Lormav 9:28 - Akha

²⁸ Aˬ jeˬ miˇ neh ehˇ naˇ, miˇ tsaˬ dawˬ tawˆ luꞈ-ahˇ Miˬyehˇ yaw kawˇ-ehˇ tiˬ saˬ tiˬ li yaˇ kʼaˬ daˇ nehˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aqjeq mirnae aernar-aq, mirtsaq-euq khoertav aqyawf-euq gar ghawqmyanr maqmr-eu gharduq, Sanqpaq Miqyaer gar mrluiv-eu laer tsaq-awr dawr-eu lafkhoer, yawnymr lavnymr taef-a.” (Isy 10:22-23)

Lormav 9:28 Referans Kwoze

Iˇsaˬyaˇ 10:23

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ maꞈ-euˬ miˇ kʼahˬ doe ni luˬ-iˇ seˇ-iˇ-eu jeˬ bi keuˆ le-euˬ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Gʼaˬkʼehˇ 17:31

Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 9:8

Miˇtsaˬheu dawˬtawˆluꞈkʼoeˇtaˆ, Yaw tsaˬyaw dawˇneh uˆ lahˇ-awˇ, miˇtsaˬzaˬdawˬtawˆluꞈkʼoeˇtaˆ, dawˇcoe ni yaˇkʼaˬdaˇ-eu meh.

Iˇsaˬyaˇ 10:22

Nymˬ-mˇ Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ dui dui kʼawꞈ, ui cuiˆ tehꞈ-ehˇ gʼoꞈ doˆ laˇ tehꞈ-a. Luˬ-iˇ seˇ-iˇ-eu jeˬ kʼaˬ dahˇ tiˬ byah ni lehˬ hmˬ taˬ-euˬ loꞈ-ehˇ, nui kʼahˇ tiˬ shiˇ bi keuˆ le-euˬ meh.