Lormav 7:21 - Akha

²¹ Kʼoeˇ miˇ neh, yaw muiˬ jeˬ-ahˇ ngaˇ mˇ mawꞈ ngeh, maˬ muiˬ-eu jeˬ-ahˇ tehꞈ-ehˇ ngaˇ tseˇ geuꞈ ni zahˇ tiˬ zahˇ ngaˬ-euˬ laꞈ kʼoeˇ gaˇ mˇ luꞈ-eu nya lehˇ ngaˇ ya siˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoermirnae, ngar zanr heu tiqjeq-anr povmawr-euq ma. Ngar yawmuiq jeq mrdov laf-eu laer ghae ngae, ngaq-euq lafkhoer nae yawdoer jeq khawf mrdov laf-eu laer ghae-eu mir-a.

Lormav 7:21 Referans Kwoze

Lormav 7:23

Ehˇ kʼawꞈ, ngaˬ-euˬ gʼawˇ mawˇ laꞈ kʼoeˇ yawˬ zahˇ yawˬ gaˇ mˇ luꞈ gaˇ ngaˇ mawˇ-euˬ ma. Zahˇ kʼoeˇ zahˇ-aˬ, ngaˇ nui ma tsaˬ-eu zahˇ dawˬ kʼoꞈ dawˬ-ahˇ deuˆ ceh ceh luꞈ-eu meh. Zahˇ kʼoeˇ zahˇ neh ngaˬ-ahˇ paꞈ cuꞈ-awˇ, ngaˬ-euˬ gʼawˇ mawˇ laꞈ kʼoeˇ gaˇ mˇ luꞈ-eu iˬ baˇ-euˬ zahˇ sahˇ kʼoꞈ uˬ moˆ bi jawˇ laꞈ-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

Lormav 8:2

Aˬ jeˬ miˇ neh ehˇ naˇ, aˬ dui-ahˇ Yeˬsuˇ Ka li laꞈ kʼoeˇ bi dehꞈ laꞈ-euˬ Yaw sahˇ Miˬyehˇ-euˬ baoˬ-aˬ, iˬ baˇ hawˇ-eu shiˇ-eu jeˬ-euˬ zahˇ sahˇ kʼoꞈ uˬ moˆ aˬ dui-ahˇ bi buˬ-iˇ laꞈ-euˬ meh.

Lormav 6:14

Iˬ baˇ neh naw maꞈ-ahˇ taˬ paˇ bi uˆ lahˇ. Aˬ jeˬ miˇ neh ehˇ naˇ, zahˇ dawˬ kʼoꞈ dawˬ uˬ moˆ naw maꞈ maˬ paˇ jawˇ-ehˇ, Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu meh.

Lormav 6:12

Naw maꞈ-euˬ shiˬ shaˬ jiˇ nui kʼahˇ mehˬ nah maˬ ya caw teh ni, shiˇ nya-eu naw maꞈ-euˬ shiˬ shaˬ jiˇ gʼawˇ mawˇ-ahˇ iˬ baˇ neh taˬ paˇ bi uˆ lahˇ.

Jaceuq 119:133

Nawˬ neh saˇ jaˇ dzaˬ taˬ-eu loꞈ-ehˇ ngaˬ-ahˇ taˬ bi coˬ-iˇ laꞈ. Yaw haiˬ jeˬ ngaˬ-ahˇ taˬ bi gʼaˬ leˇ laꞈ.

2 Beˬtuˆluˆ 2:19

Yawˬ ha luˬ-iˇ seˇ-iˇ-eu jeˬ-euˬ zaˬ kʼaˆ geuꞈ geuꞈ-ehˇ shaˬ luꞈ ngeh, aˬ cawˬ-ahˇ bi buˬ-iˇ nya ma lehˇ aˬ yawꞈ maꞈ saˇ jaˇ dzaˬ-eu meh. Aˬ jeˬ miˇ neh ehˇ naˇ, tsawˇ haˬ tiˬ gʼaˬ-aˬ, yawˬ ha-ahˇ kʼaˇ uˆ gʼaˬ taˬ-euˬ jeˬ-euˬ zaˬ kʼaˆ pyeuꞈ-eu meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

Yoˇhaˬ 8:34

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˬ baˇ kʼaˇ mˇ-eu tsawˇ haˬ-aˬ, iˬ baˇ-euˬ zaˬ kʼaˆ meh.

Jaceuq 119:37

Gaˇ dahˇ maˬ tsoeˬ-eu jeˬ-ahˇ ngaˇ nui kʼahˇ maˬ ya jaˆ ni caw ba nehˬ laꞈ-awˇ, nawˬ neh saˇ jaˇ dzaˬ taˬ-euˬ loꞈ-ehˇ yaw muiˬ jeˬ biꞈ nehˬ laꞈ.

Luˇkaꞈ 4:1

Yeˬsuˇ-aˬ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu laꞈ kʼoeˇ Yawˇdaˬ lawˇ baˬ-ahˇ neh gʼoꞈ laˇ-awˇ, Yaw sahˇ Miˬyehˇ neh aˬ yawꞈ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Jaceuq 65:3

Yawˬ ha-euˬ iˬ baˇ gaˇ kawˆ-ahˇ taꞈ leˇ-awˇ ya laˇ tehꞈ-a. Nga maꞈ-euˬ iˬ baˇ nga maꞈ-ahˇ gʼaˬ leˇ taˬ-euˬ kʼawꞈ, nawˇ iˬ baˇ pyehˬ nehˬ laꞈ-euˬ meh.

Jaceuq 40:12

Maˬehˇjiˇcoeˇ-eu shaˬzahˬdeuˬ, ngaˬ-ahˇjawˬlahˇjiˇtaˬ-euˬmeh. Iˬbaˇneh bi uˆtehˬtaˬ-awˇ, myaˆnuiˆmaˬhaw mawˇnya miˇ-a. Tsehˇkahˇmaˬtseˇiˬbaˇmyaˬ-awˇ, nui ma gʼaˬbaˬdui dui miˇ-a.

Lormav 7:25

Aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ aˬ dui-ahˇ ka kʼoꞈ nehˬ laꞈ-euˬ Miˬyehˇ-euˬ guiˬ lahˇ-ahˇ ja ceuˬ kaˇ-euˇ. Ngaˇ heu loꞈ-ehˇ shaˬ luꞈ-eu ma. Ngaˬ-euˬ nui ma tehꞈ-ehˇ Miˬyehˇ-euˬ zahˇ dawˬ kʼoꞈ dawˬ mehˬ nah caw teh nya-awˇ, ngaˬ-euˬ shiˬ shaˬ jiˇ-aˬ, iˬ baˇ-euˬ zahˇ sahˇ kʼoꞈ mehˬ nah caw teh luꞈ-eu ma.