Lormav 6:2 - Akha

² Kʼoeˇ loꞈ-ehˇ maˬ ngeuˇ-a. Iˬ baˇ mˇ-eu jeˬ-ahˇ taꞈ leˇ-awˇ, aˬ dui shiˇ dzeuˇ gʼaˬ-euˬ gaˇ duˇ-eu-aˬ, iˬ baˇ laꞈ kʼoeˇ aˬ duiˬ aˬ joˆ-ehˇ paˇ dehꞈ daˆ gʼeh leꞈ nya nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerlof-aer tiqpawf-iq taqmr! Aqdui iqbax-anr nae shirdzeur-euq tsawrhaq, iqbax-euq lafkhoer aqjox-aer par daefghae-eu?

Lormav 6:2 Referans Kwoze

1 Yoˇhaˬ 3:9

Miˬyehˇ-euˬ zaˬ pyeuꞈ laˇ-euˬ tsawˇ haˬ aˬ geuˬ gʼaˬ maˬ kaˬ, iˬ baˇ maˬ paˇ mˇ meh. Aˬ jeˬ miˇ neh ehˇ naˇ, Miˬyehˇ-euˬ seuˆ dzeuꞈ aˬ yawꞈ-euˬ laꞈ kʼoeˇ ahˇ-eu meh. Miˬyehˇ-aˬ, aˬ yawꞈ-euˬ aˬ da pyeuꞈ-eu baˬ da neh, aˬ yawꞈ iˬ baˇ maˬ paˇ mˇ daˆ leꞈ nya meh.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.

Lormav 7:4

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ kʼawꞈ kʼoeˇ gaˇ duˇ leˇ-eu meh. Zahˇ dawˬ kʼoꞈ dawˬ-ahˇ taꞈ leˇ-eu jeˬ laꞈ kʼoeˇ, naw maꞈ shiˇ dzeuˇ jiˇ-euˬ gaˇ duˇ-eu meh. Aˬ jeˬ miˇ neh ehˇ naˇ, naw maꞈ Yeˬsuˇ Ka liˬ-euˬ gʼawˇ mawˇ-ahˇ taꞈ leˇ gʼaˬ-euˬ meh. Miˬyehˇ-euˬ gaˇ laꞈ kʼoeˇ aˬ dui gaˇ dahˇ tsoeˬ-eu tsawˇ haˬ pyeuꞈ laˇ ni, naw maꞈ-aˬ, shiˇ dzeuˇ-euˬ gaˇ Miˬyehˇ neh paˇ bi gʼoꞈ dehꞈ laˇ-euˬ tsawˇ haˬ pyeuꞈ laˇ-euˬ meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Gaˬlaˬtiˆ 2:19

Ehˇ kʼawꞈ ngaˇ-aˬ, Zahˇ dawˬ kʼoꞈ dawˬ-ahˇ taꞈ leˇ-awˇ shiˇ gʼaˬ-euˬ tsawˇ haˬ ma. Miˬyehˇ-euˬ gʼaˇ duˬ dehꞈ nya ni Zahˇ dawˬ kʼoꞈ dawˬ neh bi sehꞈ-euˬ tsawˇ haˬ ma. Ngaˇ-aˬ, Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma.

Lormav 7:6

Ehˇ kʼawꞈ, nymˬ-mˇ poˆ jawˇ-aˬ, Zahˇ dawˬ kʼoꞈ dawˬ uˬ moˆ aˬ dui buˬ-iˇ law-iˇ gʼaˬ-euˬ ma. Aˬ jeˬ miˇ neh ehˇ naˇ, dzeuˇ laˇ ngeh aˬ dui-ahˇ paꞈ tawꞈ taˬ-euˬ jeˬ-ahˇ aˬ dui shiˇ dzeuˇ-euˬ ma. Boꞈ doˆ taˬ-euˬ zahˇ dawˬ kʼoꞈ dawˬ-ahˇ taꞈ-eu gaˇ ma yaw oeˇ-ahˇ gʼoe-awˇ Miˬyehˇ-euˬ gaˇ-ahˇ aˬ dui mˇ luꞈ-eu maˬ ngeuˇ. Yaw sahˇ Miˬyehˇ-ahˇ taꞈ-eu gaˇ ma yaw shuiꞈ-ahˇ gʼoe-awˇ mˇ luꞈ-eu ma.

1 Beˬtuˆluˆ 1:14

Miˬyehˇ-euˬ dawˬ-ahˇ naˇ haˬ geuꞈ-awˬ. Aˇ hu naw maꞈ Miˬyehˇ-ahˇ maˬ siˬ nya ngeh yawˬ ha-euˬ nui noeˬ nui loˆ geuꞈ-euˬ loꞈ-ehˇ taˬ gʼeh.

Gawˇlawˇsehˇ 2:20

Naw maꞈ Ka li nehˬ-ehˇ shiˇ-awˇ, mˬ hawˇ-eu miˇ yaw kaˬ-ahˇ uˆ lahˇ luꞈ-eu yaw sahˇ deuˬ-euˬ laꞈ-ahˇ ya buˬ ya law-iˇ-euˬ meh. Toˆ-ehˇ ngeuˇ naˇ, aˬ jeˬ miˇ neh naw maꞈ miˇ tsaˬ heu-ahˇ taꞈ-eu tsawˇ haˬ loꞈ-ehˇ dehꞈ te. Aˬ jeˬ miˇ neh naw maꞈ zahˇ sahˇ kʼoꞈ heu deuˬ-ahˇ caw teh-awˇ,

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Jaceuq 119:104

Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ zaˬ siˬ nui gahˇ za-euˬ miˇ neh, maˬ muiˬ-eu jeˬ-ahˇ ngaˇ bye-eu ma.

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Lormav 6:15

Toˆ-ehˇ ngeuˇ naˇ, aˬ joˆ-ehˇ jahˇ nmˇ. Aˬ dui zahˇ dawˬ kʼoꞈ dawˬ uˬ moˆ maˬ jawˇ-ehˇ Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu miˇ neh iˬ baˇ mˇ-eu la. Maˬ ngeuˇ-a.