Lormav 9:9 - Akha

⁹ A jeˬ miˇ neh ehˇ naˇ, Miˬyehˇ saˇ jaˇ dzaˬ ngeh, “Aˇ yamˬ tsaˬ laˇ ngeh ngaˇ tiˬ poˆ paˇ oe ma. Kʼoeˇ ngeh, Saˬlaˇ aˬ li tiˬ li ciˬ tehꞈ-a” lehˇ ehˇ-awˇ dzaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, sarjax heulof-aer aertaq-euq mae, “Heuyamq-anr ngar paroe ma. Khoerngae, Saqlar zaqyo tiq ghaq ciq taef-a.” (Adb 18:10,14)

Lormav 9:9 Referans Kwoze

Aˇ dahˬ 18:10

“Ba la gʼoeˬ siˬ kaˇ-iˇ naˇ, ngaˇ tiˬ poˆ paˇ oe ma. Kʼoeˇ ngeh, nawˬ-euˬ nymˇ dahˬ Saˬlaˇ aˬ li tiˬ li ciˬ tehꞈ-a” lehˇ, aˬ yawꞈ maꞈ laꞈ kʼoeˇ tiˬ gʼaˬ ehˇ-eu meh. Kʼoeˇ loꞈ-ehˇ ehˇ luꞈ gaˇ, tsawˇ haˬ kʼoeˇ gʼaˬ-euˬ naˇ kʼah paw laˇ gʼoˆ baˇ laˇ-ahˇ Saˬlaˇ jawˇ-awˇ, kʼoeˬ naˇ haꞈ luꞈ-eu meh.

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Aˇ dahˬ 17:21

Ehˇ kʼawꞈ, naˬ yaꞈ kʼoꞈ heu yamˬ-ahˇ dehꞈ le-eu Saˬlaˇ-euˬ aˬ li Iˇtsaˆ gʼaˬ nehˬ-ehˇ, ngaˬ-euˬ dawˬ ma saˇ jaˇ ngaˇ taˬ ma.”

Aˇ dahˬ 21:2

Saˬlaˇ aˬ nyiˇ pi leˇ-awˇ, tsawˇ mawˬ mawˬ laˇ taˬ-euˬ Aˬbyaˬhaˬ gʼaˇ duˬ aˬ li tiˬ li ciˬ-euˬ meh. Aˬ li tiˬ gʼaˬ dehꞈ le tehꞈ-a lehˇ Miˬyehˇ neh ehˇ taˬ-euˬ aˇ yamˬ keuˆ laˇ ngeh, aˬ li kʼoeˇ li dehꞈ le-euˬ meh.

HeˬByehˇ 11:17

Aˬbyaˬhaˬ-ahˇ Miˬyehˇ lawˬ haw ngeh aˬ yawꞈ-euˬ aˬ li Iˇtsaˆ lawˇ nehˬ-euˬ kʼoeˇ-aˬ, jah-eu jeˬ baˬ da neh meh. Aˬbyaˬhaˬ-aˬ, Miˬyehˇ nehˬ-ehˇ saˇ jaˇ dzaˬ taꞈ-euˬ tsawˇ haˬ pyeuꞈ kʼawꞈ, aˬ yawꞈ-euˬ aˬ li tiˬ gʼaˬ tehꞈ-ehˇ jawˇ-eu lawˇ nehˬ coeˇ-eu meh.

Gʼaˬkʼehˇ 5:38

Kʼoeˇ miˇ neh, gaˇ kawˆ heu hmˬ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ ehˇ mawꞈ miˇ-a. Tsawˇ haˬ heu deuˬ-ahˇ do maˬ yuˇ ni bi jawˇ-awˬ. Aˬ yawꞈ maꞈ neh mˇ-euˬ gaˇ heu, tsawˇ haˬ zaˬ neh noeˬ doˆ-awˇ mˇ-euˬ jeˬ ngeuˇ naˇ, aˬ yawˇ yawꞈ piˬ-iˇ byoˆ-iˇ tehꞈ-a.