Luˇkaꞈ 1:10 - Akha

¹⁰ Kʼoeˇ loꞈ-ehˇ yaw saw jeˬ doꞈ damˬ luꞈ ngeh, laꞈ nyiˇ paw jawˇ yaꞈ-euˬ tsawˇ haˬ aˇ maꞈ deuˬ guiˬ lahˬ ya shaˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Yawsaw jeq dofdamqluf ngae, tsawrhaq armaf mafma deuq lafnyir paw jawr-awr guiqlanq sharluf-eu mae.

Luˇkaꞈ 1:10 Referans Kwoze

Uˬ duˬ 16:17

Shawˇ-eu zahˇ jahˇ-eu gʼaˇ duˬ, Muiˬ dui Shawˇ dui dui-eu Jawˇ duˬ-ahˇ Aˬloˬ uˇ leˇ-awˇ doˆ le ngeh keuˆ ni, Sehˬ gʼawˆ laꞈ kʼoeˇ tsawˇ haˬ tiˬ gʼaˬ-iˬ maˬ ya jawˇ-a. Aˬ yawꞈ-euˬ gʼawˇ mawˇ gʼaˇ duˬ maˬ ehˇ, aˬ yawꞈ-euˬ miˬ sawˇ zaˬ deuˬ gʼaˇ duˬ maˬ ehˇ, tsawˇ haˬ aˇ maꞈ aˇ muˇ dawˬ tawˆ luꞈ-euˬ gʼaˇ duˬ maˬ ehˇ, aˬ yawꞈ zahˇ jahˇ gʼaˬ ngeh,

Panmaeq 8:3

Shuiˇ neh jahˇ taˬ-euˬ tsiˇ yaw saw jeˬ doꞈ duˬ yuˇ luꞈ-eu mˬ taˆ gʼaˬ kʼehˇ yawˬ gʼaˬ yawˬ oe-awˇ, lawˇ duˬ-ahˇ yawꞈ le-euˬ meh. Miˬyehˇ-euˬ tsawˇ haˬ dawˬ tawˆ luꞈ guiˬ lahˬ shaˇ gaˇ geuꞈ-eu gʼaˇ duˬ hawˇ-eu, dzoeˬ dzaˬ nuiˇ mahˬ mehˬ shi jaˆ-eu lawˇ duˬ kʼoeˇ taˆ bi lawˇ-eu gʼaˇ duˬ, aˬ yawꞈ-ahˇ tsiˇ yaw saw jeˬ gʼawˬ mya ni biꞈ taˬ-euˬ meh.

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

Bawˇtsahˬ 7:50

yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Yeˬsaˬgeˬlaˇ 46:3

Jawˇ nah ngeh nah hawˇ-eu la shuiꞈ lah-eu bawˬ-iˬ kʼaˇ gʼeh ngeh, tsawˇ haˬ dawˬ tawˆ luꞈ lahˇ kʼehˬ kʼoeˇ-euˬ mehˬ shi awˆ byaˆ-awˇ, Sahˬpaˬ Miˬyehˇ-ahˇ uˬ duˬ ya tahˬ meh.