Lormav 7:13 - Akha

¹³ Toˆ-ehˇ maˇ-iˬ, muiˬ-eu jaˬ-eu jeˬ kʼoeˇ neh ngaˬ-euˬ kʼoeˇ taˆ shiˇ-eu jeˬ bi keuˆ le-euˬ ta loˇ. Maˬ ngeuˇ-a. Kʼoeˇ loꞈ-ehˇ jahˇ nehˬ laꞈ-euˬ kʼoeˇ-aˬ, iˬ baˇ neh meh. Aˬ yawꞈ maˇ maˇ ni iˬ baˇ pyeuꞈ-eu gaˇ kawˆ bya cehˆ ni bi mawˇ duˬ laˇ-eu gʼaˇ duˬ, yaw muiˬ jeˬ-ahˇ gʼoe-awˇ ngaˬ-euˬ kʼoeˇ taˆ shiˇ-eu jeˬ bi keuˆ le-euˬ meh. Kʼoeˇ miˇ neh, zahˇ dawˬ kʼoꞈ dawˬ baˬ da neh iˬ baˇ kʼoeˇ yaw beh naˆ maˬ tseˇ doeˇ dzehˬ-eu mawˇ duˬ laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Tox-aer mar-iq, yawmuiq jeq khoer ngaq-anr bishir laf-eu nga lor? Tiqpawf-iq maqngeur-a de-eq. Ngaq-anr bishir laf-eu-aq iqbax mae. Iqbax-aq, iqbax nga laer bi dovlarni, yawmuiq jeq-anr ghoe-awr ngaq-anr bishir laf-euq mae. Khoermirnae, zanrtaq khoftaq-aq, iqbax arnavni doer-eu nga laer byacaevni maeqnaeq laf-euq mae.

Lormav 7:13 Referans Kwoze

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Maꞈtehˬ 28:8

Kʼoeˇ ngeh, aˬ yawꞈ nyaꞈ guˆ kʼawꞈ guˆ, laˬ kʼaˬ kʼawꞈ cehˇ-eu laꞈ kʼoeˇ, nyi naˬ nyi naˬ-ehˇ maˬ jawˇ ni, aˬ yawꞈ-euˬ zaˬ lahˇ deuˬ-ahˇ dzawˇ nehˬ-iˇ-eu gʼaˇ duˬ cehˆ coeˬ coeˬ kʼoꞈ gʼeh-euˬ meh.

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.