˬ doꞈ damˬ-eu lawˇ duˬ-euˬ aˇ maˇ paw yawꞈ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, Sanqpaq Miqyaer-euq mqtav ghaqkhaer tiq ghaq dovle-awr, yawsaw jeq dofdamq-eu lawrduq-euq armar paw yawfluf-eu mae.

Luˇkaꞈ 1:11 Referans Kwoze

Yaˇ kʼaˬ daˇ 13:3

Sahˬpaˬ Miˬyehˇ-euˬ gʼaˬ kʼehˇ miˬ zaˬ gʼaˬ jawˇ gaˇ oe-awˇ ehˇ-eu, “Nawˇ-aˬ, zaˬ tiˬ gʼaˬ-iˬ maˬ jawˇ le haw-aˬ. Ehˇ kʼawꞈ, gʼawˬ myahˇ maˬ gʼeh-ehˇ nawˇ aˬ nyiˇ pi leˇ-awˇ, aˬ li tiˬ li ya ciˬ tehꞈ-a.

Panmaeq 9:13

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ daˇ heh baw ngeh, Miˬyehˇ mehˬ shi jaˆ-eu shuiˇ neh jahˇ taˬ-euˬ lawˇ duˬ-euˬ laꞈ coeˇ oeˬ coeˇ-ahˇ neh mahˇ doˆ laˇ-eu teˇ saˇ-ahˇ ngaˇ ya gaˬ-euˬ ma.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Gʼaˬkʼehˇ 5:19

Ehˇ kʼawꞈ, kʼoeˇ ngeh miˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ paꞈ kuˆ laˇ gʼoˆ pah le-awˇ, gʼaˬ kʼehˇ deuˬ-ahˇ sheuˬ doˆ nehˬ-awˇ, heu loꞈ-ehˇ ehˇ nehˬ-euˬ meh.

Luˇkaꞈ 2:10

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, ‘Taˬ guˆ. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ laˬ kʼaˬ cehˇ dui dui paˬ-ehˇ gʼeh-eu laˬ kʼaˬ cehˇ-eu guiˬ lahˬ dawˬ naw maꞈ-ahˇ ngaˇ tsaꞈ gaˬ le-euˬ ma.

Luˇkaꞈ 1:28

Mˬ taˆ gʼaˬ kʼehˇ kʼoeˇ gʼaˬ aˬ yawꞈ jawˇ gaˇ oe-awˇ ehˇ-eu, “Nui saˇ oꞈ luꞈ-uˇ. Sahˬpaˬ Miˬyehˇ nawˬ nehˬ-ehˇ jawˇ-awˇ, huiˬ dui dui-eu guiˬ lahˬ biꞈ luꞈ meh.”

Luˇkaꞈ 1:19

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Ngaˇ-aˬ, Miˬyehˇ-euˬ mehˬ shi yawꞈ-awˇ myawˬ kʼehˇ gʼoˆ luꞈ-eu Gaˬbeˬlaˇ ma. Aˬ yawꞈ ngaˬ-ahˇ kʼehˇ gʼeh leꞈ-awˇ, laˬ kʼaˬ cehˇ dui dui laˇ paˬ-ehˇ gʼeh-eu gaˇ kawˆ heu nawˬ-ahˇ bi tsaꞈ gaˬ le-euˬ meh.

Yaˇ kʼaˬ daˇ 13:9

Maˬnoˇaˬ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, miˬ zaˬ gʼaˬ deh yaˇ-ahˇ nuiˇ luꞈ gaˇ, aˬ yawꞈ-euˬ mˬ taˆ gʼaˬ kʼehˇ oe-euˬ meh. Kʼoeˇ ngeh jawˇ, aˬ yawꞈ-euˬ kʼaˬ dzeˇ zaˬ Maˬnoˇaˬ gʼaˬ aˬ yawꞈ nehˬ-ehˇ maˬ jawˇ-a.

Uˬ duˬ 16:13

Kʼoeˇ gaˇ, Sahˬpaˬ Miˬyehˇ-euˬ mehˬ shi, yaw saw jeˬ kʼoeˇ miˬ dzaˬ-ahˇ aˬ yawꞈ dawˆ puiˆ-awˇ, Dawˬ ma saˇ jaˇ Bahˬ keuˆ kʼmˬ pymˬ-ahˇ aˬ yawꞈ maˬ ya haw mawˇ-eu gʼaˇ duˬ, miˬ dzaˬ uˬ kʼoeˬ neh ya bi dehˬ kaˬ-eu meh. Aˬ jeˬ miˇ neh ehˇ naˇ, bahˬ keuˆ kʼmˬ pymˬ-ahˇ aˬ yawꞈ ya haw mawˇ naˇ, aˬ yawꞈ ya shiˇ meh.

Luˇkaꞈ 2:9

Mˬ taˆ gʼaˬ kʼehˇ tiˬ gʼaˬ aˬ yawꞈ maꞈ jawˇ gaˇ doˆ le-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ yawꞈ maꞈ-euˬ tiˬ jawˬ bya le-euˬ miˇ neh, aˬ yawꞈ maꞈ guˆ dui dui-iˇ-euˬ meh.