Lormav 5:19 - Akha

¹⁹ Tsawˇ haˬ zaˬ tiˬ gʼaˬ maˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ iˬ baˇ zaˬ pyeuꞈ-iˇ-euˬ loꞈ-ehˇ, tsawˇ haˬ tiˬ gʼaˬ naˇ haˬ geuꞈ-euˬ baˬ da neh tsawˇ haˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsawrhaq tiq ghaq maq narhaq geuf-euq mirnae, tsawrhaq ghawqmya’ni iqbaxzaq pyeuf-ir-euq lof-aer, tsawrhaq tiq ghaq narhaq geuf-euq mirnae, tsawrhaq ghawqmya’ni tsaq-awr dawr-eu tsawrhaq pyeuflar taef-a.

Lormav 5:19 Referans Kwoze

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Lormav 5:18

Tsawˇ haˬ zaˬ tiˬ gʼaˬ neh mˇ-euˬ iˬ baˇ baˬ da neh tsawˇ haˬ zaˬ dawˬ dawˆ luꞈ yaˇ kʼaˬ daˇ nehˬ gaˇ ya daˬ-eu loꞈ-ehˇ, tsawˇ haˬ zaˬ tiˬ gʼaˬ neh mˇ-euˬ yaw tsaˬ yaw dawˇ jeˬ baˬ da neh tsawˇ haˬ zaˬ dawˬ tawˆ luꞈ-ahˇ bi buˬ bi law-iˇ-awˇ, yaw dehꞈ bi dehꞈ-eu meh.

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Lormav 5:15

Ehˇ kʼawꞈ, tsawˇ haˬ kʼoeˇ nyiˬ gʼaˬ beu gaˇ duˬ jaˆ-eu meh. Aˬ jeˬ miˇ neh ehˇ naˇ, Miˬyehˇ neh yawꞈ ngehꞈ-ehˇ biꞈ laꞈ-euˬ laꞈ sawˬ kʼoeˇ-aˬ, Aˬdaˬ neh iˬ baˇ mˇ-euˬ gaˇ maˬ duˇ leˇ-a. Tsawˇ haˬ kʼoeˇ tiˬ gʼaˬ-euˬ iˬ baˇ baˬ da neh tsawˇ haˬ gʼawˬ mya ni ya shiˇ-euˬ ngeuˇ meh. Ehˇ kʼawꞈ, Miˬyehˇ-euˬ guiˬ lahˬ yaw dzahˇ gʼaˬ kʼaˆ dzehˬ-awˇ, Yeˬsuˇ Ka li lehˇ kuˇ-eu tsawˇ haˬ tiˬ gʼaˬ-ahˇ gʼoe-eu laꞈ kʼoeˇ tsawˇ haˬ gʼawˬ mya ni-ahˇ yawꞈ ngehꞈ-ehˇ biꞈ nehˬ-euˬ meh.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Lormav 11:32

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ dawˬ tawˆ luꞈ-ahˇ aˬ yawꞈ-euˬ gʼawˬ shaˬ gaˬ-eu jeˬ biꞈ nehˬ mawꞈ-eu miˇ neh aˬ yawꞈ maꞈ dawˬ tawˆ luꞈ-ahˇ ehˇ dawˬ maˬ naˇ haˬ geuꞈ-eu jeˬ-euˬ uˬ moˆ paꞈ tawꞈ-awˇ bi jawˇ-euˬ meh.